ಕೋಲ್ಕತಾ: ಕೋಲ್ಕತಾ ಮಹಾನಗರ ಪಾಲಿಕೆ (ಕೆಎಂಸಿ)ಯ ಚುನಾವಣಾ ಫಲಿತಾಂಶಗಳು ಮಂಗಳವಾರ ಪ್ರಕಟಗೊಂಡಿದ್ದು,144 ವಾರ್ಡ್ಗಳ ಪೈಕಿ 134 ವಾರ್ಡ್ಗಳನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳುವ ಮೂಲಕ ಟಿಎಂಸಿಯು ಭರ್ಜರಿ ಗೆಲುವನ್ನು ಸಾಧಿಸಿದೆ.
ಕೋಲ್ಕತಾ: ಕೋಲ್ಕತಾ ಮಹಾನಗರ ಪಾಲಿಕೆ (ಕೆಎಂಸಿ)ಯ ಚುನಾವಣಾ ಫಲಿತಾಂಶಗಳು ಮಂಗಳವಾರ ಪ್ರಕಟಗೊಂಡಿದ್ದು,144 ವಾರ್ಡ್ಗಳ ಪೈಕಿ 134 ವಾರ್ಡ್ಗಳನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳುವ ಮೂಲಕ ಟಿಎಂಸಿಯು ಭರ್ಜರಿ ಗೆಲುವನ್ನು ಸಾಧಿಸಿದೆ.
2015ರ ಕೆಎಂಸಿ ಚುನಾವಣೆಗಳಲ್ಲಿ ಟಿಎಂಸಿ 124,ಎಡರಂಗ 13,ಬಿಜೆಪಿ 5 ಮತ್ತು ಕಾಂಗ್ರೆಸ್ 2 ಸ್ಥಾನಗಳನ್ನು ಗೆದ್ದಿದ್ದವು.ಕಳೆದ ವರ್ಷ ನಡೆಯಬೇಕಿದ್ದ ಚುನಾವಣೆಯನ್ನು ಕೋವಿಡ್ನಿಂದಾಗಿ ಮುಂದೂಡಲಾಗಿತ್ತು.
ಟಿಎಂಸಿ ಶೇ.71.95,ಎಡರಂಗ ಶೇ.11.13 ಮತ್ತು ಬಿಜೆಪಿ ಶೇ.8.94ರಷ್ಟು ಮತಗಳನ್ನು ಗಳಿಸಿದ್ದರೆ ಕಾಂಗ್ರೆಸ್ಗೆ ಕೇವಲ ಶೇ.4.47ರಷ್ಟು ಮತಗಳು ದಕ್ಕಿವೆ. ಪಕ್ಷೇತರರು ಶೇ.3.25ರಷ್ಟು ಮತಗಳನ್ನು ಪಡೆದಿದ್ದಾರೆ.
ಈ ನಡುವೆ ಟಿಎಂಸಿ ಹಿಂಸಾಚಾರ,ಅಕ್ರಮಗಳನ್ನು ನಡೆಸಿತ್ತು ಎಂದು ಆರೋಪಿಸಿ ಬಿಜೆಪಿ ಮತ್ತು ಸಿಪಿಎಂ ಕಲಕತ್ತಾ ಉಚ್ಚ ನ್ಯಾಯಾಲಯದ ಮೆಟ್ಟಿಲೇರಿದ್ದು,ಡಿ.23ರಂದು ವಿಚಾರಣೆ ನಡೆಯಲಿದೆ.