ಬಿಎಸ್‍ಎಫ್ ಯೋಧ ಪೆರ್ಲದ ಬಾಲಕೃಷ್ಣ ಪಡ್ರೆಗೆ 'ಉತ್ಕøಷ್ಟ್ ಸೇವಾ ಪದಕ್'

               ಪೆರ್ಲ: ಗಡಿ ಭದ್ರತಾ ಪಡೆಯ 57ನೇ ಸಂಸ್ಥಾಪನಾ ದಿನ ಡಿ.1, ಬಿಎಸ್ ಎಫ್ ಡೇ -2021 ಅಂಗವಾಗಿ ಹೊಸದಿಲ್ಲಿಯ ಬಿಎಸ್‍ಎಫ್ ನಿರ್ದೇಶನಾಲಯದ ಮೆಡಲ್ ಡೆಸ್ಕ್  ಕೊಡ ಮಾಡುವ 'ಉತ್ಕೃಷ್ಟ್ ಸೇವಾ ಪದಕ್' ಪುರಸ್ಕಾರಕ್ಕೆ ಬಿಎಸ್‍ಎಫ್ ಯೋಧ ಪೆರ್ಲದ ಬಾಲಕೃಷ್ಣ ಬಿ.ಪಡ್ರೆ ಭಾಜನರಾಗಿದ್ದಾರೆ.

                ಎಣ್ಮಕಜೆ ಪಂಚಾಯಿತಿ ಪಡ್ರೆ ಗ್ರಾಮದ ಬದಿ ದಿ.ಕುಂಞಪ್ಪ ನಾಯ್ಕ ಮತ್ತು ಸರಸ್ವತಿ ದಂಪತಿ ಪುತ್ರ ಬಾಲಕೃಷ್ಣ ಬಿ.ಪಡ್ರೆ 2002ರ ಜೂನ್ 5ರಂದು ಭಾರತೀಯ ಸೈನ್ಯಕ್ಕೆ ಪಾದಾರ್ಪಣೆ ಮಾಡಿ ಜಾಖರ್ಂಡ್ ಹಜಾರಿಭಾಗ್ ನಲ್ಲಿ ಶಸ್ತ್ರ ಬೋಧಕ ತರಬೇತಿ ಪಡೆದಿದ್ದರು. ತರಬೇತಿ ಬಳಿಕ 3 ವರ್ಷ ರಾಜಸ್ಥಾನ, 4 ವರ್ಷ ಗುಜರಾತ್, 5 ವರ್ಷ ಕಾಶ್ಮೀರ, 5 ವರ್ಷ ಪಶ್ಚಿಮ ಬಂಗಾಳದ ಗಡಿಗಳಲ್ಲಿ ಹಾಗೂ ಪ್ರಸ್ತುತ ಛತ್ತೀಸ್‍ಗಢ 81ನೇ ಬೆಟಾಲಿಯನ್ ಯುನಿಟ್ ನಲ್ಲಿ ಸೇವೆಯಲ್ಲಿದ್ದಾರೆ. ಹಲವು ಸರ್ಕಾರಿ ಪದಕ, ಪುರಸ್ಕಾರಗಳನ್ನು ಪಡೆದ ಅವರು ವಿವಿಧ ಸಂಘ ಸಂಸ್ಥೆಗಳ ಗೌರವ ಸನ್ಮಾನಗಳಿಗೆ ಭಾಜನರಾಗಿದ್ದಾರೆ.