ಆಹಾರವನ್ನು ದಿನಾ ಒಂದೇ ಸಮಯದಲ್ಲಿ ತಿನ್ನಬೇಕು, ಏಕೆ ಗೊತ್ತಾ?

 ನಮ್ಮ ಇಂದಿನ ಬ್ಯುಸಿ ಲೈಫ್‌ನಲ್ಲಿ ಆಹಾರಕ್ಕಿಂತ ಹೆಚ್ಚಾಗಿ ಕೆಲಸ ಮಾಡುವುದಕ್ಕೆ ಹೆಚ್ಚಿನ ಒತ್ತು ನೀಡುತ್ತೇವೆ. ಕೆಲಸ ಮುಗಿದ ಮೇಲೆ ತಿಂದರಾಯ್ತು ಬಿಡು ಎಂದರೆ, ಕೆಲವರು ಬೆಳಗ್ಗಿನ ಬ್ರೇಕ್‌ಫಾಸ್ಟ್‌ ಸ್ಕಿಪ್‌ ಮಾಡಿ ಒಂದೇ ಬಾರಿ ಬ್ರೇಕ್‌ಫಾಸ್ಟ್‌ ಮತ್ತು ಲಂಚ್‌ ಅನ್ನು ಬ್ರಂಚ್‌ ಎಂದು ತಿಂದು ಬಿಡುತ್ತಾರೆ. ಆದರೆ ಇದೇ ಮುಂದೆ ಸಮಸ್ಯೆಗೆ ಕಾರಣವಾಗುತ್ತೆ. ವೈದ್ಯರೂ ಕೂಡಾ ಹೊತ್ತು ಹೊತ್ತಿಗೆ ಆಹಾರ ಸೇವಿಸಬೇಕು ಎನ್ನುವುದನ್ನು ಕೇಳಿರುತ್ತೀರಿ. ಯಾಕೆ ಎಂದರೆ ಹಲವು ಕಾರಣಗಳಿವೆ. ಪ್ರತಿದಿನ ಸರಿಯಾದ ಸಮಯಕ್ಕೆ ಯಾಕೆ ಆಹಾರ ಸೇವಿಸಬೇಕು ಎನ್ನುವುದಕ್ಕೆ ಕಾರಣಗಳು ಹಲವಿದೆ. ಅವೆಂದರೆ...

ಉತ್ತಮ ಚಯಾಪಚಯ ಕ್ರಿಯೆ
ಚಯಾಪಚಯವು ನಿಮ್ಮ ದೇಹವು ಕ್ಯಾಲೊರಿಗಳನ್ನು ಬರ್ನ್ ಮಾಡುತ್ತೆ. ನಮ್ಮ ದೇಹಕ್ಕೆ ಆಹಾರದ ಕೊರತೆಯಾದಾಗ ಹಸಿವಿನ ಮೂಲಕ ಗ್ರಹಿಸುತ್ತೆ ನಮ್ಮ ದೇಹ. ಆದರೆ ನೀವು ಹಸಿವು ತಡೆದುಕೊಂಡು ದಿನನಿತ್ಯದ ವೇಳಾಪಟ್ಟಿ ತಪ್ಪಿಸಿ ಯಾವ್ಯಾವಗಲೋ ತಿಂದರೆ ಕ್ಯಾಲೋರಿಯನ್ನು ವ್ಯಯಿಸುವ ಚಯಾಪಚಯ ಕ್ರಿಯೆಯು ನಿಧಾನವಾಗುತ್ತದೆ. ಹೀಗಾದಾಗ ದೇಹಕ್ಕೆ ತೂಕವನ್ನು ಕಳೆದುಕೊಳ್ಳಲು ಕಷ್ಟವಾಗುತ್ತದೆ. ಬ್ರೇಕ್‌ಫಾಸ್ಟ್‌ ಅಥವಾ ಮಧ್ಯಾಹ್ನದ ಊಟವನ್ನು ಬಿಡುವುದು ಇನ್ಸುಲಿನ್‌ ಅಸಮತೋಲನಕ್ಕೆ ಕಾರಣವಾಗುತ್ತೆ ಮಾತ್ರವಲ್ಲ ಟೈಪ್‌ 2 ಮಧುಮೇಹಕ್ಕೆ ಕಾರಣವಾಗುತ್ತದೆ.

