ನಕಲಿ ಪ್ರಮಾಣಪತ್ರ ವಿವಾದ; ನಿಖಿಲ್ ಥಾಮಸ್ ಎಸ್‍ಎಫ್‍ಐ ನಾಯಕನಿಗೆ 2 ಲಕ್ಷ ರೂ. ಕಳುಹಿಸಿದ್ದಕ್ಕೆ ಸಾಕ್ಷ್ಯ ಲಭ್ಯ: ಕೇರಳ ಪೋಲೀಸ್

               ತಿರುವನಂತಪುರಂ: ನಕಲಿ ಪ್ರಮಾಣಪತ್ರ ವಿವಾದದಲ್ಲಿ ಮಹತ್ವದ ಮಾಹಿತಿಯನ್ನು ಕೇರಳ ಪೆÇಲೀಸರು ನೀಡಿದ್ದಾರೆ.

             ನಕಲಿ ಪ್ರಮಾಣಪತ್ರಕ್ಕಾಗಿ ನಿಖಿಲ್ ಥಾಮಸ್ ಎಸ್‍ಎಫ್‍ಐ ಮುಖಂಡನಿಗೆ ಎರಡು ಲಕ್ಷ ರೂಪಾಯಿ ಕಳುಹಿಸಿದ್ದಕ್ಕೆ ಸಾಕ್ಷ್ಯ ಲಭಿಸಿದೆ ಎಂದು ಪೋಲೀಸರು ತಿಳಿಸಿದ್ದಾರೆ. ಎಸ್‍ಎಫ್‍ಐ ಕಾಯಂಕುಳಂ ಏರಿಯಾ ಅಧ್ಯಕ್ಷರಾಗಿದ್ದ ಅವರು ಈಗ ವಿದೇಶದಲ್ಲಿ ಶಿಕ್ಷಕರಾಗಿದ್ದಾರೆ. ನಿಖಿಲ್ ಥಾಮಸ್ ಗೆ ಸಂಘಟಿತರಾಗಿ ನಕಲಿ ಪ್ರಮಾಣಪತ್ರ ನೀಡಿದ್ದು, ಇದಕ್ಕಾಗಿ ಎರಡು ಲಕ್ಷ ರೂಪಾಯಿಯನ್ನು ನಿಖಿಲ್ ನೀಡಿದ್ದಕ್ಕೆ ಪೋಲೀಸರಿಗೆ ಸಾಕ್ಷ್ಯ ಲಭಿಸಿದೆ. 

              2020ರಲ್ಲಿ ನಿಖಿಲ್ ಥಾಮಸ್ ಅವರ ಬ್ಯಾಂಕ್ ಖಾತೆಯಿಂದ ಎಸ್‍ಎಫ್‍ಐ ಮುಖಂಡರ ಖಾತೆಗೆ ಹಣ ವರ್ಗಾವಣೆಯಾಗಿತ್ತು. ಈತ ಸಂಘಟಿತರಾಗಿ ಹಲವರಿಗೆ ನಕಲಿ ಸರ್ಟಿಫಿಕೇಟ್ ಕೊಡಿಸಿರುವ ಶಂಕೆ ವ್ಯಕ್ತವಾಗಿದೆ. ಆತನನ್ನು ಮನೆಗೆ ಕರೆತಂದು ವಿಚಾರಣೆ ನಡೆಸಲು ಪೋಲೀಸರು ಪ್ರಯತ್ನ ಆರಂಭಿಸಿದ್ದಾರೆ.

            ವಕೀಲರ ಕಾರಿನಲ್ಲೇ ನಿಖಿಲ್ ಥಾಮಸ್ ತಲೆಮರೆಸಿಕೊಂಡಿರುವುದು ಸ್ಪಷ್ಟವಾಗಿದೆ. 19ರ ರಾತ್ರಿ ನಿಖಿಲ್ ವಕೀಲರೊಬ್ಬರ ಕಾರಿನಲ್ಲಿ ತಲೆಮರೆಸಿ ಪೋಲೀಸರ ವಿಚಾರಣೆ ಬಳಿಕ ಬಿಡುಗಡೆಗೊಂಡಿದ್ದ. ಸಿಪಿಐಎಂನ ಸ್ಥಳೀಯ ನಾಯಕರಾಗಿರುವ ಇವರನ್ನೂ ಮೊನ್ನೆ ಪೋಲೀಸರು ವಿಚಾರಣೆಗೊಳಪಡಿಸಿದ್ದರು. ಏತನ್ಮಧ್ಯೆ, ಸಿಪಿಐಎಂ ಪ್ರದೇಶ ಸಮಿತಿ ಸದಸ್ಯ ಸೇರಿದಂತೆ ಎಂಟು ಜನರನ್ನು ವಿಚಾರಣೆ ನಡೆಸಲಾಯಿತು. ಪ್ರಕರಣದ ತನಿಖಾ ತಂಡವನ್ನು ಇನ್ನೂ ಮೂವರು ಇನ್ಸ್‍ಪೆಕ್ಟರ್‍ಗಳನ್ನು ಒಳಗೊಂಡಂತೆ ವಿಸ್ತರಿಸಲಾಗಿದೆ.