SBI ನಲ್ಲಿ ಖಾತೆಯನ್ನು ಹೊಂದಿರದವರೂ ಇನ್ನು Yono ಅಪ್ಲಿಕೇಶನ್ ಮೂಲಕ UPI ವಹಿವಾಟುಗಳನ್ನು ಮಾಡಬಹುದು: ಹೇಗೆ? ಇಲ್ಲಿದೆ ಮಾಹಿತಿ

                       ಎಸ್.ಬಿ.ಐ. ಬ್ಯಾಂಕ್ ನಲ್ಲಿ ಖಾತೆಯನ್ನು ಹೊಂದಿರದವರೂ ಇನ್ನು ಬ್ಯಾಂಕ್‍ನ ಯೋನೋ ಅಪ್ಲಿಕೇಶನ್ ಬಳಸಿ ಯುಪಿಐ ವಹಿವಾಟುಗಳನ್ನು ಮಾಡಬಹುದು.

                         ಯೋನೋ ಅಪ್ಲಿಕೇಶನ್ ಪ್ರತಿಯೊಬ್ಬ ಭಾರತೀಯ ನಾಗರಿಕರಿಗೂ ಪ್ರವೇಶಿಸಬಹುದಾಗಿದೆ. ಬ್ಯಾಂಕ್ ಖಾತೆ ಹೊಂದಿರುವ ಯಾವುದೇ ವ್ಯಕ್ತಿ ಆ್ಯಪ್ ಬಳಸಿ ಯುಪಿಐ ವಹಿವಾಟು ಮಾಡಬಹುದು ಎಂದು ಎಸ್‍ಬಿಐ ಈ ಹಿಂದೆ ಹೇಳಿತ್ತು.

                         ಎಸ್‍ಬಿಐನ ಯೋನೋ ಆಪ್ ಗೂಗಲ್ ಪ್ಲೇ ಸ್ಟೋರ್ ಮತ್ತು ಆಪಲ್ ಆಪ್ ಸ್ಟೋರ್‍ನಲ್ಲಿ ಲಭ್ಯವಿದೆ. ಅದನ್ನು ಡೌನ್‍ಲೋಡ್ ಮಾಡಿದ ನಂತರ ಯುಪಿಐ ಸೇವೆಯು ಯೋನೋ ಮೂಲಕ ಇತರ ಬ್ಯಾಂಕ್ ಖಾತೆ ಬಳಕೆದಾರರಿಗೆ ರಿಜಿಸ್ಟರ್ ನೌ ಆಯ್ಕೆಯ ಮೂಲಕ ಲಭ್ಯವಿರುತ್ತದೆ. ಇದಕ್ಕಾಗಿ, ರಿಜಿಸ್ಟರ್ ನೌ ಎಂಬ ಆಯ್ಕೆಯನ್ನು ಕ್ಲಿಕ್ ಮಾಡಿದ ನಂತರ, ರಿಜಿಸ್ಟರ್ ಟು ಮೀಟ್ ಯುಪಿಐ ಪಾವತಿ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ ಮತ್ತು ಬ್ಯಾಂಕ್‍ಗೆ ಲಿಂಕ್ ಮಾಡಲಾದ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ.

                      ಇದರ ನಂತರ ಎಸ್.ಎಂ.ಎಸ್. ಬಳಸಿಕೊಂಡು ಮೊಬೈಲ್ ಸಂಖ್ಯೆಯ ಪರಿಶೀಲನೆಯನ್ನು ಪೂರ್ಣಗೊಳಿಸಿ. ಇದರ ನಂತರ ನೀವು ಯಾವುದೇ ಬ್ಯಾಂಕ್‍ನಲ್ಲಿ ಖಾತೆ  ಹೊಂದಿರುವಿರಿ ಎಂಬುದನ್ನು ಆಯ್ಕೆ ಮಾಡುವ ಮೂಲಕ ನೀವು ಯುಪಿಐ ಐಡಿಯನ್ನು ರಚಿಸಬಹುದು. ಇದರ ನಂತರ ಅಪ್ಲಿಕೇಶನ್ ಅನ್ನು ಪ್ರವೇಶಿಸಲು ಮತ್ತು ನೋಂದಣಿಯನ್ನು ಪೂರ್ಣಗೊಳಿಸಲು ಆರು ಅಂಕಿಯ ಪಿನ್ ಅನ್ನು ನಮೂದಿಸಿ.

                          ಪೋನ್ ಪೇ ಮತ್ತು ಗೂಗಲ್ ಪೇ ಅಪ್ಲಿಕೇಶನ್‍ಗಳಲ್ಲಿ ಲಭ್ಯವಿರುವ ಎಲ್ಲಾ ಸೇವೆಗಳಾದ ಕ್ಯು.ಆರ್. ಕೋಡ್ ಅನ್ನು ಸ್ಕ್ಯಾನ್ ಮಾಡುವ ಮೂಲಕ ಹಣವನ್ನು ಕಳುಹಿಸುವುದು, ಒಂದು ಖಾತೆಯಿಂದ ಇನ್ನೊಂದು ಖಾತೆಗೆ ಹಣವನ್ನು ವರ್ಗಾಯಿಸುವುದು ಮತ್ತು ಪೋನ್ ಸಂಪರ್ಕಗಳಿಗೆ ಹಣವನ್ನು ಕಳುಹಿಸುವುದು ಸಹ ಯೋನೋದಲ್ಲಿ ಲಭ್ಯವಿರುತ್ತದೆ. ಎಸ್.ಬಿ.ಐ ಯುಪಿಐ ಪ್ರವೇಶದೊಂದಿಗೆ ಪೋನ್ ಪೇ, ಗೂಗಲ್ ಪೇ ಮತ್ತು ಪೇಟಿಎಂನೊಂದಿಗೆ ಸ್ಪರ್ಧಿಸುವ ಲಕ್ಷ್ಯವಿರಿಸಲಾಗಿದೆ.