2022ರಲ್ಲಿ ಶೇ.70 ಪ್ರತಿಶತ ಮಹಿಳಾ ಉದ್ಯೋಗಿಗಳು ಕೆಲಸ ಬಿಡಲು ಚಿಂತನೆ: LinkedIn ವರದಿ

     ನವದೆಹಲಿ: ಹೆಸರಾಂತ ವೃತ್ತಿಪರ ಸಾಮಾಜಿಕ ಜಾಲತಾಣವಾದ ಲಿಂಕ್ಡ್ ಇನ್, ನಡೆಸಿದ ಸಂಶೋಧನೆಯಲ್ಲಿ 2022ರಲ್ಲಿ ಶೇ.70ರಷ್ಟು ಮಹಿಳಾ ಉದ್ಯೋಗಿಗಳು ಕೆಲಸ ಬಿಡುವ ಚಿಂತನೆ ನಡೆಸಿರುವುದು ಬಹಿರಂಗವಾಗಿದೆ. 

      ಉದ್ಯೋಗ ಸಂಸ್ಥೆಗಳು ಫ್ಲೆಕ್ಸಿಬಿಲಿಟಿ ಒದಗಿಸದೇ ಇರುವುದು ಮಹಿಳಾ ಉದ್ಯೋಗಿಗಳು ಕೆಲಸ ಬಿಡುತ್ತಿರುವುದಕ್ಕೆ ಮುಖ್ಯ ಕಾರಣ. ಶೇ. 88 ಪ್ರತಿಶತ ಮಹಿಳಾ ಉದ್ಯೋಗಿಗಳು ಫ್ಲೆಕ್ಸಿಬಿಲಿಟಿಗಾಗಿ ಸಂಬಳ ಕಡಿತವನ್ನು ಎದುರಿಸುತ್ತಿದ್ದಾರೆ.

     ಮಹಿಳಾ ಉದ್ಯೋಗಿಗಳು ಕೆಲಸದ ಸಂಸ್ಥೆಯಿಂದ ಫ್ಲೆಕ್ಸಿಬಿಲಿಟಿಯನ್ನು ಬಯಸುತ್ತಿಸ್ಸು, ಅದೇ ಅವರ ಪ್ರಮುಖ ಆದ್ಯತೆಯಾಗಿದೆ. ಅದನ್ನು ನೀಡದ ಸಂಸ್ಥೆಯನ್ನು ಅದೇ ಕಾರಣಕ್ಕೆ ತೊರೆಯುತ್ತಿದ್ದಾರೆ. 

ಉದ್ಯೋಗಸಂಸ್ಥೆಗಳಿಗೆ ಇದೊಂದು ಕರೆಗಂಟೆ ಎಂದು ಪರಿಣತರು ಅಭಿಪ್ರಾಯಪಟ್ಟಿದ್ದಾರೆ. ಫ್ಲೆಕ್ಸಿಬಿಲಿಟಿಯನ್ನು ಉದ್ಯೋಗಿಗಳಿಗೆ ಒದಗಿಸದೇ ಹೋದಲ್ಲಿ, ಸಂಸ್ಥೆ ಉತ್ತಮ ಕೆಲಸಗಾರರನ್ನು ಕಳೆದುಕೊಳ್ಳಲಿದೆ ಎಂದು ಅವರು ಎಚ್ಚರಿಸಿದ್ದಾರೆ.