ದೃಷ್ಟಿದೋಷ ಶಿಕ್ಷಕನನ್ನು ತರಗತಿಯಲ್ಲೇ ಅವಮಾನಿಸಿದ ವಿದ್ಯಾರ್ಥಿಗಳು..

                ಎರ್ನಾಕುಲಂ: ದೃಷ್ಟಿದೋಷವುಳ್ಳ ಶಿಕ್ಷಕರೊಬ್ಬರನ್ನು ವಿದ್ಯಾರ್ಥಿಗಳು ಅವಮಾನಿಸಿದ ಘಟನೆ ಕೇರಳದ ಎರ್ನಾಕುಲಂ ಮಹಾರಾಜ ಕಾಲೇಜಿನಲ್ಲಿ ನಡೆದಿದೆ.

               ಘಟನೆಗೆ ಸಂಬಂಧಿಸಿದಂತೆ ವಿಡಿಯೊವೊಂದ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ಈ ಹಿನ್ನೆಲೆಯಲ್ಲಿ ಮಹಮ್ಮದ್‌ ಫಾಜಿಲ್‌, ನಂದನ ಸಾಗರ್‌, ರಾಗೇಶ್‌, ಪ್ರಿಯದಾ, ಆದಿತ್ಯ, ಫಾತಿಮಾ ನಫ್ಲಾಮ್‌ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ.

             ವಿದ್ಯಾರ್ಥಿಗಳು ತಮ್ಮ ಫೋನ್‌ ಆಟವಾಡುವುದರ ಜತೆಗೆ ದೃಷ್ಟಿಹೀನ ಶಿಕ್ಷಕ ತರಗತಿ ತೆಗೆದುಕೊಳ್ಳುವಾಗ ಅಣಕಿಸಿ ತೋರಿಸುವ ವೀಡಿಯೊ ಆನ್‌ಲೈನ್‌ನಲ್ಲಿ ಕಾಣಿಸಿಕೊಂಡಿದೆ.

              ಕಲಾ ವಿಭಾಗದ ರಾಜ್ಯಶಾಸ್ತ್ರ ಶಿಕ್ಷಕರನ್ನು ತರಗತಿಯಲ್ಲೇ ವಿದ್ಯಾರ್ಥಿಗಳು ನಿಂದಿಸಿದ್ದು, ಈ ವಿಡಿಯೋಗ, ಸಾಕಷ್ಟು ಟೀಕೆ ವ್ಯಕ್ತವಾಗಿದೆ. ರಾಜ್ಯಶಾಸ್ತ್ರ ವಿಭಾಗದ ಮುಖ್ಯಸ್ಥರು ನೀಡಿದ ದೂರಿನ ಮೇರೆಗೆ ವಿದ್ಯಾರ್ಥಿಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗಿದ್ದು, ಘಟನೆಯ ಕುರಿತಾದ ತನಿಖೆಗೆ ಕಾಲೇಜು ಅಧಿಕಾರಿಗಳು ವಿಶೇಷ ಸಮಿತಿಯನ್ನೂ ನೇಮಿಸಿದ್ದಾರೆ.

             ಆದರೆ ವಿದ್ಯಾರ್ಥಿಗಳಿಗೆ ಒಂದು ಗಂಟೆ ಪಾಠ ಮಾಡಲು ಎರಡು ಗಂಟೆ ತಯಾರಿ ಮಾಡಿಕೊಂಡು ಬರುತ್ತೇನೆ ಎಂದು ನೊಂದ ಶಿಕ್ಷಕರು ತಿಳಿಸಿದ್ದು, ವಿದ್ಯಾರ್ಥಿಗಳು ಈ ರೀತಿ ನಡೆದುಕೊಳ್ಳುತ್ತಾರೆ ಎಂದು ಭಾವಿಸಿರಲಿಲ್ಲ. ವಿದ್ಯಾರ್ಥಿಗಳ ಭವಿಷ್ಯವನ್ನು ಗಮನದಲ್ಲಿಟ್ಟುಕೊಂಡು ಕಾಲೇಜಿನಲ್ಲಿಯೇ ಸಮಸ್ಯೆ ಬಗೆಹರಿಸುವುದಾಗಿ ಶಿಕ್ಷಕರು ತಿಳಿಸಿದ್ದಾರೆ.