'ಗಾಂಧೀಜಿಗೆ ಅಗೌರವ ತೋರುವವರು ಗೂಂಡಾಗಳು' ಎಂದಿದ್ದ ಪಕ್ಷದ ಕಾರ್ಯಕರ್ತರಿದಲೇ ಗಾಂಧಿಗೆ ಅವಮಾನ: ಕಾಂಗ್ರೆಸ್ಸಿಗೆ ತಿರುಗೇಟು ನೀಡಿದ ಪೋಟೋ ವಿವಾದ

           ಕೊಚ್ಚಿ: ರಾಹುಲ್ ಗಾಂಧಿ ಕಚೇರಿ ಮೇಲೆ ದಾಳಿ ಮಾಡಿ ಗಾಂಧಿ ಭಾವಚಿತ್ರ ಧ್ವಂಸ ಮಾಡಿದ ಆರೋಪದ ಮೇಲೆ ಎಸ್‍ಎಫ್‍ಐ ವಿರುದ್ಧ ಯುಡಿಎಫ್ ನಾಯಕರ ನಿರಂತರ ವಾದದ ಅಂತ್ಯದಲ್ಲಿ ಪ್ರಕರಣದಲ್ಲಿ ನಾಲ್ವರು ಕಾಂಗ್ರೆಸ್ ಕಾರ್ಯಕರ್ತರನ್ನು ಬಂಧಿಸಲಾಗಿದೆ. ಈ ಚಿತ್ರವನ್ನು ಕಾಂಗ್ರೆಸ್ ಕಾರ್ಯಕರ್ತರೇ ನೆಲಕ್ಕೆಸೆದಿದ್ದಾರೆ ಎಂಬ ಎಲ್‍ಡಿಎಫ್‍ನ ಹೇಳಿಕೆಗೆ ಪೆÇಲೀಸರ ಕ್ರಮದಿಂದ ಬಲ ನೀಡುತ್ತದೆ. ಕಾಂಗ್ರೆಸ್ ಕಾರ್ಯಕರ್ತರು ರಾಷ್ಟ್ರಪಿತನ ಭಾವಚಿತ್ರವನ್ನು ನೆಲಕ್ಕೆ ಹಾಕಿದ್ದಾರೆ ಎಂಬ ಆರೋಪದ ವಿರುದ್ಧ ಪ್ರತಿಪಾದನೆಗೆ ಇಳಿದಿರುವ ಕಾಂಗ್ರೆಸ್, ಈ ನಿಟ್ಟಿನಲ್ಲಿ ಎಸ್‍ಎಫ್‍ಐ ಅನ್ನು ಸಮರ್ಥಿಸಿಕೊಳ್ಳುವ ಯಾವುದೇ ಸಾಕ್ಷ್ಯವನ್ನು ಸಾರ್ವಜನಿಕರ ಮುಂದೆ ಮಂಡಿಸಲು ಇನ್ನೂ ಸಾಧ್ಯವಾಗಿಲ್ಲ.
          ಎರಡು ತಿಂಗಳ ಹಿಂದೆ, ಬಫರ್ ಝೋನ್ ಸಮಸ್ಯೆಗೆ ರಾಹುಲ್ ಗಾಂಧಿ ಸ್ಪಂದಿಸುತ್ತಿಲ್ಲ ಎಂದು ಆರೋಪಿಸಿ ಎಸ್‍ಎಫ್‍ಐ ಕಾರ್ಯಕರ್ತರು ವಯನಾಡ್‍ನಲ್ಲಿರುವ ಎಂಪಿ ಕಚೇರಿಗೆ ಮೆರವಣಿಗೆ ನಡೆಸಿದರು. ಪ್ರತಿಭಟನೆ ವೇಳೆ ರಾಹುಲ್ ಗಾಂಧಿ ಕಚೇರಿಯಲ್ಲಿ ಇರಲಿಲ್ಲ. ಕಚೇರಿಯೊಳಗೆ ನುಗ್ಗಿದ ಕಾರ್ಯಕರ್ತರು ರಾಹುಲ್ ಗಾಂಧಿ ಅವರ ಕುರ್ಚಿಯ ಮೇಲೆ ಬಾಳೆಗೊನೆಗಳನ್ನಿರಿಸಿ ಘೋಷಣೆಗಳನ್ನು ಕೂಗಿದರು. ಮಾಜಿ ಕಾಂಗ್ರೆಸ್ ಅಧ್ಯಕ್ಷರ ಕಚೇರಿ ಕಡೆಗೆ ಎಸ್‍ಎಫ್‍ಐ ನಡೆಸಿದ ಮೆರವಣಿಗೆ ಭಾರಿ ಸುದ್ದಿ ಪ್ರಸಾರವಾಯಿತು. ಆದರೆ ಪ್ರತಿಭಟನಾಕಾರರು ಕಚೇರಿಯ ಗೋಡೆಯ ಮೇಲಿದ್ದ ಮಹಾತ್ಮ ಗಾಂಧಿ ಅವರ ಚಿತ್ರವನ್ನು ಒಡೆದಿದ್ದಾರೆ ಎಂದು ಕಾಂಗ್ರೆಸ್ ಆರೋಪಿಸಿದೆ. ಈ ಚಿತ್ರವು ಕಾಂಗ್ರೆಸ್ ನಾಯಕರ ಮಾಧ್ಯಮಗಳು ಮತ್ತು ಸಾಮಾಜಿಕ ಮಾಧ್ಯಮ ಖಾತೆಗಳ ಮೂಲಕವೂ ಹೊರಬಂದಿದೆ. ವಿಡಿ ಸತೀಶನ್ ಬಿಡುಗಡೆ ಮಾಡಿರುವ ವಿಡಿಯೋದಲ್ಲಿ ರಾಷ್ಟ್ರಪಿತನಿಗೂ ಅಗೌರವ ತೋರುವವರು ವಿದ್ಯಾರ್ಥಿಗಳಲ್ಲ, ಪುಂಡ ಪೆÇೀಕರಿಗಳು ಎಂದು ಹೇಳಿದ್ದಾರೆ. ಶಾಫಿ ಪರಂಬಿಲ್ ಮತ್ತು ಕೆ ಮುರಳೀಧರನ್ ಅವರಂತಹ ನಾಯಕರು ಕೂಡ ತಮ್ಮ ಪ್ರತಿಕ್ರಿಯೆ ನೀಡಿ ಖಂಡಿಸಿದ್ದರು.
