ಪ್ರಧಾನಮಂತ್ರಿ ಆವಾಸ್ ಯೋಜನೆಗೆ ರಾಹುಲ್ ಗಾಂಧಿಯನ್ನೂ ಸೇರಿಸಲು ಬಿಜೆಪಿಯಿದ ಮನವಿ: ವಯನಾಡಿನಲ್ಲಿ ಮನೆ ಮಂಜೂರು ಮಾಡಲು ಅರ್ಜಿ

                 ಕಲ್ಪಟ್ಟಾ: ವಯನಾಡಿನಲ್ಲಿ ಮನೆ ನಿರ್ಮಿಸಿಕೊಡುವಂತೆ ಬಿಜೆಪಿ ವಯನಾಡು ಸಂಸದ ಹಾಗೂ ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಅವರಿಗೆ ಮನವಿ ಸಲ್ಲಿಸಿದೆ.
          ಬಿಜೆಪಿ ವಯನಾಡ್ ಜಿಲ್ಲಾಧ್ಯಕ್ಷ ಕೆ.ಪಿ.ಮಧು ಅವರು ಕಲ್ಪಟ್ಟಾ ನಗರಸಭೆ ಕಾರ್ಯದರ್ಶಿಗೆ ಅರ್ಜಿ ಸಲ್ಲಿಸಿದ್ದಾರೆ. ಪ್ರಧಾನ ಮಂತ್ರಿ ಆವಾಸ್ ಯೋಜನೆಗೆ ಮನೆಯನ್ನು ಸೇರಿಸಬೇಕೆಂಬುದು ಮನವಿ.
          ಸ್ವಂತ ಮನೆ ಇಲ್ಲ ಎಂಬ ಹೇಳಿಕೆ ನೀಡಿದ ಹಿನ್ನೆಲೆಯಲ್ಲಿ ರಾಹುಲ್ ಗಾಂಧಿ ಅವರನ್ನು ಪ್ರಧಾನಮಂತ್ರಿ ಆವಾಸ್ ಯೋಜನೆಗೆ ಸೇರಿಸಿ ವಯನಾಡು ಜಿಲ್ಲೆಯ ಹೃದಯಭಾಗವಾದ ಕಲ್ಪೆಟ್ಟಾದಲ್ಲಿ ಮನೆ ಒದಗಿಸಿಕೊಡಬೇಕು. ರಜೆ ಕಳೆಯಲು ವಯನಾಡಿಗೆ ಬರುವ ಸಂಸದರಿಗೆ ವಯನಾಡು ಸೂಕ್ತ ಸ್ಥಳ ಎಂದು ಕೆ.ಪಿ.ಮಧು ಪ್ರತಿಕ್ರಿಯಿಸಿದ್ದಾರೆ.
         52 ವರ್ಷ ಕಳೆದರೂ ಸ್ವಂತ ಮನೆ ಇಲ್ಲ ಎಂದು ರಾಯ್‍ಪುರದಲ್ಲಿ ನಡೆದ ಕಾಂಗ್ರೆಸ್ ಸರ್ವಸದಸ್ಯರ ಸಭೆಯಲ್ಲಿ ರಾಹುಲ್ ಗಾಂಧಿ ಹೇಳಿದ್ದರು. ಇದು ಭಾರೀ ಟ್ರೋಲ್‍ಗಳಿಗೆ ಕಾರಣವಾಗಿತ್ತು. ನಂತರ ಬಿಜೆಪಿ ವಯನಾಡ್ ಜಿಲ್ಲಾ ನಾಯಕತ್ವವು ಕಲ್ಪಟ್ಟಾ ಪುರಸಭೆಗೆ ಮನೆ ನಿರ್ಮಿಸಿಕೊಡುವಂತೆ ಒತ್ತಾಯಿಸಿ ಮನವಿ ಸಲ್ಲಿಸಿತು.
              ಸರ್ವಸದಸ್ಯರ ಭಾಷಣದ ನಂತರ ಬಿಜೆಪಿಯವರು ರಾಹುಲ್ ಗಾಂಧಿಯವರ ಆಸ್ತಿ ವಿವರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಗುರುಗ್ರಾಮದಲ್ಲಿ 8 ಕೋಟಿ ಮೌಲ್ಯದ ವಾಣಿಜ್ಯ ಜಾಗ, ಬ್ಯಾಂಕ್ ಬ್ಯಾಲೆನ್ಸ್ ಮತ್ತು ವಿವಿಧ ಕಂಪನಿಗಳಲ್ಲಿನ ಷೇರುಗಳನ್ನು ಚುನಾವಣೆಗೆ ನಾಮಪತ್ರ ಸಲ್ಲಿಸಿದ ಅಫಿಡವಿಟ್‍ನಲ್ಲಿ ನೀಡಲಾಗಿದೆ.