ರಾಷ್ಟ್ರಪತಿಯಿಂದ ನೌಕಾಪಡೆಯ ಕಾರ್ಯಾಚರಣೆ ವೀಕ್ಷಣೆ

                 ಕೊಚ್ಚಿ, ಕೇರಳ: ದಕ್ಷಿಣ ನೌಕಾಪಡೆಯ ಕಮಾಂಡ್‌ (ಎಸ್‌ಎನ್‌ಸಿ) ಬುಧವಾರ ನೀಡಿದ ಕಡಲ ಸಾಮರ್ಥ್ಯ ತೋರುವ ಕಾರ್ಯಾಚರಣೆಯ ಪ್ರದರ್ಶನಗಳಿಗೆ ರಾಷ್ಟ್ರಪತಿ ರಾಮನಾಥ್‌ ಕೋವಿಂದ್‌ ಸಾಕ್ಷಿಯಾದರು.

            ಭಾರತೀಯ ಸಶಸ್ತ್ರ ಪಡೆಯ ಸರ್ವೋಚ್ಚ ಕಮಾಂಡರ್‌ ಸಹ ಆಗಿರುವ ರಾಷ್ಟ್ರಪತಿ ಅವರು ನಾಲ್ಕು ದಿನಗಳ ಕೇರಳ ಪ್ರವಾಸದಲ್ಲಿದ್ದು, ಸ್ವದೇಶಿ ವಿಮಾನವಾಹಕ ಯುದ್ಧನೌಕೆ ಐಎನ್‌ಎಸ್‌ ವಿಕ್ರಾಂತ್‌ಗೆ ಭೇಟಿ ನೀಡಿ ನೌಕಾಪಡೆಯ ಅಧಿಕಾರಿಗಳೊಂದಿಗೆ ಸಂವಾದ ನಡೆಸಿದರು.