ಚೆನ್ನೈ: ಇತ್ತೀಚಿನ ದಿನಗಳಲ್ಲಿ ಜನ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ಗೆ ಆಗುವ ಬಯಕೆಯಲ್ಲಿ ವಿವಿಧ ರೀತಿಯ ಕಸರತ್ತಿಗೆ ಮೊರೆ ಹೋಗುತ್ತಿದ್ದು ಸಾರ್ವಜನಿಕೆ ಸ್ಥಳಗಳಲ್ಲಿ ಇಲ್ಲಸಲ್ಲದ ಕೆಲಸ ಮಾಡುವ ಮೂಲಕ ಸುದ್ದಿಯಾಗುತ್ತಾರೆ.
ಸಾಮಾಜಿಕ ಜಾಲತಾಣದಲ್ಲಿ ತನ್ನ ಪೋಸ್ಟ್ಗಳಿಗೆ ಹೆಚ್ಚಿನ ಲೈಕ್ ಹಾಗೂ ವ್ಯೂವ್ಸ್ ಬರಲೆಂದು ಗೀಳಿಗೆ ಬಿದ್ದ ಯುವಕ ಪೊಲೀಸರಿಗೆ 3,500 ಸಾವಿರ ರೂಪಾಯಿ ದಂಡ ತೆತ್ತಿರುವ ಘಟನೆ ತಮಿಳುನಾಡಿದ ಈರೋಡ್ನಲ್ಲಿ ನಡೆದಿದೆ.
ಟ್ರಾಫಿಕ್ ಜಾಮ್ನಲ್ಲಿ ಸ್ನಾನ
ತಮಿಳುನಾಡಿನಲ್ಲಿ ಕಳೆದ ಕೆಲ ದಿನಗಳಿಂದ ಬಿಸಿಲಿನ ಬೇಗೆ ಹೆಚ್ಚಾಗಿದ್ದು ಈ ವೇಳೆ ಯುವನೋರ್ವ ಟ್ರಾಫಿಕ್ ಸಿಗ್ನಲ್ನಲ್ಲಿ ನಿಂತಿರುವ ವೇಳೆ ದ್ವಿಚಕ್ರ ವಾಹನದ ಮೇಲೆ ಸ್ನಾನ ಮಾಡಿದ್ದಾನೆ.
ಈ ಕುರಿತು ಪ್ರತಿಕ್ರಿಯಿಸಿರುವ ಪೊಲೀಸ್ ಅಧಿಕಾರಿ ಒಬ್ಬರು ಇನ್ಸ್ಟಾಗ್ರಾಂನಲ್ಲಿ ತನ್ನ ರೀಲ್ಸ್ಗೆ ಹೆಚ್ಚಿನ ಲೈಕ್ಸ್ ಹಾಗೂ ವೀವ್ಸ್ಗಳು ಬರಲಿ ಎಂಬ ಕಾರಣಕ್ಕೆ ವೆಲ್ಲೋಡ್ನ ಪಾರ್ತಿಬನ್ ಎಂಬ ಯುವಕ ಸಿಗ್ನಲ್ನಲ್ಲಿ ನಿಂತಿರುವ ವೇಳೆ ಸ್ನಾನ ಮಾಡುವ ವಿಡಿಯೋವನ್ನು ಮಾಡಿದ್ದಾನೆ.ವಿಡಿಯೋದಲ್ಲಿ ಹುಚ್ಚಾಟ
ಈತ ತನ್ನ ಇನ್ಸ್ಟಾಗ್ರಾಂನಲ್ಲಿ ರಸ್ತೆಯಲ್ಲಿ ಆಮ್ಲೆಟ್ ತಯಾರಿಸುವುದು, ಬೇಯಿಸದ ಮೀನು ತಿನ್ನುವುದು, ನೀರಿನಲ್ಲಿ ಮೊಟ್ಟೆಯನ್ನು ಕಳಿಸಿಕೊಂಡು ಕುಡಿಯುವುದು, ಟ್ರಾಫಿಕ್ ಜಾಮ್ನಲ್ಲಿ ಬಿರಿಯಾನಿ ಸೇವಿಸುವುದು, ರಾತ್ರಿ ಹೊತ್ತು ಬಾವಿಯಲ್ಲಿ ಸ್ನಾನ ಮಾಡುವ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾನೆ.
ಟ್ರಾಫಿಕ್ ಸಿಗ್ನಲ್ನಲ್ಲಿ ಸ್ನಾನ ಮಾಡುವುದಾಗಿ ತನ್ನ ಸ್ನೇಹಿತರ ಬಳಿ 10 ರೂಪಾಯಿ ಬೆಟ್ಟಿಂಗ್ ಕಟ್ಟಿದ್ದ. ಅದರಂತೆ ಪಂದ್ಯದಲ್ಲಿ ಗೆದ್ದಿದ್ದಾನೆ. ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ಆತನನ್ನು ಈರೋಡ್ ಪೊಲೀಸ್ ಠಾಣೆಗೆ ಕರೆಸಿ ವಾಹನಗಳ ಸಂಚಾರಕ್ಕೆ ಅಡ್ಡಿ ಪಡಿಸಿದ್ದು ಮತ್ತು ಹೆಲ್ಮೆಟ್ ಧರಿಸದೆ ಸವಾರಿ ಮಾಡಿದ್ದಕ್ಕೆ 3,500 ಸಾವಿರ ರೂಪಾಯಿ ದಂಡ ವಿಧಿಸಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.
DOCTYPE html>
