ರಾಜಿಯತ್ತ ಸಿಪಿಎಂ: ಚೆಂಡು ಬಿಜೆಪಿ ಅಂಗಳಕ್ಕೆ: ಕಾಪೆರ್Çರೇಷನ್ ಪತ್ರ ವಿವಾದದಲ್ಲಿ ಡಿ.ಆರ್.ಅನಿಲ್ ನನ್ನು ಬಲಿಪಶು ಮಾಡಿ ಆರ್ಯರನ್ನು ರಕ್ಷಿಸಲು ಯತ್ನ

            ತಿರುವನಂತಪುರ: ತಿರುವನಂತಪುರ ನಗರಪಾಲಿಕೆ ಪತ್ರ ವಿವಾದಕ್ಕೆ ಅಂತ್ಯ ಹಾಡಲು ಸಿಪಿಎಂ ಮುಂದಾಗಿದ್ದು, ಲೋಕೋಪಯೋಗಿ ಸ್ಥಾಯಿ ಮಂಡಳಿ ಅಧ್ಯಕ್ಷ ಡಿ.ಆರ್.ಅನಿಲ್ ಅವರಿಂದ ರಾಜೀನಾಮೆ ಕೊಡಿಸಲು ಮುಂದಾಗಿದೆ.
           ಮೇಯರ್ ರಾಜೀನಾಮೆಗೆ ಆಗ್ರಹಿಸಿ ಬಿಜೆಪಿ ನಡೆಸುತ್ತಿರುವ ಧರಣಿಯಿಂದಾಗಿ ಎರಡು ತಿಂಗಳಿಂದ ನಗರಪಾಲಿಕೆ ಚಟುವಟಿಕೆಗಳು ಸ್ಥಗಿತಗೊಂಡಿದೆ. ಪಾಲಿಕೆ ಆಡಳಿತ ಮಂಡಳಿ ಡಿ.ಆರ್. ಅನಿಲ್ ರಾಜೀನಾಮೆ ನೀಡುವ ಮೂಲಕ ಸಮಸ್ಯೆ ಬಗೆಹರಿಸಲು ಯತ್ನಿಸಲಾಗುತ್ತಿದೆ.  ಈ ಮೂಲಕ ಮೇಯರ್ ಆರ್ಯ ರಾಜೇಂದ್ರನ್ ರಾಜೀನಾಮೆಯಿಂದ ಪಾರಾಗಬಹುದು. ಈ ವಿಚಾರದಲ್ಲಿ ಚೆಂಡು ಬಿಜೆಪಿ ಅಂಗಳದಲ್ಲಿದೆ. ಸಿಪಿಎಂ ಮುಂದಿಟ್ಟಿರುವ ಈ ನಡೆಯನ್ನು ಬಿಜೆಪಿ ರಾಜಿ ಸೂತ್ರವಾಗಿ ಒಪ್ಪಿಕೊಂಡರೆ, ಡಿ.ಆರ್.ಅನಿಲ್ ರಾಜೀನಾಮೆ ನೀಡಲಿದ್ದಾರೆ.
          ಎರಡು ಪತ್ರ ವಿವಾದಗಳಿದ್ದವು. ತಿರುವನಂತಪುರದ ಮೇಯರ್ ಅವರು ಸಿಪಿಎಂ ತಿರುವನಂತಪುರದ ಜಿಲ್ಲಾ ಕಾರ್ಯದರ್ಶಿಗೆ ಕಳುಹಿಸಿರುವ ಪತ್ರವೂ ಒಂದು. ಎರಡನೆಯದು ನೇಮಕಾತಿ ಶಿಫಾರಸು. ಈ ಪತ್ರವನ್ನು ಅನಿಲ್ ಅವರು ಕಳುಹಿಸಿದ್ದು, ಅದನ್ನು ನಾಶಪಡಿಸಿದ್ದಾರೆ ಎಂದು ಡಿಆರ್ ಹೇಳಿದ್ದಾರೆ. ಅನಿಲ್ ಅವರೇ ಇದನ್ನು ಒಪ್ಪಿಕೊಂಡಿದ್ದಾರೆ. ಇದನ್ನು ಸೂಚಿಸಿ ಅನಿಲ್ ರಾಜೀನಾಮೆ ನೀಡುವ ಮೂಲಕ ಸಮಸ್ಯೆ ಬಗೆಹರಿಸಬಹುದು ಎಂದು ಸಿಪಿಎಂ ಹೇಳುತ್ತಿದೆ.
