ಕೊಚ್ಚಿ: ಕಳಮಶ್ಚೇರಿ ಸಿಯುಎಸ್ ಎ ಟಿ ನ ವಿದ್ಯಾರ್ಥಿಗಳು ವಿಷಾಹಾರ ಸೇವನೆಯಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಸುಮಾರು 60 ವಿದ್ಯಾರ್ಥಿಗಳು ಜ್ವರ ಮತ್ತು ವಾಂತಿಯಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಆರೋಗ್ಯ ಇಲಾಖೆಯ ತಪಾಸಣೆಯ ನಂತರ ಕ್ಯಾಂಪಸ್ ನ್ನು ಮುಚ್ಚಲಾಯಿತು.
ಕುಸಾಟ್ ಮೂರು ದಿನಗಳ ವಿಶ್ವವಿದ್ಯಾನಿಲಯ ಫೆಸ್ಟ್ ಮತ್ತು ಕಾರ್ಯಕ್ರಮವನ್ನು ಆಯೋಜಿಸಿತ್ತು. ಇದು ಪೂರ್ಣಗೊಂಡ ಬಳಿಕ ವಿದ್ಯಾರ್ಥಿಗಳಿಗೆ ಆಹಾರ ವಿಷದ ಲಕ್ಷಣಗಳು ಕಾಣಿಸಿಕೊಂಡವು. ಎರಡು ದಿನಗಳಲ್ಲಿ 60 ವಿದ್ಯಾರ್ಥಿಗಳು ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ಇದರ ಬೆನ್ನಲ್ಲೇ ಆರೋಗ್ಯ ಇಲಾಖೆ ಹಾಗೂ ಆಹಾರ ಸುರಕ್ಷತಾ ಇಲಾಖೆ ಆವರಣದಲ್ಲಿರುವ ಹಾಸ್ಟೆಲ್‍ಗಳು ಹಾಗೂ ಫುಡ್ ಕೋರ್ಟ್‍ನಲ್ಲಿ ತಪಾಸಣೆ ನಡೆಸಿತು. ಯೂನಿವರ್ಸಿಟಿ ಫೆಸ್ಟ್ ವೇಳೆ ಆಹಾರ ವಿಷ ಸಂಭವಿಸಿದೆ ಎಂದು ತೀರ್ಮಾನಿಸಲಾಗಿದೆ. ಖಾಸಗಿ ವಸತಿ ನಿಲಯಗಳಲ್ಲಿ ಹಾಗೂ ಮನೆಗಳಲ್ಲಿ ವಾಸವಾಗಿರುವ ವಿದ್ಯಾರ್ಥಿಗಳಲ್ಲಿ ಆಹಾರ ವಿಷ ಸೇವನೆ ವರದಿಯಾಗಿದೆ. ಈ ಹಿನ್ನೆಲೆಯಲ್ಲಿ ಕ್ಯಾಂಪಸ್ ಮುಚ್ಚುವಂತೆ ವಿಶ್ವವಿದ್ಯಾಲಯಕ್ಕೆ ಸೂಚಿಸಲಾಯಿತು.
ಈ ತಿಂಗಳ 31 ರ ವರೆಗೆ ಕ್ಯಾಂಪಸ್ ಮುಚ್ಚಲಿದೆ. ತರಗತಿಗಳು ಆನ್‍ಲೈನ್‍ನಲ್ಲಿ ಮುಂದುವರಿಯಲಿವೆ. ಅಂತಿಮ ವರ್ಷದ ಪರೀಕ್ಷೆಗಳನ್ನು ಹೊರತುಪಡಿಸಿ ಎಲ್ಲಾ ಪರೀಕ್ಷೆಗಳನ್ನು ಮುಂದೂಡಲಾಗಿದೆ.
DOCTYPE html>
.jpeg)
