ಮೃಗಾಲಯದಿಂದ ವಿಷಪೂರಿತ ರಾಜ ನಾಗರಹಾವು ಪರಾರಿ: ಹಾವು ಹಿಡಿಯಲು ವಿಶೇಷ ವಿಮಾನದಲ್ಲಿ ವಾವಾ ಸುರೇಶ್ ಸ್ವೀಡನ್ ಗೆ

          ತಿರುವನಂತಪುರ: ಖ್ಯಾತ ಉರಗ ತಜ್ಞ ವಾವಾ ಸುರೇಶ್ ಹಾವು ಹಿಡಿಯಲು ಸ್ವೀಡನ್ ಗೆ ತೆರಳಿದ್ದಾರೆ. ಸ್ವೀಡನ್ ನ ಮೃಗಾಲಯದಿಂದ ತಪ್ಪಿಸಿಕೊಂಡ ಅತ್ಯಂತ ವಿಷಕಾರಿ ರಾಜ ನಾಗರಹಾವನ್ನು ಸೆರೆಹಿಡಿಯಲು ವಾವಾ ಸುರೇಶ್ ಸ್ವೀಡನ್‍ನ ಸ್ಟಾಕ್‍ಹೋಮ್‍ಗೆ ಪ್ರಯಾಣಿಸಿದ್ದಾರೆ.
            ಅವರನ್ನು ಕರೆದೊಯ್ಯಲು ಸ್ವೀಡನ್‍ನಿಂದ ವಿಶೇಷ ವಿಮಾನ ತಿರುವನಂತಪುರ ತಲುಪಪಿತ್ತು ಎಂದು ವರದಿಯಾಗಿದೆ.
          ಶ್ವೇತಭವನದಿಂದ ಸ್ವೀಡನ್ ಪ್ರವಾಸದ ಬಗ್ಗೆ ವಾವಾ ಸುರೇಶ್ ಅವರಿಗೆ ಮಾಹಿತಿ ನೀಡಲಾಯಿತು. ನಿನ್ನೆ  ಅವರಿಗೆ ಸಂದೇಶ ಬಂದಿತ್ತು. ಶ್ವೇತಭವನದಲ್ಲಿರುವ ಮಲಯಾಳಿಗಳ ಮೂಲಕ ಸ್ವೀಡನ್‍ನ ಉನ್ನತ ಅಧಿಕಾರಿ ವಾವಾ ಸುರೇಶ್ ಅವರನ್ನು ಸಂಪರ್ಕಿಸಲಾಯಿತು.
     ನಿನ್ನೆ ಮೃಗಾಲಯದಲ್ಲಿನ ತನ್ನ ಪಂಜರದಿಂದ ಅತ್ಯಂತ ವಿಷಕಾರಿ ರಾಜ ನಾಗರಹಾವು ತಪ್ಪಿಸಿಕೊಂಡಿದೆ. ನಂತರ ಅದನ್ನು ಹಿಡಿಯಲು ಪ್ರಯತ್ನಿಸಿದರೂ ಪ್ರಯೋಜನವಾಗಲಿಲ್ಲ. ಹಾವು ಜನವಸತಿ ಪ್ರದೇಶವನ್ನು ತಲುಪಿದೆ ಎಂದು ಸೂಚಿಸಲಾಗಿದೆ. ಹಾಗಿದ್ದಲ್ಲಿ, ಅದು ತುಂಬಾ ಅಪಾಯಕಾರಿ ಎನ್ನಲಾಗಿದೆ.
            ಸ್ಟೋಕ್ ಹೋಮ್‍ನಲ್ಲಿ ಈಗ ಚಳಿಗಾಲ. ಹೀಗಿರುವಾಗ ಹಾವು ಹಿಡಿಯುವ ಕೆಲಸ ಬಹಳ ಕಷ್ಟಕರವಾಗಿದೆ. ಸ್ಟಾಕ್‍ಹೋಮ್ ಅತ್ಯಂತ ಜನನಿಬಿಡ ಪ್ರದೇಶವಾಗಿದೆ. ಹಾವುಗಳು ಜನರ ಜೀವಕ್ಕೆ ಅಪಾಯವನ್ನುಂಟು ಮಾಡುವ ಸಾಮಥ್ರ್ಯವನ್ನು ಹೊಂದಿವೆ. ಈ ಸಂದರ್ಭದಲ್ಲಿ, ಸ್ವೀಡನ್‍ನ ಅಧಿಕಾರಿಗಳು ಹಾವನ್ನು ಹಿಡಿಯುವ ತಜ್ಞರಿಗಾಗಿ ಇಂಟರ್ನೆಟ್‍ನಲ್ಲಿ ಹುಡುಕುತ್ತಿದ್ದರು. ವಾವ ಸುರೇಶ್ ಬಗ್ಗೆ ಅಂತರ್ಜಾಲದಿಂದ ಮಾಹಿತಿ ಲಭಿಸಿ ಬಳಿಕ ವಿವಿಧ ಮೂಲಗಳಿಂದ ಸಂಪರ್ಕಿಸಲಾಯಿತು.