ನೆಡುಂಬಶ್ಶೇರಿಯಲ್ಲಿ ಹುಸಿ ಬಾಂಬ್ ಬೆದರಿಕೆ: ರನ್‍ವೇಯತ್ತ ಸಾಗಿದ ವಿಮಾನ ವಾಪಸ್

                ಕೊಚ್ಚಿ: ನೆಡುಂಬಶ್ಶೇರಿ ವಿಮಾನ ನಿಲ್ದಾಣಕ್ಕೆ ಹುಸಿ ಬಾಂಬ್ ಬೆದರಿಕೆ ಬಂದು ಆತಂಕ ಸೃಷ್ಟಿಯಾಯಿತು. ವಿಮಾನದಲ್ಲಿ ಬಾಂಬ್ ಇಡಲಾಗಿದೆ ಎಂಬ ಅಪರಿಚಿತ ಸಂದೇಶ ಬಂದಿದೆ.

                ಈ ವೇಳೆ  ರನ್‍ವೇಗೆ ತೆರಳಿದ್ದ ಇಂಡಿಗೋ ವಿಮಾನವನ್ನು ವಾಪಸ್ ಕರೆಸಲಾಯಿತು. ಪ್ರಯಾಣಿಕರು ಮತ್ತು ಲಗೇಜುಗಳನ್ನು ಇಳಿಸಿದ ನಂತರ ಬಾಂಬ್ ಸ್ಕ್ವಾಡ್ ಆಗಮಿಸಿ ಶೋಧ ನಡೆಸಿತು.

           ಬೆಳಗ್ಗೆ 10.40ಕ್ಕೆ ಹೊರಡಬೇಕಿದ್ದ ಕೊಚ್ಚಿ-ಬೆಂಗಳೂರು ವಿಮಾನದಲ್ಲಿ ಬಾಂಬ್ ಇರಿಸಲಾಗಿದೆ ಎಂಬ ಸಂದೇಶ ಅಧಿಕಾರಿಗಳಿಗೆ ಬಂದಿತ್ತು. ವಿಮಾನವು ರನ್‍ವೇಗೆ ತೆರಳಿದ ನಂತರ ಸಂದೇಶವನ್ನು ಸ್ವೀಕರಿಸಲಾಗಿತ್ತು. ನಂತರ ವಿಮಾನವನ್ನು ವಾಪಸ್ ಕರೆಸಿ ತಪಾಸಣೆ ನಡೆಸಿದಾಗ ಹುಸಿ ಬಾಂಬ್ ಎಂದು ದೃಢಪಟ್ಟಿತು.