ವಾಟ್ಸಾಪ್ ಮೂಲಕ ಹುಡುಗಿಯರಿಗೆ ಹಾರ್ಟ್ ಎಮೋಜಿ ಕಳುಹಿಸುವವರು ಜಾಗರೂಕರಾಗಿರಬೇಕು. ಕುವೈತ್ ಮತ್ತು ಸೌದಿ ಅರೇಬಿಯಾ ಎರಡರಲ್ಲೂ ಇದನ್ನು ಅಪರಾಧ ಎಂದು ಪರಿಗಣಿಸಲಾಗುವುದು ಎಂದು ಕುವೈತ್ ವಕೀಲರು ಹೇಳಿದ್ದಾರೆ.
ವಾಟ್ಸ್ ಆಫ್ ಅಥವಾ ಇತರ ಯಾವುದೇ ಸಾಮಾಜಿಕ ಮಾಧ್ಯಮದ ಮೂಲಕ ಹುಡುಗಿಯರಿಗೆ ಹೃದಯದ ಎಮೋಜಿಗಳನ್ನು ಕಳುಹಿಸಿದವರಿಗೆ ಎರಡು ವರ್ಷಗಳವರೆಗೆ ಜೈಲು ಶಿಕ್ಷೆ ಮತ್ತು 2000 ಕುವೈತ್ ದಿನಾರ್‍ಗಳ ದಂಡವನ್ನು ವಿಧಿಸಲಾಗುತ್ತದೆ.
ಸೌದಿ ಅರೇಬಿಯಾದಲ್ಲಿಯೂ ವಾಟ್ಸಾಪ್ ಮೂಲಕ ಹುಡುಗಿಯರಿಗೆ ಕೆಂಪು ಹೃದಯದ ಎಮೋಜಿಗಳನ್ನು ಕಳುಹಿಸಿದರೆ ಜೈಲು ಶಿಕ್ಷೆಯಾಗುತ್ತದೆ. ಸೌದಿ ಕಾನೂನಿನ ಪ್ರಕಾರ, ಸಿಕ್ಕಿಬಿದ್ದವರಿಗೆ ಎರಡರಿಂದ ಐದು ವರ್ಷಗಳ ಜೈಲು ಶಿಕ್ಷೆ ಮತ್ತು 100,000 ಸೌದಿ ರಿಯಾಲ್‍ಗಳ ದಂಡ ವಿಧಿಸಲಾಗುತ್ತದೆ. ಸೌದಿ ಸೈಬರ್ ಕ್ರೈಮ್ ತಜ್ಞರ ಪ್ರಕಾರ, ವಾಟ್ಸಾಪ್‍ನಲ್ಲಿ ಹುಡುಗಿಯರಿಗೆ ಹೃದಯದ ಎಮೋಜಿಗಳನ್ನು ಕಳುಹಿಸುವುದನ್ನು ದೇಶದ ನ್ಯಾಯವ್ಯಾಪ್ತಿಯಲ್ಲಿ ಕಿರುಕುಳ ಎಂದು ಪರಿಗಣಿಸಲಾಗುತ್ತದೆ.
ಸೌದಿ ಆ್ಯಂಟಿ ಫ್ರಾಡ್ ಅಸೋಸಿಯೇಷನ್‍ನ ಸದಸ್ಯ ಅಲ್ ಮೊಟಾಜ್ ಕುತ್ಬಿ, ಒಬ್ಬ ವ್ಯಕ್ತಿಯು ವಾಟ್ಸಾಪ್ ಮತ್ತು ಆನ್‍ಲೈನ್ ಸಂಭಾಷಣೆಯ ಸಮಯದಲ್ಲಿ ಬಳಸಿದ ಚಿತ್ರಗಳು ಮತ್ತು ಅಭಿವ್ಯಕ್ತಿಗಳನ್ನು ಬಳಸಿಕೊಂಡು ಪ್ರಕರಣವನ್ನು ದಾಖಲಿಸಿದರೆ, ಅದು ಕಿರುಕುಳ ಪ್ರಕರಣವಾಗಿ ಬದಲಾಗಬಹುದು ಎಂದು ಹೇಳುತ್ತಾರೆ. ಪುನರಾವರ್ತಿತ ಉಲ್ಲಂಘನೆಗಳಿಗೆ ಮೂರು ಲಕ್ಷ ಸೌದಿ ರಿಯಾಲ್‍ಗಳ ದಂಡ ಮತ್ತು ಗರಿಷ್ಠ ಐದು ವರ್ಷಗಳ ಜೈಲು ಶಿಕ್ಷೆ ವಿಧಿಸಬಹುದು.
DOCTYPE html>
