ಮನ್ ಕಿ ಬಾತ್ ನಲ್ಲಿ ಶಬರಿಮಲೆ ಯಾತ್ರೆಯನ್ನು ಉಲ್ಲೇಖಿಸಿದ ಪ್ರಧಾನಿ: ಕಾಡುಗಳಿಂದ ಸುತ್ತುವರಿದಿದ್ದರೂ ಬೆಟ್ಟದ ತುದಿಯಲ್ಲಿರುವ ಅಯ್ಯಪ್ಪನ ದರ್ಶನಕ್ಕೆ ಜನ ತೆರಳುತ್ತಿರುವುದು ವ್ಯಕ್ತಿಗೆ ಮಾತ್ರ ಅಲ್ಲ ಒಂದಷ್ಟು ಮಂದಿಗೆ ಸಕ್ರಿಯಗೊಳ್ಳಲು ಕಾರಣವಾಗುತ್ತದೆ ಎಂದ ಮೋದಿ

                 ನವದೆಹಲಿ: ಶಬರಿಮಲೆ ಯಾತ್ರೆಯು  ಭಕ್ತರು ರೂಢಿಸಿದ ಪವಿತ್ರತೆ ಎಂದು ಪ್ರಧಾನಿ ನರೇಂದ್ರ ಮೋದಿ ನಿನ್ನೆಯ ಮನ್ ಕಿ ಬಾತ್ ನಲ್ಲಿ ಹೇಳಿದ್ದಾರೆ. ಚಾರ್ಧಾಮ್ ಸೇರಿದಂತೆ ತೀರ್ಥಯಾತ್ರೆಗಳನ್ನು ಉಲ್ಲೇಖಿಸುವಾಗ ದಕ್ಷಿಣ ಭಾರತದ ಶಬರಿಮಲೆ ಯಾತ್ರೆಯ ಬಗ್ಗೆಯೂ ಪ್ರಧಾನಿ ಪ್ರಸ್ತಾಪಿಸಿದರು.

                      ಶಬರಿಮಲೆ ಯಾತ್ರೆ ದಕ್ಷಿಣ ಭಾರತದಲ್ಲಿ ಮಹತ್ತರವಾದುದು.  ಶಬರಿಮಲೆಗೆ ಹೋಗುವ ದಾರಿ ಸಂಪೂರ್ಣ ಅರಣ್ಯದಿಂದ ಆವೃತವಾದಾಗಲೂ ಬೆಟ್ಟದ ತುದಿಯಲ್ಲಿರುವ ಅಯ್ಯಪ್ಪನ ದರ್ಶನಕ್ಕೆ ಜನ ತೆರಳುತ್ತಾರೆ. ಇಂದಿಗೂ ಆ ಭಕ್ತಿಯ ಪ್ರಯಾಣ ಮುಂದುವರಿದಿದೆ.  ಭಕ್ತಾದಿಗಳು ಈಗಲೂ ಕಠಿಣ ವ್ರತಾಚರಣೆ; ಉಪವಾಸದಿಂದ ಈ ಯಾತ್ರೆ ನಡೆಸುತ್ತಿರುವಾಗ, ಜನರು ಧಾರ್ಮಿಕ ಸಮಾರಂಭಗಳಿಂದ ಹಿಡಿದು ವಸತಿ ವ್ಯವಸ್ಥೆಗಳವರೆಗೆ ಎಲ್ಲವನ್ನೂ ಮಾಡುತ್ತಾರೆ, ಅಂದರೆ ಈ ಪ್ರವಾಸಗಳು ಬಡವರಿಗೆ ನೇರವಾಗಿ ಸೇವೆ ಸಲ್ಲಿಸುವ ಅವಕಾಶವನ್ನು ನೀಡುತ್ತವೆ. ಇದರಿಂದ ಯಾತ್ರೆ ಕೈಗೊಳ್ಳುವ ಒಬ್ಬ ವ್ಯಕ್ತಿ ಮಾತ್ರವಲ್ಲದೆ ಆತನನ್ನು ಅನುಸರಿಸಿ ಹಲವು ವ್ಯವಸ್ಥೆಗಳು ಸಕ್ರಿಯಗೊಳ್ಳಲು ಕಾರಣವಾಗುತ್ತದೆ ಎಂದು ಪ್ರಧಾನಿ ಸೂಚಿಸಿದರು.

                 ಬಡವರಿಗೂ ಅಷ್ಟೇ ಅನುಕೂಲವಾಗಿದೆ. ಅದಕ್ಕಾಗಿಯೇ ದೇಶವು ಈಗ  ಆಧ್ಯಾತ್ಮಿಕ ಪ್ರಯಾಣದಲ್ಲಿ ಭಕ್ತರಿಗೆ ಸೌಲಭ್ಯಗಳನ್ನು ಹೆಚ್ಚಿಸಲು ಶ್ರಮಿಸುತ್ತಿದೆ. ಇಂತಹ ಪಯಣವನ್ನು ಕೈಗೊಂಡರೆ ಅಧ್ಯಾತ್ಮದ ಜೊತೆಗೆ ಭವ್ಯ ಭಾರತ, ಏಕ ಭಾರತ ದರ್ಶನವೂ ನಿಮ್ಮದಾಗುತ್ತದೆ ಎಂದು ಪ್ರಧಾನಿ ಹೇಳಿದರು.

