ಈ ವರ್ಷ ಕೇರಳದಿಂದ 10,331 ಮಂದಿ ಹಜ್ ಯಾತ್ರಿಕರು

            ಕೋಝಿಕೋಡ್: ಹಿಂದಿನ ವರ್ಷಗಳಿಗಿಂತ ಭಿನ್ನವಾಗಿ ಈ ವರ್ಷ ಹೆಚ್ಚಿನ ಯಾತ್ರಿಕರು ಕೋಝಿಕೋಡ್ ವಿಮಾನ ನಿಲ್ದಾಣದಿಂದ ಹಜ್ ಯಾತ್ರೆಗೆ ತೆರಳಲಿದ್ದಾರೆ. ಒಟ್ಟಾರೆಯಾಗಿ, 6,322 ಜನರು ಕೋಝಿಕ್ಕೋಡ್ ನಿಂದ ಮಕ್ಕಾಕ್ಕೆ ತೆರಳುತ್ತಾರೆ. ಕೋಝಿಕ್ಕೋಡ್‍ನಿಂದ 6,322, ಕೊಚ್ಚಿಯಿಂದ 2,213 ಮತ್ತು ಕಣ್ಣೂರಿನಿಂದ 1,796 ಸೇರಿದಂತೆ ಒಟ್ಟು 10,331 ಯಾತ್ರಾರ್ಥಿಗಳು ಈ ಬಾರಿ ಕೇರಳ ರಾಜ್ಯ ಹಜ್ ಸಮಿತಿಯ ಮೇಲ್ವಿಚಾರಣೆಯಲ್ಲಿ ಪ್ರಯಾಣಿಸಲಿದ್ದಾರೆ.
            ಯಾತ್ರಾರ್ಥಿಗಳಲ್ಲಿ, 6,094 ಮಂದಿ ಜನರು ಸಾಮಾನ್ಯ ವರ್ಗಕ್ಕೆ ಸೇರಿದವರು, 2,807 ಮಹರ್‍ರೇತರ ಮಹಿಳೆಯರು ಮತ್ತು 1,430 ಜನರು ವಿಶೇಷ ಮೀಸಲಾತಿಯೊಂದಿಗೆ 70 ವರ್ಷ ಮತ್ತು ಮೇಲ್ಪಟ್ಟವರು. ಜಿಲ್ಲಾವಾರು, ಹೆಚ್ಚಿನ ಸಂಖ್ಯೆಯ ಅರ್ಜಿದಾರರು ಮಲಪ್ಪುರಂ (6,694) ನಂತರ ಕೋಝಿಕ್ಕೋಡ್ (4,308)ರಷ್ಟಿದ್ದಾರೆ.
           ಕೋಝಿಕ್ಕೋಡ್, ಕಣ್ಣೂರು ಮತ್ತು ಕೊಚ್ಚಿ ಎಂಬ ಮೂರು ಎಂಬಾರ್ಕೇಶನ್ ಪಾಯಿಂಟ್‍ಗಳಿಂದ ಯಾತ್ರಾರ್ಥಿಗಳು ಹೊರಡುತ್ತಾರೆ. ಮಾರ್ಚ್ 20 ರಂದು ಅರ್ಜಿ ನಮೂನೆ ಸಲ್ಲಿಕೆ ಪೂರ್ಣಗೊಂಡಿದೆ. ಈ ಬಾರಿ ನೇರವಾಗಿ ಮೆಕ್ಕಾಗೆ ಪ್ರಯಾಣ ಎಂದು ಮಾಹಿತಿ ನೀಡಲಾಗಿದೆ. ಕಳೆದ ವರ್ಷ ಯಾತ್ರಿಕರು ಮೊದಲು ಮದೀನಾಗೆ ತೆರಳಿದ್ದರು. ಆಯ್ಕೆಯಾದವರು 81,000 ರೂ. ಮತ್ತು ದಾಖಲೆಗಳನ್ನು ರಾಜ್ಯ ಹಜ್ ಸಮಿತಿಗೆ ಸಲ್ಲಿಸಿದ್ದಾರೆ. ಎರಡನೇ ಕಂತಿನ 1,70,000 ರೂ.ಗಳನ್ನು ಇದೇ 24ರೊಳಗೆ ಪಾವತಿಸಬೇಕು.
            ಹಜ್ ಯಾತ್ರಾರ್ಥಿಗಳಿಗೆ ಸಹಾಯ ಮಾಡಲು ರಾಜ್ಯ ಹಜ್ ಸಮಿತಿಯು 314 ಹಜ್ ತರಬೇತುದಾರರನ್ನು ನೇಮಿಸಿದೆ. ಇವರಲ್ಲದೆ, ಮೆಕ್ಕಾ ಮತ್ತು ಮದೀನದಲ್ಲಿರುವ ಯಾತ್ರಾರ್ಥಿಗಳಿಗೆ ಸಹಾಯ ಮಾಡಲು ಪ್ರತಿ 300-400 ಯಾತ್ರಿಕರಿಗೆ ಒಬ್ಬರಂತೆ ಹಜ್ ಸ್ವಯಂಸೇವಕರನ್ನು ಆಯ್ಕೆ ಮಾಡಿ ವಿಶೇಷ ತರಬೇತಿ ನೀಡಲಾಗುವುದು.
            ಎಲ್ಲಾ ಜಿಲ್ಲೆಗಳಲ್ಲಿ ಆಯ್ಕೆಯಾದ ಅಭ್ಯರ್ಥಿಗಳಿಗೂ ತರಗತಿಗಳನ್ನು ನಡೆಸಲಾಗುವುದು. ಎಪ್ರಿಲ್ 24 ರಂದು ಬೆಳಗ್ಗೆ 10 ಗಂಟೆಗೆ ಕೊಟ್ಟಕಲ್ ಪಿಎಂ ಸಭಾಂಗಣದಲ್ಲಿ ಹಜ್ ಮತ್ತು ಅಲ್ಪಸಂಖ್ಯಾತರ ಕಲ್ಯಾಣ ಸಚಿವ ವಿ ಅಬ್ದುರ್ರಹ್ಮಾನ್ ಇದನ್ನು ರಾಜ್ಯ ಮಟ್ಟದಲ್ಲಿ ಉದ್ಘಾಟಿಸಲಿದ್ದಾರೆ. ಮೇ 2ರೊಳಗೆ ಎಲ್ಲ ಜಿಲ್ಲೆಗಳಲ್ಲಿ ತರಗತಿಗಳು ಪೂರ್ಣಗೊಳ್ಳಲಿವೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.