ದಾಖಲೆಗಳ ಅಸ್ಪಷ್ಟತೆ: ಎಸ್‍ಎಫ್‍ಐ ಮುಖಂಡರನ್ನೊಳಗೊಂಡ ಪಿಎಸ್‍ಸಿ ಪರೀಕ್ಷೆಯ ನಕಲು ಪ್ರಕರಣದ ಚಾರ್ಜ್‍ಶೀಟ್ ಮರಳಿಸಿದ ನ್ಯಾಯಾಲಯ

              ತಿರುವನಂತಪುರಂ: ಎಸ್‍ಎಫ್‍ಐ ಮುಖಂಡರನ್ನೊಳಗೊಂಡ ಪಿಎಸ್‍ಸಿ ಪರೀಕ್ಷೆ ವಂಚನೆ ಪ್ರಕರಣದ ಆರೋಪ ಪಟ್ಟಿಯನ್ನು ನ್ಯಾಯಾಲಯ ಹಿಂದಿರುಗಿಸಿದೆ.
         ವಂಜಿಯೂರಿನ ಸಿಜೆಎಂ ನ್ಯಾಯಾಲಯವು ದಾಖಲೆಗಳು ಸ್ಪಷ್ಟವಾಗಿಲ್ಲ ಎಂಬ ಕಾರಣಕ್ಕೆ ಚಾರ್ಜ್ ಶೀಟ್ ಅನ್ನು ಹಿಂದಿರುಗಿಸಿತು. ಸಾಕ್ಷಿಗೆ ಸಂಬಂಧಿಸಿದ ದಾಖಲೆಗಳು ಮತ್ತು ದಿನಾಂಕಗಳಲ್ಲಿ ದೋಷವಿದೆ ಎಂದು ನ್ಯಾಯಾಲಯ ಹೇಳಿದೆ.
           ಪ್ರಕರಣಕ್ಕೆ ಸಂಬಂಧಿಸಿದ ಘಟನೆ ಜುಲೈ 2018 ರಲ್ಲಿ ನಡೆದಿತ್ತು. ಯೂನಿವರ್ಸಿಟಿ ಕಾಲೇಜಿನ ಎಸ್‍ಎಫ್‍ಐ ಮುಖಂಡರಾದ ಶಿವರಂಜಿತ್, ನಸೀಮ್ ಮತ್ತು ಪ್ರಣವ್ ಸಿವಿಲ್ ಪೋಲೀಸ್ ಅಧಿಕಾರಿ ಪರೀಕ್ಷೆಯಲ್ಲಿ ಹೈಟೆಕ್ ನಕಲು ಮಾಡಿದ್ದರು. ಪರೀಕ್ಷೆಗೆ ಬರುವಾಗ ಧರಿಸಿದ್ದ ಸ್ಮಾರ್ಟ್ ವಾಚ್ ಬಳಸಿ ನಕಲು ನಡೆಸಿದ್ದರು.
           ಪಿಎಸ್‍ಸಿ ಪರೀಕ್ಷೆಯ ವಿಶ್ವಾಸಾರ್ಹತೆಯನ್ನು ಪ್ರಶ್ನಿಸಿದ ಘಟನೆ ಇದಾಗಿದೆ. ಆರೋಪಿಗಳು 1, 2 ಮತ್ತು 28ನೇ ಯಾರ್ಂಕ್ ಪಡೆದಿದ್ದಾರೆ. ಯೂನಿವರ್ಸಿಟಿ ಕಾಲೇಜಿನಲ್ಲಿ ನಡೆದ ಚೂರಿ ಇರಿತ ಪ್ರಕರಣದ ನಂತರ ಎಸ್‍ಎಫ್‍ಐ ಮುಖಂಡರ ಹೈಟೆಕ್ ನಕಲು ಹೊರಬಿದ್ದಿದೆ.