ನಿಮ್ಮನ್ನು ಸಕ್ರಿಯವಾಗಿರಿಸುತ್ತದೆ
ಪ್ರತಿದಿನ ಒಂದೇ ಸಮಯದಲ್ಲಿ ತಿನ್ನುವುದು, ನಿಮ್ಮ ಕೆಲಸದ ಸಮಯದಲ್ಲಿ ನಿಮ್ಮ ದೇಹವನ್ನು ಸಕ್ರಿಯವಾಗಿರಿಸುತ್ತದೆ. ನಿಮ್ಮ ಸಮಯಕ್ಕೆ ದೇಹವು ಒಗ್ಗಿಕೊಳ್ಳುವಮೂಲಕ, ನಿಮ್ಮ ಶಕ್ತಿಯ ಮಟ್ಟವನ್ನು ನೀವು ಹೆಚ್ಚಿಸಬಹುದು ಮತ್ತು ಮನಸ್ಸನ್ನು ಕೇಂದ್ರೀಕರಿಸಬಹುದು. ಊಟವನ್ನು ಕಳೆದುಕೊಳ್ಳುವುದು ದೇಹದ ಚಯಾಪಚಯ ಕ್ರಿಯೆಯ ಮೇಲೆ ಪ್ರತಿಕೂಲ ಪರಿಣಾಮಗಳನ್ನು ಬೀರುತ್ತದೆ, ಮನಸ್ಥಿತಿ ಮತ್ತು ದೈನಂದಿನ ಕಾರ್ಯಕ್ಷಮತೆಯ ಮೇಲೆ ಪರಿಣಾಮ ಬೀರುತ್ತದೆ.

ದೇಹವು ಡಿಟಾಕ್ಸ್‌ ಆಗಲು ಸಹಾಯ ಮಾಡುತ್ತದೆ
ನೀವು ಆಹಾರವನ್ನು ಸೇವಿಸಿದಾಗ ನಿಮ್ಮ ದೇಹವು ಬಹಳಷ್ಟು ಅಂಶಗಳನ್ನು ಸ್ವೀಕರಿಸುತ್ತದೆ. ಯಕೃತ್ತು ನಮ್ಮ ದೇಹವನ್ನು ನಿರ್ವಿಷಗೊಳಿಸುತ್ತದೆ. ಆದರೆ ನಿಮ್ಮ ಊಟದ ಸಮಯವು ಬದಲಾದರೆ ಈ ಚಟುವಟಿಕೆಯ ಮೇಲೆ ಪರಿಣಾಮ ಬೀರಬಹುದು. ನೀವು ರಾತ್ರಿ 10 ಗಂಟೆಗೆ ಅಥವಾ ಅದಾದ ನಂತರ ಊಟವನ್ನು ಸೇವಿಸಿದಾಗ, ನಿಮ್ಮ ಮಲಗುವ ಸಮಯಕ್ಕೆ ಬಹಳ ಹತ್ತಿರದಲ್ಲಿರುತ್ತದೆ, ಇದು ನಿಮ್ಮ ದೇಹದ ಮೇಲೆ ಒತ್ತಡವನ್ನು ಉಂಟುಮಾಡುತ್ತದೆ ಏಕೆಂದರೆ ನೀವು ನಿದ್ದೆ ಮಾಡುವಾಗ ಯಕೃತ್ತು ನಿರ್ವಿಶೀಕರಣ ಪ್ರಕ್ರಿಯೆಯನ್ನು ಮಾಡುತ್ತದೆ. ಹೀಗಾಗಿ, ನಿರ್ವಿಶೀಕರಣ ಪ್ರಕ್ರಿಯೆಯನ್ನು ತೊಂದರೆಗೊಳಿಸದಿರಲು, ನೀವು ಸಮಯಕ್ಕೆ ನಿಮ್ಮ ರಾತ್ರಿಯ ಊಟವನ್ನು ತಿನ್ನಬೇಕು.

