ದೆಹಲಿ: ಬಳಕೆದಾರರ ಉತ್ತಮ ಅನುಭವಕ್ಕಾಗಿ ವಾಟ್ಸ್ಆಯಪ್ ಹೊಸ ಫೀಚರ್ಗಳನ್ನು ಪರಿಚಯಿಸುತ್ತಲೇ ಇದೆ. ಹಲವು ದಿನಗಳ ಹಿಂದೆ ಕಳುಹಿಸಿದ ಮೇಸೆಜ್ನ್ನು 15 ನಿಮಿಷದೊಳಗಾಗಿ ತಿದ್ದುಪಡಿ ಮಾಡುವ ಫೀಚರ್ನ್ನು ನೀಡಿತ್ತು. ತನ್ನ ಬಳಕೆದಾರರಿಗೆ ಯಾವಾಗಲೂ ಹಲವು ಹೊಸ ಫೀಚರ್ಗಳನ್ನು ನೀಡುವ ವಾಟ್ಸ್ಆಯಪ್ ಮತ್ತಷ್ಟು ಫೀಚರ್ಗಳನ್ನು ನೀಡಲು ಮುಂದಾಗಿದೆ.
ಪಾಸ್ವರ್ಡ್ ರಿಮೈಂಡರ್ ವೈಶಿಷ್ಟ್ಯ: ಬಳಕೆದಾರರಿಗೆ ಪಾಸ್ವರ್ಡ್ ರಿಮೈಂಡರ್ ಎಂಬ ಫೀಚರ್ ನೀಡಲು ವಾಟ್ಸ್ಆಯಪ್ ಯೋಚಿಸುತ್ತಿದೆ. ವೈಯಕ್ತಿಕ ಪಾಸ್ವರ್ಡ್ ಅಥವಾ 64-ಅಂಕಿಯ ಎನ್ಕ್ರಿಪ್ಟನ್ ಕೀಯನ್ನು ಆರಿಸುವ ಮೂಲಕ, ಬಳಕೆದಾರರು ತಮ್ಮ ಬ್ಯಾಕ್ಅಪ್ಗಳನ್ನು ಎಂಡ್-ಟು-ಎಂಡ್ ಎನ್ಕ್ರಿನ್ನೊಂದಿಗೆ ಸುರಕ್ಷಿತಗೊಳಿಸಬಹುದಾಗಿದೆ.
ಸ್ಕ್ರೀನ್ ಶೇರಿಂಗ್: ವಾಟ್ಸಾಪ್ ಹೊಸ ಸ್ಕ್ರೀನ್ ಶೇರಿಂಗ್ ಫೀಚರ್ನ್ನು ಪರಿಚಯಿಸುತ್ತಿದ್ದು, ವೀಡಿಯೊ ಕರೆಗಳ ಸಮಯದಲ್ಲಿ ಬಳಕೆದಾರರು ತಮ್ಮ ಪರದೆಯನ್ನು ಹಂಚಿಕೊಳ್ಳಲು ಇದು ಅನುವು ಮಾಡಿಕೊಡುತ್ತದೆ.
ಮರುವಿನ್ಯಾಸಗೊಳಿಸಲಾದ ಸೆಟ್ಟಿಂಗ್ ಪುಟ: ಮೆಟಾ-ಮಾಲೀಕತ್ವದ ವಾಟ್ಸ್ಆಯಪ್, ಆಯಂಡ್ರಾಯ್ಡ್ ಬಳಕೆದಾರರಿಗೆ ಹೊಸ ಸೆಟ್ಟಿಂಗ್ಗಳ ಇಂಟರ್ಫೇಸ್ನ್ನು ಅಭಿವೃದ್ಧಿಪಡಿಸುತ್ತಿದ್ದು ಈ ವೈಶಿಷ್ಟ್ಯವು ಇನ್ನೂ ಅಭಿವೃದ್ಧಿ ಹಂತದಲ್ಲಿದೆ. ಇದು ಪ್ರೊಫೈಲ್, ಗೌಪ್ಯತೆ(privacy) ಮತ್ತು ಸಂಪರ್ಕಗಳು(contacts) ಎಂಬ ಮೂರು ಹೊಸ ಪ್ರೊಫೈಲ್ ಶಾರ್ಟ್ಕಟ್ಗಳನ್ನು ಪರಿಚಯಿಸುತ್ತದೆ ಎಂದು ಹೇಳಲಾಗಿದೆ.
ವಾಟ್ಸಾಆಯಪ್ ಚಾನೆಲ್: ವಾಟ್ಸಾಆಯಪ್ ಸ್ಟೇಟಸ್ ಟ್ಯಾಬ್ನ್ನು ಚಾನೆಲ್ಗಳ 'ಅಪ್ಡೇಟ್ಗಳು' ಎಂದು ಮರುಹೆಸರಿಸಲು ಯೋಜಿಸಿದೆ. ಈ ವಿಭಾಗದಲ್ಲಿ ವಾಟ್ಸಾಆಯಪ್ ಚಾನೆಲ್ಗಳನ್ನು ಪಟ್ಟಿ ಮಾಡಲಾಗುತ್ತದೆ. ಚಾನೆಲ್ಗೆ ಸೇರುವ ಫೋನ್ ಸಂಖ್ಯೆಗಳು ಮತ್ತು ಬಳಕೆದಾರರ ಮಾಹಿತಿಯನ್ನು ಯಾವಾಗಲೂ ಮರೆಮಾಡಲಾಗುವ ಫೀಚರ್ನ್ನು ಒದಗಿಸಲು ಯೋಚಿಸುತ್ತಿದೆ.
ಯೂಸರ್ ನೇಮ್ ವೈಶಿಷ್ಟ್ಯ: ವಾಟ್ಸ್ಆಯಪ್ ಬಳಕೆದಾರರು ತಮ್ಮ ಖಾತೆಗಳಿಗೆ ವಿಶಿಷ್ಟವಾದ ಯೂಸರ್ ನೇಮ್ ಆಯ್ಕೆ ಮಾಡಲು ಅನುವು ಮಾಡಿಕೊಡುವ ಯೂಸರ್ ನೇಮ್ ಫೀಚರ್ನ್ನು ಒದಗಿಸಲು ಮುಂದಾಗಿದೆ.