ನಿಷ್ಪ್ರಯೋಜಕ ನಾಯಕರು ಸುಧಾಕರನ್ ಮತ್ತು ತನಗೆ ಬೆನ್ನ ಹಿಂಬದಿ ಚೂರಿ ಹಾಕಲು ಯತ್ನಿಸುತ್ತಿದ್ದಾರೆ: ವಿಡಿ ಸತೀಶನ್

        ತಿರುವನಂತಪುರ: ಕೆಪಿಸಿಸಿ ಅಧ್ಯಕ್ಷ ಕೆ.  ಸುಧಾಕರನ್ ಅವರನ್ನು ದಾರಿ ತಪ್ಪಿಸುವ ಯತ್ನ ನಡೆದಿದೆ ಎಂದು ಪ್ರತಿಪಕ್ಷ ನಾಯಕ ವಿ.ಡಿ.  ಸತೀಶನ್ ಹೇಳಿದ್ದಾರೆ.  ಇದರ ಹಿಂದೆ ಈಗ ಕೆಲಸವೇ ಇಲ್ಲದ ಕೆಲವರ ಕೈವಾಡವಿದ್ದು, ಮಿತಿ ಮೀರಿದರೆ ನಿಭಾಯಿಸಲಾಗುವುದು ಎಂದು ವಿಡಿ ಸತೀಶನ್ ಹೇಳಿದ್ದಾರೆ.

       ನಾನು ಗುಂಪು ಕಟ್ಟುವಂತೆ ಪ್ರೇರೇಪಿಸುತ್ತಿರುವುದಾಗಿ ಕೆಲವರು ಪ್ರಚಾರ ಮಾಡುತ್ತಿದ್ದಾರೆ.  ಈ ನಾಯಕರಿಗೆ ಪಕ್ಷ ನಿಷ್ಠೆ ಇಲ್ಲ.  ಅವರು ಕಳೆದುಕೊಂಡ ಅಧಿಕಾರದ ಸ್ಥಾನದ ಬಗ್ಗೆ ಮಾತ್ರ ಯೋಚಿಸುತ್ತಿದ್ದಾರೆ.  ಅದೇ ರೀತಿ ನಾಯಕತ್ವ ಬದಲಾವಣೆಯನ್ನು ಅರ್ಥ ಮಾಡಿಕೊಳ್ಳಬೇಕು ಎಂದು ತಿಳಿಸಿದರು.

        ಎಲ್ಲ ಮಿತಿಗಳನ್ನು ಬಿಟ್ಟು ಅಂತಃ ಕಲಹಗಳನ್ನು ಎದುರಿಸಬೇಕಾಗುತ್ತದೆ.  ಮುರಳೀಧರನ್ ಮತ್ತು ಚೆನ್ನಿತ್ತಲ ಅವರು ಎಲ್ಲವನ್ನೂ ಹೇಳಿರುವುದು ಒಳ್ಳೆಯದು.  ಪುನಾರಚನೆಗೆ ಅಸಮಾಧಾನ ವ್ಯಕ್ತಪಡಿಸಿ ಸಂಸದರು ಪತ್ರ ಕಳುಹಿಸುವುದರಲ್ಲಿ ಯಾವುದೇ ತಪ್ಪಿಲ್ಲ ಎಂದು ಅವರು ತಿಳಿಸಿದ್ದಾರೆ.  ಸಮಸ್ಯೆಗಳು ಬಗೆಹರಿದ ನಂತರ ಎರಡು ದಿನಗಳಲ್ಲಿ ಪಟ್ಟಿ ಬಿಡುಗಡೆ ಮಾಡಲಾಗುವುದು ಎಂದರು.

       ತನ್ನ ಹೆಸರಿನಲ್ಲಿ ಯಾವುದೇ ಗುಂಪು ಇಲ್ಲ ಎಂದು ವಿರೋಧ ಪಕ್ಷದ ನಾಯಕ ನಿನ್ನೆ ಹೇಳಿದ್ದರು. ತನ್ನ ಹೆಸರಿನಲ್ಲಿ ಗುಂಪು ಇದ್ದರೆ ಪಕ್ಷದ ಕೇಂದ್ರ ಕಚೇರಿಯಲ್ಲಿ ನಾನು ಇರುವುದಿಲ್ಲ.  ಗುಂಪು ಇರುವುದಾಗಿ ಸುಖಾಸುಮ್ಮನೆ  ಪ್ರಚಾರ ಮಾಡುತ್ತಿರುವ ಹಿಂದಿರುವವರು ಯಾರೆಂದೆಲ್ಲ ಗೊತ್ತಿದೆ. ಆದರೆ ಅವರ ಬಗ್ಗೆ ಈಗ ಏನನ್ನೂ  ಹೇಳುವುದಿಲ್ಲ ಎಂದು ವಿ.ಡಿ. ತಿಳಿಸಿರುವರು.