ಓಣಂಕಿಟ್‍ನಲ್ಲಿ ಸೇವೆ ಇಲ್ಲ: ಆಹಾರ ಇಲಾಖೆ ವಿರುದ್ದ ನ್ಯಾಯಾಲಯದ ಮೆಟ್ಟಲೇರಲು ತೀರ್ಮಾನಿಸಿದ ಪಡಿತರ ಮಾರಾಟಗಾರರ ಸಂಘಟನೆ

             ತಿರುವನಂತಪುರ: ಓಣಂ ಸಂದರ್ಭದಲ್ಲಿ ನೀಡಲಾಗುವ ಉಚಿತ ಆಹಾರ ಕಿಟ್ ವಿತರಣೆಯನ್ನು ಸೇವೆಯಾಗಿ ಪರಿಗಣಿಸಬೇಕು ಎಂದು ಆಹಾರ ಸಚಿವ ಜಿ.ಆರ್. ಅನಿಲ್ ಅವರ ಬೇಡಿಕೆಯನ್ನು ಕೇರಳದ ಎಲ್ಲಾ ಚಿಲ್ಲರೆ ಪಡಿತರ ವಿತರಕರ ಸಂಘ ತಿರಸ್ಕರಿಸಿದೆ.
            ತ್ರಿಶೂರ್‍ನಲ್ಲಿ ನಡೆದ ಪಡಿತರ ಸಂಘಟನೆ ಸಭೆಯಲ್ಲಿ ಈ ಹಿಂದಿನಂತೆ ಕಿಟ್ ಸೀಡ್‍ಗೆ ಕಮಿಷನ್ ನೀಡುವಂತೆ ಸರಕಾರವನ್ನು ಕೋರಲು ಹಾಗೂ ನೆರವು  ನೀಡದಿದ್ದರೆ ಮತ್ತೆ ನ್ಯಾಯಾಲಯದ ಮೊರೆ ಹೋಗಲು ನಿರ್ಧರಿಸಲಾಗಿದೆ. ಇದಲ್ಲದೇ ಉಚಿತ ಆಹಾರ ಕಿಟ್ ವಿತರಿಸುವ ವರ್ತಕರಿಗೆ 10 ತಿಂಗಳ ಕಮಿಷನ್ ಬಾಕಿ ನೀಡಬೇಕು ಎಂದು ಆಗ್ರಹಿಸಿ ಆಹಾರ ಇಲಾಖೆ ವಿರುದ್ಧ ಹೈಕೋರ್ಟ್ ನಲ್ಲಿ ನ್ಯಾಯಾಂಗ ನಿಂದನೆ ಅರ್ಜಿ ಸಲ್ಲಿಸಲು ನಿರ್ಧರಿಸಲಾಗಿದೆ.
       ಈ ಬಾರಿ ಕಾರ್ಡುದಾರರಿಗೆ 447 ರೂ.ಗಳ ಓಣಂಕಿಟ್ ನೀಡಲಾಗುತ್ತಿದೆ. ಇದರಲ್ಲಿ 12 ರೂಪಾಯಿ ಬಟ್ಟೆ ಚೀಲಕ್ಕೆ ಮತ್ತು 13 ರೂಪಾಯಿ ಲೋಡ್ ಮತ್ತು ಸಾಗಣೆ ಶುಲ್ಕವಾಗಿದೆ. ಬಟ್ಟೆ ಚೀಲಕ್ಕೆ 12 ರೂ.ಗೆ ನೀಡುವ ಸರ್ಕಾರಿ ಕಿಟ್ ವಿತರಣೆಗೆ ಅಂಗಡಿ ಕೊಠಡಿಗಳನ್ನು ಬಾಡಿಗೆಗೆ ಪಡೆಯುವ ವರ್ತಕರಿಗೆ ಕಮಿಷನ್ ನೀಡದಿರುವುದು ದ್ವಂದ್ವ ನೀತಿ ಎಂಬುದು ಅಖಿಲ ಕೇರಳದ ಚಿಲ್ಲರೆ ಪಡಿತರ ವಿತರಕರ ಸಂಘ ಕಿಡಿಕಾರಿದೆ.  ಆಹಾರ ಇಲಾಖೆಯು ಗೋದಾಮುಗಳ ಬಾಡಿಗೆ, ಸಾರಿಗೆ ಶುಲ್ಕ, ವಾಹನ ಶುಲ್ಕ ಮತ್ತು ದಿನಗೂಲಿ ಕಾರ್ಮಿಕರಿಗೆ ಸರಕುಗಳನ್ನು ಪ್ಯಾಕ್ ಮಾಡಲು, ಎಲ್ಲಾ ವಸ್ತುಗಳನ್ನು ಕಿಟ್‍ಗಳಾಗಿ ಸೀಲ್ ಮಾಡಲು ಮತ್ತು ಕಿಟ್‍ಗಳನ್ನು ಸಂಗ್ರಹಿಸಲು ಕೂಲಿ ಸೇರಿದಂತೆ ಕಿಟ್‍ಗೆ ಕೋಟಿಗಟ್ಟಲೆ ಖರ್ಚು ಮಾಡುತ್ತದೆ.
                    ಕಿಟ್ ಹೆಸರಿನಲ್ಲಿ ಇತರೆ ವರ್ಗದವರಿಗೆ ಕೂಲಿ ನೀಡಲು ಅವಕಾಶ ಮಾಡಿಕೊಟ್ಟರೂ ಪಡಿತರ ಅಂಗಡಿ ಮಾಲೀಕರಿಗೆ ನೀಡುತ್ತಿರುವ ಸವಲತ್ತುಗಳನ್ನು ಮುಂದಿಟ್ಟುಕೊಂಡು ಕಮಿಷನ್ ನಿರಾಕರಿಸುವುದನ್ನು ಒಪ್ಪಲಾಗದು ಎಂದು ಹೈಕೋರ್ಟ್ ಆಹಾರ ಇಲಾಖೆಗೆ ನೇರ ಎಚ್ಚರಿಕೆ ನೀಡಿತ್ತು. ಇದರ ಆಧಾರದ ಮೇಲೆ ಇದೇ ತಿಂಗಳ 3ರಂದು ನಡೆದ ಸಚಿವ ಸಂಪುಟ ಸಭೆಯಲ್ಲಿ 4,26,45,895 ರೂ. ಮೀಸಲಿಡಲಾಯಿತು. ಇನ್ನೂ ಸುಮಾರು 47 ಕೋಟಿ ರೂ. ಬೇಕಾಗಿಬರಲಿದೆ.  ಓಣಂ ಸಮಯದಲ್ಲಿ ಕಿಟ್ ವಿತರಣೆಯಿಂದ ಸರಕಾರಕ್ಕೆ ಆರ್ಥಿಕ ಹೊರೆಯಾಗದಂತೆ ಆರ್ಥಿಕವಾಗಿ ಮುಂದಿರುವ ನೀಲಿ ಮತ್ತು ಬಿಳಿ ಕಾರ್ಡ್ ದಾರರಿಂದ ಕನಿಷ್ಠ 10 ರೂಪಾಯಿ ವಸೂಲಿ ಮಾಡುವಂತೆ ಪಡಿತರ ಸಂಸ್ಥೆಗಳು ನಾಗರಿಕ ಸರಬರಾಜು ನಿರ್ದೇಶಕರಿಗೆ ಪ್ರಸ್ತಾವನೆ ಸಲ್ಲಿಸಿವೆ.