ಸ್ವಿಗ್ಗಿ ಫುಡ್ ಡೆಲಿವರಿ ನೌಕರರಿಂದ ಅನಿರ್ದಿಷ್ಟ ಮುಷ್ಕರ ಘೋಷಣೆ

             ಕೊಚ್ಚಿ: ಆಹಾರ ವಿತರಣಾ ಕಂಪನಿ ಸ್ವಿಗ್ಗಿ ಕಾರ್ಮಿಕರು ಅನಿರ್ದಿಷ್ಟಾವಧಿ ಮುಷ್ಕರ ನಡೆಸುವುದಾಗಿ ಘೋಷಿದ್ದಾರೆ. ಕೊಚ್ಚಿಯ ನೌಕರರು ನವೆಂಬರ್ 14 ರಿಂದ ಅನಿರ್ದಿಷ್ಟ ಅವಧಿಗೆ ಮುಷ್ಕರ ನಡೆಸುವುದಾಗಿ ಘೋಷಿಸಿದ್ದಾರೆ.
          ಸ್ವಿಗ್ಗಿ ಕಂಪನಿ ಸೌಲಭ್ಯ ನೀಡದೆ ವಂಚಿಸುತ್ತಿದೆ ಎಂದು ಕಾರ್ಮಿಕರು ಆರೋಪಿಸಿದ್ದಾರೆ. ಘಟನೆಯ ಬಗ್ಗೆ ಕಂಪನಿಯು ಇನ್ನೂ ಪ್ರತಿಕ್ರಿಯಿಸಿಲ್ಲ.
           ಈ ಹಿಂದೆ ತಿರುವನಂತಪುರಂನಲ್ಲಿ ಸ್ವಿಗ್ಗಿ ನೌಕರರು ವೇತನ ಹೆಚ್ಚಳಕ್ಕೆ ಆಗ್ರಹಿಸಿ ಟೋಕನ್ ಮುಷ್ಕರ ನಡೆಸಿದ್ದರು. ಕನಿಷ್ಠ ವೇತನವನ್ನು ಎರಡು ಕಿಲೋಮೀಟರ್‍ಗೆ 25 ರೂಪಾಯಿಗಳಿಗೆ ಹೆಚ್ಚಿಸಬೇಕು, ಪ್ರತಿ ಕಿಲೋಮೀಟರ್ ಓಡಿಸಲು 10 ರೂಪಾಯಿ ಹೆಚ್ಚುವರಿ ಶುಲ್ಕ ನೀಡಬೇಕು ಮತ್ತು ಅರೆಕಾಲಿಕ ಉದ್ಯೋಗಿಗಳಿಗೆ ಕನಿಷ್ಠ 500 ರೂಪಾಯಿಗಳ ಆದಾಯವನ್ನು ಖಾತರಿಪಡಿಸುವುದು ಮುಂತಾದ 30 ಬೇಡಿಕೆಗಳನ್ನು ಮುಷ್ಕರದಲ್ಲಿ ಪ್ರಸ್ತಾಪಿಸಲಾಗಿದೆ.