ಅನಾರೋಗ್ಯಕರ ತಿಂಡಿಯ ಸೇವನೆಯನ್ನು ತಡೆಯುತ್ತದೆ
ಪ್ರತಿದಿನ ಸಮಯಕ್ಕೆ ತಿನ್ನುವುದರಿಂದ, ನಿಮ್ಮ ದೇಹವು ನಿರ್ದಿಷ್ಟ ವೇಳಾಪಟ್ಟಿಗೆ ಹೊಂದಿಕೊಳ್ಳುತ್ತದೆ. ನಿಯಮಿತ ಆಹಾರ ಪದ್ಧತಿಯು ದೇಹಕ್ಕೆ ಅಗತ್ಯವಿರುವ ಎಲ್ಲಾ ಶಕ್ತಿಯನ್ನು ಪಡೆಯಲು ಸಹಾಯ ಮಾಡುತ್ತದೆ ಮತ್ತು ಪ್ರತಿಯಾಗಿ ಸಕ್ಕರೆಯ ಕಡಿಮೆ ಬಳಕೆ, ಅನಾರೋಗ್ಯಕರ ತಿಂಡಿಗಳು, ಫಾಸ್ಟ್‌ಫುಡ್‌ ಆಹಾರಗಳ ಸೇವನೆಯನ್ನು ತಡೆಯಬಹುದು. ನಿರ್ದಿಷ್ಟ ಪ್ರಮಾಣದ ಶಕ್ತಿಯನ್ನು ಕಾಪಾಡಿಕೊಳ್ಳಲು ಮಧ್ಯಾಹ್ನದ ತಿಂಡಿಯ ಭಾಗವಾಗಿ ಹಣ್ಣು, ಒಣ ಹಣ್ಣುಗಳು ಅಥವಾ ಬೇಯಿಸಿದ ತರಕಾರಿಗಳನ್ನು ಸೇವಿಸಿದರೆ ಉತ್ತಮ.

ಸ್ಥಿರ ದಿನಚರಿ
ಸ್ಥಿರವಾದ ದಿನಚರಿಯನ್ನು ಹೊಂದಿಸುವುದು ಉತ್ತಮ ಅಭ್ಯಾಸವಾಗಿದೆ ಏಕೆಂದರೆ ಇದು ಆರೋಗ್ಯಕರ ಆಹಾರಕ್ಕೆ ಆದ್ಯತೆ ನೀಡುತ್ತೆ ಕೂಡಾ. ಇದು ಆರೋಗ್ಯಕರ ಜೀವನಶೈಲಿಗೆ ಕಾರಣವಾಗುತ್ತದೆ, ಜೀವನಕ್ರಮಕ್ಕೆ ಸಮಯವನ್ನು ನೀಡುತ್ತದೆ, ದೈನಂದಿನ ಕಾರ್ಯಗಳ ಮೇಲೆ ಕೇಂದ್ರೀಕರಿಸುತ್ತದೆ ಮತ್ತು ಉತ್ಪಾದಕ ದಿನವನ್ನು ಹೊಂದಿರುತ್ತದೆ. ದಿನಚರಿಗೆ ಅಂಟಿಕೊಳ್ಳುವುದು ಆರಂಭದಲ್ಲಿ ಕಠಿಣವಾಗಬಹುದು ಆದರೆ ಅದಕ್ಕೆ ಅಂಟಿಕೊಳ್ಳುವ ಪ್ರಯತ್ನವನ್ನು ಮಾಡಲು ಪ್ರಯತ್ನಿಸಿ ಮತ್ತು ಸಮಯ ಕಳೆದಂತೆ ಅದು ಸುಲಭವಾಗುತ್ತದೆ.