            ಆದರೆ ಗಾಂಧಿ ಚಿತ್ರ ನೆಲಕ್ಕೆ ಒಗೆದಿರುವುದರಲ್ಲಿ  ನಿಗೂಢತೆ ಇದ್ದು, ಇದರ ಹಿಂದೆ ಕಾಂಗ್ರೆಸ್ ನಾಯಕರ ಕೈವಾಡವಿದೆ ಎಂದು ಎಡಪಕ್ಷಗಳ ಮುಖಂಡರು ಆರೋಪಿಸಿದ್ದರು.
           ಮುಷ್ಕರ ಮುಗಿಸಿ ಎಸ್‍ಎಫ್‍ಐ ಕಾರ್ಯಕರ್ತರು ವಾಪಸಾದ ಬಳಿಕ ಪೆÇಲೀಸ್ ಛಾಯಾಗ್ರಾಹಕ ತೆಗೆದ ಚಿತ್ರಗಳಲ್ಲಿ ಗೋಡೆಯ ಮೇಲೆ ಗಾಂಧಿಯವರ ಚಿತ್ರ ಕುಳಿತಿರುವುದು ಸ್ಪಷ್ಟವಾಗಿದೆ. ಮತ್ತು ಫೈಲ್‍ಗಳು ಮೇಜಿನ ಮೇಲೆ ಸುರಕ್ಷಿತವಾಗಿ ಕುಳಿತಿರುವುದನ್ನು ಕಾಣಬಹುದು. ಮತ್ತು ಈ ಅಸಂಗತತೆಯು ಕೆಲವು ಮಾಧ್ಯಮ ವರದಿಗಳಲ್ಲಿ ಸ್ಪಷ್ಟವಾಗಿ ಕಂಡುಬಂದಿದೆ. ಇದರೊಂದಿಗೆ ಸಿಪಿಎಂ ತನ್ನ ಆಪಾದನೆಯನ್ನು ತೀವ್ರಗೊಳಿಸಿತ್ತು.  ಗಾಂಧಿ ಚಿತ್ರವನ್ನು ಕೆಳಗೆಸೆದವರು ಗಾಂಧಿ ಶಿಷ್ಯರೇ ಎಂದು ಆರೋಪಿಸಿತ್ತು.
            ಇದಾದ ಬಳಿಕ ಪೆÇಲೀಸರ ವರದಿಯೂ ಹೊರಬಿದ್ದಿದ್ದು, ಗಾಂಧಿ ಚಿತ್ರ ಕೆಳ ಹಾಕಿದ್ದು ಎಸ್‍ಎಫ್‍ಐ ಕಾರ್ಯಕರ್ತರಲ್ಲ ಎಂದು ಸ್ಪಷ್ಟಪಡಿಸಿತು. ಇದೇ ವೇಳೆ ಸುದ್ದಿಗೋಷ್ಠಿಯಲ್ಲಿ ಈ ಕುರಿತು ಮಾಧ್ಯಮದವರ ಪ್ರಶ್ನೆಗಳಿಗೆ ಕಾಂಗ್ರೆಸ್ ಮುಖಂಡರು ಖಾರವಾಗಿ ಪ್ರತಿಕ್ರಿಯಿಸಿದರು. ಅಂತಿಮವಾಗಿ, ಘಟನೆ ನಡೆದ ಎರಡು ತಿಂಗಳ ನಂತರ, ನಾಲ್ವರು ಕಾಂಗ್ರೆಸ್ ಕಾರ್ಯಕರ್ತರನ್ನು ಪ್ರಕರಣದಲ್ಲಿ ಬಂಧಿಸಲಾಯಿತು. ಸಂಸದರ ವಯನಾಡ್ ಪಿಎ ಬಂಧನದಿಂದ ರಾಷ್ಟ್ರಮಟ್ಟದಲ್ಲಿ ಕಾಂಗ್ರೆಸ್ ಗೆ ದೊಡ್ಡ ಹಿನ್ನಡೆಯಾಗಿದೆ.
            ಗಾಂಧಿ ಪ್ರತಿಮೆ ಧ್ವಂಸ ಪ್ರಕರಣದಲ್ಲಿ ಪೆÇಲೀಸರು ವಿಚಾರಣೆಗೆ ಕರೆದ ಬಳಿಕ ಕಾಂಗ್ರೆಸ್ ಕಾರ್ಯಕರ್ತರು ತಲೆಮರೆಸಿಕೊಂಡಿದ್ದರು. ಇದರ ಬೆನ್ನಲ್ಲೇ ರಾಹುಲ್ ಪಿಎ ಸೇರಿ ನಾಲ್ವರನ್ನು ಬಂಧಿಸಲಾಗಿತ್ತು.