ರಾಜ್ಯದಲ್ಲಿ ಲಿಂಗ ತಟಸ್ಥ ಸಮವಸ್ತ್ರವನ್ನು ಹೇರುವ ನಿಲುವು ಸರ್ಕಾರಕ್ಕಿಲ್ಲ: ಸಚಿವ ಶಿವಂಕುಟ್ಟಿ

                  ತಿರುವನಂತಪುರ: ರಾಜ್ಯದಲ್ಲಿ ಲಿಂಗ ಸಮಾನತೆಯ ಸಮವಸ್ತ್ರ ಕಾನೂನು ಜಾರಿಗೊಳಿಸುವ ಉದ್ದೇಸ ಸರ್ಕಾರಕ್ಕಿಲ್ಲ ಎಂದು ರಾಜ್ಯ ಶಿಕ್ಷಣ ಸಚಿವರು ತಿಳಿಸಿದ್ಸಾರೆ. ಇಂತಹ ಪ್ರಚಾರವನ್ನು ಉದ್ದೇಶಪೂರ್ವಕವಾಗಿ ಮಾಡಲಾಗುತ್ತಿದೆ. ಕೆಲವು ವಿಚಾರಗಳನ್ನು ಸರ್ಕಾರದ ವಿರುದ್ಧ ಹಣೆಯುವ ಸ್ಥಾಪಿತ ತಂತ್ರಗಳು ಇದರ ಹಿಂದಿದೆ.  ಈ ಪ್ರಚಾರಗಳನ್ನು ಯಾರೂ ನಂಬಬಾರದು ಎಂದು ಸಚಿವರು ತಿರುವನಂತಪುರದಲ್ಲಿ ಹೇಳಿದ್ದಾರೆ.
            ಬಾಲಕಿಯರ ಮತ್ತು ಬಾಲಕರ ಶಾಲೆಗಳನ್ನು ಸಮಮಿಶ್ರಗೊಳಿಸಲು ಮತ್ತು ಶಾಲೆಗಳಲ್ಲಿ ಲಿಂಗ ತಟಸ್ಥ ಸಮವಸ್ತ್ರವನ್ನು ಅಳವಡಿಸಲು ಸರಿಯಾದ ಕಾರ್ಯವಿಧಾನಗಳನ್ನು ಅನುಸರಿಸಬೇಕು. ಶಾಲಾ ಅಧಿಕಾರಿಗಳು ಮತ್ತು ಪಿ. ಟಿ. ಎ ಮತ್ತು ಸ್ಥಳೀಯಾಡಳಿತ ಸರ್ಕಾರದಿಂದ ಅನುಮೋದನೆ ಪಡೆದ ನಂತರ ಸರ್ಕಾರಕ್ಕೆ ಸಲ್ಲಿಸಿದ ಅರ್ಜಿಗಳನ್ನು ಪರಿಗಣಿಸಲಾಗುವುದು. ಸಾರ್ವಜನಿಕ ಶಿಕ್ಷಣ ಇಲಾಖೆಯು ಆ ಅರ್ಜಿಗಳನ್ನು ವಿಶ್ಲೇಷಿಸಿದ ನಂತರವೇ ಅನುಮತಿ ನೀಡಲು ಪರಿಗಣಿಸಲಾಗುತ್ತದೆ ಎಂದರು.
           ವಿಧಾನಸಭೆ ಅಧಿವೇಶನ  ನಡೆಯುತ್ತಿರುವಾಗಲೇ ಕೆಲ ವಿಭಾಗ ಜನರನ್ನು ದಾರಿ ತಪ್ಪಿಸುವ ಕೆಲಸ ಮಾಡುತ್ತಿವೆ. ಇಂತಹ ಕಾರಸ್ಥಾನ, ಅಪಪ್ರಚಾರಗಳು ಸಲ್ಲದೆಂದು  ಸಚಿವ ವಿ. ಶಿವಂಕುಟ್ಟಿ ಆಗ್ರಹಿಸಿದರು.