ಅನಾರೋಗ್ಯ ಕಾರಣ ನೀಡಿ ಹೆಲ್ಮೆಟ್ ಧರಿಸಲು ಸಾಧ್ಯವಾಗದಿದ್ದರೆ ದ್ವಿಚಕ್ರ ವಾಹನಗಳಲ್ಲಿ ಪ್ರಯಾಣಿಸಬೇಡಿ: ಕಟ್ಟುನಿಟ್ಟಿನ ಸೂಚನೆ ನೀಡಿದ ಹೈಕೋರ್ಟ್

               ಎರ್ನಾಕುಳಂ: ಅನಾರೋಗ್ಯದ ಹಿನ್ನೆಲೆ ಕಾರಣ ಹೆಲ್ಮೆಟ್ ಮನ್ನಾ ಮಾಡುವಂತಿಲ್ಲ ಎಂದು ಹೈಕೋರ್ಟ್ ಕಟ್ಟುನಿಟ್ಟಿನ ನಿರ್ದೇಶನ ನೀಡಿದೆ.

                ವೈದ್ಯಕೀಯ ಕಾರಣ ನೀಡಿ ಮುವಾಟುಪುಳ ನಿವಾಸಿಗಳು ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸಿದ ಹೈಕೋರ್ಟ್ ಈ ಆದೇಶ ನೀಡಿದೆ. ತೀವ್ರ ತಲೆನೋವಿನಿಂದಾಗಿ ಹೆಲ್ಮೆಟ್ ಧರಿಸಲು ಸಾಧ್ಯವಾಗದೆ ತಲೆಗೆ ಹೆಲ್ಮೆಟ್ ಭಾರ ತಾಳಲಾರದೆ ಪರದಾಡುವಂತಾಗಿದೆ ಎಂದು ಮುವಾಟ್ಟುಪುಳ ಮೂಲದ ಮೋಹನನ್ ಮತ್ತು ಅವರ ಪತ್ನಿ ಶಾಂತಾ ತಿಳಿಸಿದ್ದಾರೆ.

          ಎಐ ಕ್ಯಾಮೆರಾ ಅಳವಡಿಕೆ ಮೊದಲು, ಅರ್ಜಿದಾರರು ಹೆಲ್ಮೆಟ್ ಧರಿಸುವುದನ್ನು ತಪ್ಪಿಸುವಂತೆ ರಾಜ್ಯ ಪೊಲೀಸ್ ಮುಖ್ಯಸ್ಥರು ಮತ್ತು ಸಾರಿಗೆ ಆಯುಕ್ತರಿಗೆ ಮನವಿ ಸಲ್ಲಿಸಿದ್ದರು. ಅದನ್ನೂ ನ್ಯಾಯಾಲಯ ಪರಿಗಣಿಸಿಲ್ಲ. ತಮ್ಮ ವಾಸಸ್ಥಳದಿಂದ ಮುವಾಟ್ಟುಪುಳ ಪಟ್ಟಣಕ್ಕೆ ಕೆಎಸ್‍ಆರ್‍ಟಿಸಿ ಇಲ್ಲದಿರುವುದರಿಂದ ದ್ವಿಚಕ್ರ ವಾಹನಗಳು ಮತ್ತು ಆಟೋ ರಿಕ್ಷಾಗಳನ್ನು ಅವಲಂಬಿಸಿದ್ದಾರೆ ಎಂದು ಅರ್ಜಿದಾರರು ನ್ಯಾಯಾಲಯಕ್ಕೆ ತಿಳಿಸಿದರು. ಆದರೆ, ನಿಮಗೆ ಹುಷಾರಿಲ್ಲದಿದ್ದರೆ ದ್ವಿಚಕ್ರ ವಾಹನದ ಪ್ರಯಾಣ ಮಾಡಲೇ ಬೇಡಿ ಮತ್ತು ಇದರ ಆಧಾರದ ಮೇಲೆ ಹೆಲ್ಮೆಟ್ ಧರಿಸುವುದನ್ನು ತಪ್ಪಿಸಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್ ಸೂಚಿಸಿದೆ.

           ಹೆಲ್ಮೆಟ್ ಧರಿಸುವುದು ಜೀವ ಉಳಿಸಲು. ನಾಗರಿಕರ ಜೀವ ರಕ್ಷಣೆ ಮಾಡುವುದು ಸರ್ಕಾರದ ಜವಾಬ್ದಾರಿ. ಆದ್ದರಿಂದ, ಅರ್ಜಿದಾರರಿಗೆ ಯಾವುದೇ ರಿಯಾಯಿತಿ ನೀಡಲಾಗುವುದಿಲ್ಲ. ದೇಶದ ಕಾನೂನನ್ನು ಪಾಲಿಸದೆ ಹೆಲ್ಮೆಟ್ ಧರಿಸುವುದನ್ನು ತಪ್ಪಿಸುವ ಮೂಲಭೂತ ಹಕ್ಕು ಯಾವುದೇ ನಾಗರಿಕರಿಗೆ ಇಲ್ಲ. ಹಾಗಾಗಿ ಹೆಲ್ಮೆಟ್ ಧರಿಸಲು ಸಾಧ್ಯವಾಗದವರು ದ್ವಿಚಕ್ರ ವಾಹನಗಳಲ್ಲಿ ಪ್ರಯಾಣಿಸಬಾರದು ಮತ್ತು ಸಾರ್ವಜನಿಕ ಸಾರಿಗೆ ಬಳಸಬಹುದು ಎಂದು ಹೈಕೋರ್ಟ್ ಹೇಳಿದೆ.