ಯೋಚನೆ ಮಾಡಿ ತಿನ್ನಿರಿ :

ನೀವು ಆಹಾರಕ್ರಮವನ್ನು ಹೊಂದಿರುವುದರಿಂದ, ನೀವು ಊಟ ಅಥವಾ ಹೊರಗಡೆ ಪಾರ್ಟಿ, ಫಂಕ್ಷನ್‌ಗಳಲ್ಲಿ ಊಟ ಮಾಡುವುದು ಬಿಟ್ಟುಬಿಡಬೇಕು ಎಂದು ಅರ್ಥವಲ್ಲ. ಎಲ್ಲವನ್ನೂ ಯೋಜಿಸಿ, ರಾತ್ರಿಯ ಊಟದ ಮೊದಲು ಒಂದು ಹಣ್ಣು, ಬೇಯಿಸಿದ ತರಕಾರಿಗಳು ಅಥವಾ ಬೀಜಗಳನ್ನು ತಿನ್ನಿರಿ ಮತ್ತು ದೇಹವು ತೃಪ್ತಿಯನ್ನು ಅನುಭವಿಸಲು ಮತ್ತು ಅದರ ಕಾರ್ಯಗಳನ್ನು ನಡೆಸಲು ದೇಹಕ್ಕೆ ಅಗತ್ಯವಾದ ಇಂಧನವನ್ನು ಒದಗಿಸಿ. 

