ಸುಪ್ರೀಂ ಕೋರ್ಟ್: ಏಪ್ರಿಲ್‌ 4ರಿಂದ ಭೌತಿಕ ವಿಚಾರಣೆ

              ನವದೆಹಲಿ: ಸುಪ್ರೀಂ ಕೋರ್ಟ್‌ನಲ್ಲಿ ಏಪ್ರಿಲ್‌ 4ರಿಂದ ಪ್ರಕರಣಗಳ ಭೌತಿಕ ವಿಚಾರಣೆ ಆರಂಭವಾಗಲಿದೆ ಎಂದು ಸುಪ್ರೀಂ ಕೋರ್ಟ್‌ ಮುಖ್ಯ ನ್ಯಾಯಮೂರ್ತಿ ಎನ್‌.ವಿ.ರಮಣ ಬುಧವಾರ ತಿಳಿಸಿದರು. ಸುಪ್ರೀಂ ಕೋರ್ಟ್‌ನ ವಕೀಲರ ಸಂಘದ ಅಧ್ಯಕ್ಷ ವಿಕಾಸ್ ಸಿಂಗ್‌ ಅವರು ಈ ನಿರ್ಧಾರವನ್ನು ಸ್ವಾಗತಿಸಿದ್ದಾರೆ.

             ವಕೀಲರು ಬಯಸಿದರೆ ಸೋಮವಾರ ಮತ್ತು ಶುಕ್ರವಾರದ ವಿಚಾರಣೆಯನ್ನು ವರ್ಚುವಲ್‌ ರೂಪದಲ್ಲಿ ನಡೆಸಲು ಲಿಂಕ್‌ ಕಳುಹಿಸಿಕೊಡಲಾಗುವುದು ಎಂದು ರಮಣ ತಿಳಿಸಿದರು. ಕೋವಿಡ್‌ ಹಿನ್ನೆಲೆಯಲ್ಲಿ ಪ್ರಕರಣಗಳ ವಿಚಾರಣೆಯನ್ನು ಆನ್‌ಲೈನ್‌ ಮೂಲಕ ನಡೆಸಲಾಗುತ್ತಿತ್ತು.