ಮಾಜಿ ಶಾಸಕ ಪಿ.ಸಿ.ಜೋರ್ಜ್ ಮನೆಗೆ ಕ್ರೈಂಬ್ರಾಂಚ್ ನಿಂದ ಹಠಾತ್ ದಾಳಿ: ತಪಾಸಣೆ

                ಕೊಟ್ಟಾಯಂ: ಮಾಜಿ ಶಾಸಕ ಪಿಸಿ ಜಾರ್ಜ್ ಮನೆಗೆ ಇಂದು ಬೆಳಿಗ್ಗೆ ಕ್ರೈಂ ಬ್ರಾಂಚ್ ದಾಳಿ ನಡೆಸಿ ಶೋಧ ನಡೆಸಿದೆ. ಕೊಟ್ಟಾಯಂನ ಏರಟುಪೆಟ್ಟಾದಲ್ಲಿರುವ ಮನೆಯಲ್ಲಿ ತಪಾಸಣೆ ನಡೆಸಲಾಗಿದೆ.
           ನಟಿ ಮೇಲೆ ಹಲ್ಲೆ ನಡೆಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪಿಸಿ ಜಾರ್ಜ್ ಪುತ್ರ ಶಾನ್ ಜಾರ್ಜ್ ವಿಚಾರಣೆ ನಡೆಸಲಾಯಿತು.
          ಕೊಟ್ಟಾಯಂ ಅಪರಾಧ ವಿಭಾಗದ ಡಿವೈಎಸ್ಪಿ ಇಂದು ಬೆಳಗ್ಗೆ ತನಿಖೆ ಆರಂಭಿಸಿದ್ದಾರೆ. ಅಪರಾಧ ವಿಭಾಗದ ಕಡೆಯಿಂದ ಇದೊಂದು ಅನಿರೀಕ್ಷಿತ ನಡೆ. ನಟಿ ಮೇಲಿನ ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಕಲಿ ವಾಟ್ಸಾಪ್ ಗ್ರೂಪ್ ಕ್ರಿಯೇಟ್ ಮಾಡಲಾಗಿದೆ ಎಂಬ ಮಾಹಿತಿ ಪೋಲೀಸರಿಗೆ ಲಭಿಸಿದೆ ಎನ್ನಲಾಗಿದೆ. ಕೊಲೆ ಸಂಚು ಪ್ರಕರಣದ ತನಿಖೆ ವೇಳೆ ದಿಲೀಪ್ ಸಹೋದರನ ಫೆÇೀನ್ ಪರಿಶೀಲಿಸಿದಾಗ ನಕಲಿ ವಾಟ್ಸಾಪ್ ಗ್ರೂಪ್ ಚಾಟ್ ಗಳು ಪತ್ತೆಯಾಗಿವೆ.
         ಚಾಟ್ ಪ್ರಕರಣದ ತನಿಖೆಯ ಭಾಗವಾಗಿ ಪಿಸಿ ಜಾರ್ಜ್ ಅವರ ಮನೆಯನ್ನು ಶೋಧಿಸಲಾಗುತ್ತಿದೆ. ನಟಿ ಮೇಲಿನ ಹಲ್ಲೆ ಪ್ರಕರಣದಲ್ಲಿ ದಿಲೀಪ್ ಬಂಧನವಾದ ಬಳಿಕ ಶಾನ್ ಜಾರ್ಜ್ ಜೈಲಿಗೆ ಬಂದು ದಿಲೀಪ್ ಅವರನ್ನು ಭೇಟಿಯಾಗಿದ್ದರು ಎಂಬುದು ಕ್ರೈಂ ಬ್ರಾಂಚ್ ಗೆ ಸಿಕ್ಕಿರುವ ಮಾಹಿತಿಯಾಗಿದೆ. ಆ ಬಳಿಕ ಈ ನಕಲಿ ವಾಟ್ಸಾಪ್ ಗ್ರೂಪ್ ಸೃಷ್ಟಿಯಾಗಿದೆ.
           ಕ್ರೈಂ ಬ್ರಾಂಚ್ ಪ್ರಕಾರ, ಡಿಜಿಪಿ ಬಿ ಸಂಧ್ಯಾ ಮತ್ತು ಮಂಜು ವಾರಿಯರ್ ಅವರ ನಕಲಿ ಪ್ರ್ರೊಫೈಲ್ ಬಳಸಿ ವಾಟ್ಸಾಪ್ ಗ್ರೂಪ್ ರಚಿಸಲಾಗಿದೆ. ನಕಲಿ ನಂಬರ್ ಗಳನ್ನು ಹಾಕಿ ದಿಲೀಪ್ ನನ್ನು ಲಾಕ್ ಮಾಡುವ ಹೆಸರಿನಲ್ಲಿ ಗುಂಪು ರಚಿಸಲಾಗಿತ್ತು. ಚಾಟ್‍ಗಳನ್ನು ವಿವಿಧ ರೀತಿಯಲ್ಲಿ ನಡೆಸಲಾಯಿತು. ನಕಲಿ ಪುರಾವೆಗಳನ್ನು ಸೃಷ್ಟಿಸಲು ಈ ಚಾಟ್ ನಡೆಸಲಾಗಿದೆ ಎಂದು ಅಪರಾಧ ವಿಭಾಗವೂ ಶಂಕಿಸಿದೆ. ದಿಲೀಪ್ ಎಲ್ಲರಿಂದ ಮೋಸಕ್ಕೊಳಗಾಗಿದ್ದಾರೆ  ಎಂಬಂತೆ ಬಿಂಬಿಸುವ ಯತ್ನ ನಡೆದಿದೆ ಎಂಬ ವರದಿಯೂ ಬರುತ್ತಿದೆ.