ನಿಮ್ಮ ದಿನನಿತ್ಯದ ಆಹಾರ ಸೇವನೆಯ ರುಟೀನ್‌ ಹೀಗಿರಲಿ

 ಒಂದೇ ಬಾರಿ ಹೆಚ್ಚು ತಿನ್ನುವ ಬದಲು, ನಿಮ್ಮ ದೇಹದಲ್ಲಿ ಶಕ್ತಿಯ ಮಟ್ಟವನ್ನು ಕಾಪಾಡಿಕೊಳ್ಳಲು ಊಟ, ತಿಂಡಿ, ಆರೋಗ್ಯಕರ ಸ್ಯ್ನಾಕ್ಸ್‌ ತಿನ್ನುವ ವೇಳೆಯನ್ನು ನಿಗದಿಪಡಿಸಿಕೊಳ್ಳಿ. ನಿಮ್ಮ ಆರೋಗ್ಯಕರ ಆಹಾರದ ವೇಳಾಪಟ್ಟಿ ಹೇಗಿರಬೇಕು ಎಂದರೆ, * ಬೆಳಗ್ಗೆ ಎಚ್ಚರವಾದ ಒಂದು ಗಂಟೆಯೊಳಗೆ ಹೆಚ್ಚಿನ ಪ್ರೊಟೀನ್‌ ಮತ್ತು ಕಡಿಮೆ ಸಕ್ಕರೆ ಮತ್ತು ಕಾರ್ಬ್ಸ್‌ ಇರುವ ಆಹಾರ ಸೇವಿಸಿ. * ಇದಾದ ಮೂರು ಗಂಟೆಗಳ ನಂತರ ಲಘುವಾದ ಕಡಿಮೆ ಕ್ಯಾಲೋರಿ ತಿಂಡಿಯನ್ನು ತಿನ್ನಿ. ಇದು ಮಧ್ಯಾಹ್ನದ ಊಟದವರೆಗೂ ನಿಮ್ಮ ದೇಹಕ್ಕೆ ಶಕ್ತಿ ನೀಡುತ್ತದೆ. * ಬೆಳಗ್ಗಿನ ಬ್ರೇಕ್‌ಫಾಸ್ಟ್ ಆದ ಐದು ಗಂಟೆಗಳ ನಂತರ ಮಧ್ಯಾಹ್ನದ ಊಟವನ್ನು ಸೇವಿಸಿ. ಇದರಲ್ಲಿ ನೀವು ಸಂಕೀರ್ಣ ಕಾರ್ಬೋಹೈಡ್ರೇಟ್‌ಗಳು, ಆರೋಗ್ಯಕರ ಕೊಬ್ಬುಗಳು ಮತ್ತು ಫೈಬರ್‌ನೊಂದಿಗೆ ಸಂಯೋಜಿಸಲ್ಪಟ್ಟ ಕೋಳಿ ಅಥವಾ ಮೀನಿನಂತಹ ನೇರ ಪ್ರೋಟೀನ್‌ಯುಕ್ತ ಆಹಾರದ ಮೇಲೆ ಕೇಂದ್ರೀಕರಿಸಬೇಕು. * ಮಧ್ಯಾಹ್ನ ಊಟವಾದ ಮೂರು ಗಂಟೆಗಳ ನಂತರ ಆರೋಗ್ಯಕರ ಸ್ನ್ಯಾಕ್ಸ್‌ ಸೇವಿಸಿ. ಅದು ಹಣ್ಣಾದರೂ ಆಗಲಿ, ಒಣಹಣ್ಣಾದರೂ ಆಗಲಿ. ಆದರೆ ಕಡಿಮೆ ಕ್ಯಾಲೋರಿ ಇರಲಿ. * ಇನ್ನು ರಾತ್ರಿ ಮಲಗುವ ಮೂರು ಗಂಟೆಗಳ ಮೊದಲು ಆಹಾರ ಸೇವಿಸಿ. ಅದರಲ್ಲಿ ಪ್ರೋಟೀನ್, ಸಂಕೀರ್ಣ ಕಾರ್ಬೋಹೈಡ್ರೇಟ್ಗಳು, ಹಣ್ಣುಗಳು ಮತ್ತು ತರಕಾರಿಗಳನ್ನು ಒಳಗೊಂಡಿರಬೇಕು. ನಿಮ್ಮ ರಕ್ತದಲ್ಲಿನ ಸಕ್ಕರೆಯನ್ನು ಸ್ಥಿರವಾಗಿಡಲು ಮತ್ತು ನಿಮ್ಮ ಜೀರ್ಣಕ್ರಿಯೆ ಸುಲಭವಾಗಲು ಪ್ರತಿ 3 ರಿಂದ 4 ಗಂಟೆಗಳಿಗೊಮ್ಮೆ ತಿನ್ನುವುದು ಉತ್ತಮ. ದಿನವಿಡೀ ಸತತವಾಗಿ ಈ ವೇಳಾಪಟ್ಟಿಯನ್ನು ಹೊಂದಿಸುವುದು ಅತಿಯಾಗಿ ತಿನ್ನುವುದನ್ನು ತಡೆಯಲು ಸಹಾಯ ಮಾಡುತ್ತದೆ. ನೀವು ಏನು ಮತ್ತು ಯಾವಾಗ ತಿನ್ನುತ್ತೀರಿ ಎಂದು ನಿಗದಿಪಡಿಸುವುದು ಸಮತೋಲಿತ ಆಹಾರವನ್ನು ಕಾಪಾಡಿಕೊಳ್ಳಲು ಮತ್ತು ದೇಹಕ್ಕೆ ಹೆಚ್ಚು ಸ್ಥಿರವಾದ ಶಕ್ತಿಯನ್ನು ಪಡೆಯಲು ಸಹಾಯ ಮಾಡುತ್ತದೆ. ಹಾಗಾಗಿ ದಿನವಿಡೀ ನೀವು ಆಕ್ಟೀವ್‌ ಆಗಿರಬೇಕೆಂದರೆ ಸಮಯಕ್ಕೆ ಸರಿಯಾಗಿ ಆಹಾರವನ್ನು ಸೇವಿಸಬೇಕು.