        ಧರಣಿ ನಿರತ ಬಿಜೆಪಿ ಮಹಿಳಾ ಕೌನ್ಸಿಲರ್‍ಗಳನ್ನು ಅವಮಾನಿಸಿದ್ದಾರೆ ಎಂಬ ಆರೋಪವೂ ಅನಿಲ್ ಮೇಲಿದೆ. ಮೇಯರ್ ಡಯಾಸ್ ಎದುರು ಬ್ಯಾನರ್ ಹಿಡಿದು ಪ್ರತಿಭಟನೆ ನಡೆಸಿದ ಬಿಜೆಪಿಯ ಒಂಬತ್ತು ಮಹಿಳಾ ಕೌನ್ಸಿಲರ್ ಗಳನ್ನು ಮೇಯರ್ ಆರ್ಯ ರಾಜೇಂದ್ರನ್ ಅಮಾನತು ಮಾಡಿದ ನಂತರ ಪ್ರತಿಭಟನಾಕಾರರು ಅಧಿಕಾರಿಗಳಿಂದ ಪುಸ್ತಕಗಳನ್ನು ಪಡೆದು ಹಾಜರಾತಿ ದಾಖಲಿಸಿದರು. ಇದನ್ನು ನೋಡಿದ ಅನಿಲ್, ಸಿಟ್ಟಿಂಗ್ ಶುಲ್ಕ ಪಡೆಯುವ ಸಲುವಾಗಿ ಬಿಜೆಪಿ ಕೌನ್ಸಿಲರ್ ಗಳು ಅಮಾನತುಗೊಂಡಿದ್ದರೂ ಸಹಿ ಹಾಕಿದ್ದಾರೆ ಎಂದು ಮೈಕ್ ಮೂಲಕ ಹೇಳಿದರು. ಅನಿಲ್ ಮಹಿಳಾ ಕೌನ್ಸಿಲರ್ ಗಳತ್ತ ನೋಡಿ, ‘ಕೌನ್ಸಿಲರ್ ಗಳಿಗೆ ಹಣ ಪಡೆಯಲು ಇನ್ನೂ ಹಲವು ಮಾರ್ಗಗಳಿವೆ, ಈ ಪುಸ್ತಕಕ್ಕೆ ಸಹಿ ಹಾಕಬೇಕಾ?’ ಎಂದು ಪ್ರಶ್ನಿಸಿದರು. ಇದು ಮಹಿಳೆಯರಿಗೆ ಮಾಡಿದ ಅವಮಾನ ಎಂದು ಬಿಜೆಪಿ ಪಾಲಿಕೆ ಸದಸ್ಯರು ಮುಖ್ಯಮಂತ್ರಿಗೆ ದೂರು ನೀಡಿದ್ದರು.
          ಬಿಜೆಪಿ ಸಿದ್ಧವಾದರೆ ಡಿ.ಆರ್. ಅನಿಲ್ ರಾಜೀನಾಮೆ ನೀಡಲಿದ್ದಾರೆ. ಇಲ್ಲವಾದರೆ ಪಾಲಿಕೆ ಮೇಯರ್ ರಾಜೀನಾಮೆಗೆ ಬಿಜೆಪಿ ಪಟ್ಟು ಹಿಡಿದರೆ ಬಿಕ್ಕಟ್ಟು ಮುಂದುವರಿಯಲಿದೆ.