ಮಧ್ಯಪ್ರದೇಶ: ಕುನೊ ಉದ್ಯಾನದಲ್ಲಿ ಮತ್ತೊಂದು ಚೀತಾ ಸಾವು

                  ಭೋಪಾಲ್: ದಕ್ಷಿಣ ಆಫ್ರಿಕಾದಿಂದ ಮಧ್ಯಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನಕ್ಕೆ ಇತ್ತೀಚೆಗೆ ಕರೆತರಲಾಗಿದ್ದ ಚೀತಾವೊಂದು ಭಾನುವಾರ ಮೃತಪಟ್ಟಿದೆ. 'ಉದಯ್' ಎಂದು ಹೆಸರಿಡಲಾಗಿದ್ದ ಚೀತಾಗೆ ಆರು ವರ್ಷ ವಯಸ್ಸಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

                      ಇದು ಕುನೊ ಉದ್ಯಾನದಲ್ಲಿ ಚೀತಾ ಮೃತಪಟ್ಟ ಎರಡನೇ ಪ್ರಕರಣವಾಗಿದೆ.

                    ಚೀತಾ ನಿಸ್ತೇಜ ಸ್ಥಿತಿಯಲ್ಲಿರುವುದನ್ನು ಬೆಳಗಿನ ಪರಿಶೀಲನೆ ವೇಳೆ ಗುರುತಿಸಲಾಗಿತ್ತು. ಈ ವಿಚಾರವನ್ನು ಹಿರಿಯ ಅಧಿಕಾರಿಗಳ ಗಮನಕ್ಕೆ ತರಲಾಗಿತ್ತು. ಮುಖವನ್ನು ಅಡಿಮಾಡಿದ್ದ ಅದನ್ನು ಕರೆತಂದು ಚಿಕಿತ್ಸೆ ನೀಡಲಾಗಿತ್ತು. ಆದರೆ ಸಂಜೆ 4 ಗಂಟೆ ಹೊತ್ತಿಗೆ ಚೀತಾ ಮೃತಪಟ್ಟಿತು. ಒಂದು ತಿಂಗಳ ಹಿಂದೆಯಷ್ಟೇ ಕುನೊ ಉದ್ಯಾನದಲ್ಲಿ 'ಸಶಾ' ಎಂಬ ಚೀತಾ ಮೃತಪಟ್ಟಿತ್ತು.