ಕಾಸರಗೋಡು-ವಯನಾಡು ಗ್ರೀನ್ ಪವರ್ ಹೆದ್ದಾರಿ ಕೇರಳದ ಪ್ರಸರಣದಲ್ಲಿ ಮೈಲುಗಲ್ಲು: ಸಚಿವ ಕೆ.ಕೃಷ್ಣನ್ ಕುಟ್ಟಿ: 400 ಕೆವಿ ಕಾಸರಗೋಡು ವಯನಾಡ್ ಗ್ರೀನ್ ಪವರ್ ಹೆದ್ದಾರಿ ನಿರ್ಮಾಣ ಕಾಮಗಾರಿ ಉದ್ಘಾಟಿಸಿದ ಸಚಿವರು

                   ಕಾಸರಗೋಡು: 400 ಕೆವಿ ಕಾಸರಗೋಡು ವಯನಾಡ್ ಗ್ರೀನ್ ಪವರ್ ಹೆದ್ದಾರಿ ಕೇರಳದ ಪ್ರಸರಣದಲ್ಲಿ ಮೈಲಿಗಲ್ಲು ಆಗಲಿದೆ ಎಂದು ವಿದ್ಯುತ್ ಸಚಿವ ಕೆ.ಕೃಷ್ಣನ್ ಕುಟ್ಟಿ ಹೇಳಿದ್ದಾರೆ. ಆನ್‍ಲೈನ್ ಮೂಲಕ ಯೋಜನೆಯ ನಿರ್ಮಾಣ ಕಾಮಗಾರಿಯನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

             ಯೋಜನೆ ಸಾಕಾರಗೊಂಡರೆ ಉತ್ತರದ ಜಿಲ್ಲೆಗಳ ವಿದ್ಯುತ್ ಕೊರತೆ ನೀಗಿಸಲು ಹಾಗೂ ಮಲಬಾರಿನ ಅಭಿವೃದ್ಧಿಯಲ್ಲಿ ದೊಡ್ಡ ಬದಲಾವಣೆ ತರಲು ಸಾಧ್ಯ ಎಂದರು. ಎಲ್ಲಾ ಅಭಿವೃದ್ಧಿಯ ಆಧಾರ ಶಕ್ತಿ. ಸಕಾಲದಲ್ಲಿ ಇಂಧನ ದೊರೆತರೆ ಮಾತ್ರ ಅಭಿವೃದ್ಧಿ ಸಾಧ್ಯ.

                 ಈ ಯೋಜನೆಯಿಂದ ಕೇರಳಕ್ಕೆ ಅಗತ್ಯವಿರುವ ವಿದ್ಯುತ್ ಅನ್ನು ರಾಜ್ಯದ ವಿವಿಧ ಭಾಗಗಳಿಗೆ ಸುಲಭವಾಗಿ ಮತ್ತು ಅಡೆತಡೆಯಿಲ್ಲದೆ ಪಡೆಯಲು ಸಾಧ್ಯವಾಗುತ್ತದೆ ಎಂದು ಸಚಿವರು ಹೇಳಿದರು. ದೇಶಾದ್ಯಂತ ತೀವ್ರ ವಿದ್ಯುತ್ ಬಿಕ್ಕಟ್ಟಿನ ನಡುವೆಯೂ ಕೇರಳ ವಿದ್ಯುತ್ ಕಡಿತವಿಲ್ಲದೆ ಮುನ್ನಡೆಯುತ್ತಿದೆ. ಕಳೆದ ಹಣಕಾಸು ವರ್ಷದಲ್ಲಿ ತೀವ್ರ ಆರ್ಥಿಕ ಬಿಕ್ಕಟ್ಟಿನ ನಡುವೆಯೂ ಕೆಎಸ್‍ಇಬಿಯು `1467 ಕೋಟಿ ರೂ.ಗಳ ನಿರ್ವಹಣಾ ಲಾಭ ಗಳಿಸಲು ಸಾಧ್ಯವಾಯಿತು. ಆದ್ದರಿಂದ ಸಂಸ್ಥೆಯು ಸಾರ್ವಜನಿಕ ವಲಯದಲ್ಲಿ ಉಳಿಯುವುದು ಅಗತ್ಯವಾಗಿದೆ ಎಂದು ಸಚಿವ ಕೆ.ಕೃಷ್ಣನ್ ಕುಟ್ಟಿ ಹೇಳಿದರು.

                 ಕರಿಂದಳ ತೊಲೆನಿ ಅಮ್ಮಾರಮ್ಮ ಸಭಾಂಗಣದಲ್ಲಿ ನಡೆದ ಸಮಾರಂಭದ ಅಧ್ಯಕ್ಷತೆಯನ್ನು ಶಾಸಕ ಇ ಚಂದ್ರಶೇಖರನ್ ವಹಿಸಿದ್ದರು. ಕೆಎಸ್ ಇಬಿ ಟ್ರೆಂಡ್ ಗ್ರಿಡ್ ಮುಖ್ಯ ಎಂಜಿನಿಯರ್ ಎಸ್.ರಾಜನ್ ವರದಿ ಮಂಡಿಸಿದರು.

                      ಪರಪ್ಪ ಬ್ಲಾಕ್ ಪಂಚಾಯಿತಿ ಅಧ್ಯಕ್ಷ ಎಂ. ಲಕ್ಷ್ಮಿ, ಕಿನಾನೂರು - ಕರಿಂದಳ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಟಿ.ಕೆ ರವಿ, ಕಿನಾನೂರು - ಕರಿಂದಳ ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಟಿ. ಪಿ.ಶಾಂತ, ಕಿನಾನೂರು- ಕರಿಂದಳ ಗ್ರಾಮ ಪಂಚಾಯಿತಿ ಸದಸ್ಯ ಎಂ. ಉಮೇಶ ವೇಲೂರು ಹಾಗೂ ವಿವಿಧ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳಾದ ರಾಜನ್, ಕೆ. ಮುಹಮ್ಮದ್ ಕುಂಞÂ್ಞ, ರತೀಶ್ ಪುತಿಯಾಪರಂಬಿಲ್, ಕೈಪುರತ್ ಕೃಷ್ಣನ್ ನಂಬಿಯಾರ್, ಗೋವಿಂದನ್ ಪಳ್ಳಿಕಪ್ಪಿಲ್, ಕುರಿಯಾಕೋಸ್ ಪ್ಲಪ್ಪರಂಬಿಲ್, ಪಿ.ಪಿ. ರಾಜು ಒ. ಹಮೀದ್ ಹಾಜಿ, ಪಿ.ಟಿ.ನಂದಕುಮಾರ್, ಶೋಬಿ ಫಿಲಿಪ್ ಮಾತನಾಡಿದರು. ಕೆಎಸ್‍ಇಬಿ ಪ್ರಸರಣ ಮತ್ತು ವ್ಯವಸ್ಥೆಗಳ ಕಾರ್ಯಾಚರಣೆಯ ನಿರ್ದೇಶಕ ರಾಜನ್ ಜೋಸೆಫ್ ಸ್ವಾಗತಿಸಿ, ಉತ್ತರ ಟ್ರಾನ್ಸ್‍ಗ್ರಿಡ್‍ನ ಉಪ ಮುಖ್ಯ ಎಂಜಿನಿಯರ್ ಕೆ ಮಧು ವಂದಿಸಿದರು.