            ಸಮಾಜದಲ್ಲಿದ್ದು ನಾವು ಯಾವಾಗಲೂ ಹೊಸ ಆಲೋಚನೆಗಳು ಮತ್ತು ಹೊಸ ಬದಲಾವಣೆಗಳನ್ನು ಅಳವಡಿಸಿಕೊಂಡು ಮುನ್ನಡೆಯುತ್ತೇವೆ. ನಮ್ಮ ಸಾಂಸ್ಕøತಿಕ ಚಳುವಳಿಗಳು ಮತ್ತು ಪ್ರವಾಸಗಳು ಇದರ ಹಿಂದೆ ಸಾಕಷ್ಟು ಕೊಡುಗೆ ನೀಡಿವೆ. ಅದಕ್ಕಾಗಿಯೇ ನಮ್ಮ ಋಷಿಮುನಿಗಳು ಮತ್ತು ಗುರುಗಳು ತೀರ್ಥಯಾತ್ರೆಯಂತಹ ಧಾರ್ಮಿಕ ಜವಾಬ್ದಾರಿಗಳನ್ನು ನಮಗೆ ವಹಿಸಿದರು.

            ಇನ್ನು ಕೆಲವೇ ದಿನಗಳಲ್ಲಿ ಜಗನ್ನಾಥನ ಪ್ರಸಿದ್ಧ ಯಾತ್ರೆ ಜುಲೈ 1ರಿಂದ ಆರಂಭವಾಗಲಿದೆ. ಈ ಸಂದರ್ಭದಲ್ಲಿ ಪುರಿಗೆ ತೆರಳಲು ಎಲ್ಲರೂ ಬಯಸುತ್ತಾರೆ. ಇತರ ರಾಜ್ಯಗಳಲ್ಲಿಯೂ ಜಗನ್ನಾಥ ಯಾತ್ರೆಯನ್ನು ಆಚರಿಸಲಾಗುತ್ತದೆ.  ಜೂನ್ 30ರಿಂದ ಅಮರನಾಥ ಯಾತ್ರೆ ಆರಂಭವಾಗಲಿದೆ. ಅಮರನಾಥ ಯಾತ್ರೆಗೆ ದೇಶ ವಿದೇಶಗಳಿಂದ ಭಕ್ತರು ಜಮ್ಮು ಕಾಶ್ಮೀರಕ್ಕೆ ಬರುತ್ತಾರೆ. ಜಮ್ಮು ಮತ್ತು ಕಾಶ್ಮೀರದ ಸ್ಥಳೀಯರು ಈ ಪ್ರಯಾಣದ ಜವಾಬ್ದಾರಿಯನ್ನು ಭಕ್ತಿಯಿಂದ ತೆಗೆದುಕೊಳ್ಳುತ್ತಾರೆ ಮತ್ತು ಯಾತ್ರಾರ್ಥಿಗಳಿಗೆ ಸಹಕರಿಸುತ್ತಾರೆ.

                 ಅಹಮದಾಬಾದ್ ಅಥವಾ ಪುರಿಯಲ್ಲಿರಲಿ, ಜಗನ್ನಾಥನೆಡೆಗಿನ ಈ ಪ್ರಯಾಣದ ಮೂಲಕ ನಮಗೆ ಅನೇಕ ಅರ್ಥಪೂರ್ಣ ಮಾನವೀಯ ಸಂದೇಶಗಳನ್ನು ನೀಡುತ್ತಾರೆ. ಜಗನ್ನಾಥನು ಜಗದ ಅಧಿಪತಿ. ಆದರೆ ಬಡವರು ಮತ್ತು ದೀನದಲಿತರು ಅವರ ಪ್ರಯಾಣದಲ್ಲಿ ವಿಶೇಷ ಸ್ಥಾನವನ್ನು ಹೊಂದಿದ್ದಾರೆ. ದೇವರು ಸಮಾಜದ ಎಲ್ಲಾ ವರ್ಗಗಳ ಮತ್ತು ವ್ಯಕ್ತಿಗಳೊಂದಿಗೆ ನಡೆದುಕೊಳ್ಳುತ್ತಾನೆ. ಹಾಗೆಯೇ ನಮ್ಮ ನಾಡಿನಲ್ಲಿ ನಡೆಯುವ ಎಲ್ಲಾ ಪ್ರಯಾಣಗಳಲ್ಲಿ ಬಡವ, ಶ್ರೀಮಂತ, ಮೇಲು  ಕೀಳು ಎಂಬ ಭೇದವಿರುವುದಿಲ್ಲ. ಎಲ್ಲಾ ಭೇದಗಳನ್ನು ಮೀರಿ ಕೇವಲ ದೈವ ಕ್ಷೇತ್ರಗಳ ಯಾತ್ರೆ ಅತ್ಯುನ್ನತವಾಗಿದೆ ಎಂದು ಪ್ರಧಾನಮಂತ್ರಿ ತಿಳಿಸಿದರು.