ಅಂತಿಮಗೊಂಡ ಕಲಹ: ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಅಡೂರ್ ಗೋಪಾಲಕೃಷ್ಣನ್

                  ತಿರುವನಂತಪುರ: ಕೆ.ಆರ್. ನಾರಾಯಣನ್ ಸಂಸ್ಥೆಯ ಅಧ್ಯಕ್ಷ ಸ್ಥಾನಕ್ಕೆ ಅಡೂರ್ ಗೋಪಾಲಕೃಷ್ಣನ್ ಕೊನೆಗೂ ರಾಜೀನಾಮೆ ನೀಡಿದ್ದಾರೆ.
          ವಿದ್ಯಾರ್ಥಿ ಮುಷ್ಕರಕ್ಕೆ ಸಂಬಂಧಿಸಿದ ಹೆಚ್ಚಿನ ವಿವಾದಗಳಿಂದ ಅತೃಪ್ತಿಯಿಂದ ಅಡೂರ್ ರಾಜೀನಾಮೆ ನೀಡಿದ್ದಾರೆ. ತಿರುವನಂತಪುರದಲ್ಲಿ ನಡೆದ ಮೀಟ್ ದಿ ಪ್ರೆಸ್ ನಲ್ಲಿ ಅಡೂರ್ ತಮ್ಮ ನಿಲುವನ್ನು ಪ್ರಕಟಿಸಿದರು.
            ಜಾತಿ ನಿಂದನೆ ನೆಪದಲ್ಲಿ ಕೇಂದ್ರದ ನಿರ್ದೇಶಕ ಶಂಕರ್ ಮೋಹನ್ ವಿರುದ್ಧ ವಿದ್ಯಾರ್ಥಿಗಳು ನಡೆಸಿದ ಮುಷ್ಕರದಲ್ಲಿ ಅಡೂರ್ ವಿರುದ್ಧವೂ ದೂರುಗಳು ಬಂದಿದ್ದವು. ಅಧ್ಯಕ್ಷ ಅಡೂರ್ ಗೋಪಾಲಕೃಷ್ಣನ್ ಅವರು ನಿರ್ದೇಶಕರನ್ನು ರಕ್ಷಿಸುವ ನಿಲುವು ತಾಳುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿತ್ತು. ಜಾತಿ ನಿಂದನೆ ಮತ್ತು ಮೀಸಲಾತಿಯನ್ನು ಹಾಳು ಮಾಡುತ್ತಿದ್ದಾರೆ ಎಂದು ಆರೋಪಿಸಿ ವಿದ್ಯಾರ್ಥಿಗಳು ಸಾರ್ವಜನಿಕವಾಗಿ ಪ್ರತಿಭಟನೆ ನಡೆಸಿದ್ದರು.
            ಬಳಿಕ ವಿದ್ಯಾರ್ಥಿಗಳು ಅಡೂರ್‍ಗೆ ಸಹಕರಿಸುವುದಿಲ್ಲ ಎಂದು ತಿಳಿಸಿದರು. ವಿದ್ಯಾರ್ಥಿಗಳ ಮುಷ್ಕರದ ನಂತರ ಅಡೂರ್ ಚಿತ್ರರಂಗದಿಂದ ಟೀಕೆಗೆ ಗುರಿಯಾಗಿದ್ದರು. ಇದರೊಂದಿಗೆ ಶಂಕರ್ ಮೋಹನ್ ರಾಜೀನಾಮೆ ಬಳಿಕ ಅಡೂರ್ ಕೂಡ ರಾಜೀನಾಮೆ ಸಲ್ಲಿಸಿದ್ದರು. ಸರಕಾರ ಮನವೊಲಿಸಲು ಯತ್ನಿಸಿದರೂ ಅಡೂರ್ ಮಣಿಯಲಿಲ್ಲ.