ರಾಜಸ್ಥಾನ-ಮಧ್ಯಪ್ರದೇಶ ಚುನಾವಣೆ: ಗುಜರಾತ್‌ ಗಡಿ ಜಿಲ್ಲೆಗಳಲ್ಲಿ ಕಟ್ಟೆಚ್ಚರ

              ಅಹಮದಾಬಾದ್‌: ರಾಜಸ್ಥಾನ ಮತ್ತು ಮಧ್ಯಪ್ರದೇಶ ರಾಜ್ಯಗಳಿಗೆ ಹೊಂದಿಕೊಂಡಿರುವ ಗಡಿಗಳಲ್ಲಿ ಭದ್ರತೆ ಬಿಗಿಗೊಳಿಸಿರುವುದಾಗಿ ಗುಜರಾತ್‌ ಹೇಳಿದೆ. ಆ ರಾಜ್ಯಗಳು ವಿಧಾನಸಭೆ ಚುನಾವಣೆಗೆ ಸಜ್ಜಾಗುತ್ತಿರುವ ಹಿನ್ನೆಲೆಯಲ್ಲಿ ಕಾನೂನು ಸುವ್ಯವಸ್ಥೆ ನಿರ್ವಹಣೆಯ ಸಲುವಾಗಿ ಈ ಕ್ರಮ ಕೈಗೊಂಡಿರುವುದಾಗಿ ಹೇಳಿದೆ.

            ಅಕ್ರಮ ಶಸ್ತ್ರಾಸ್ತ್ರಗಳು, ಮಾದಕವಸ್ತು, ನಕಲಿ ನೋಟುಗಳು ಮತ್ತು ನಿರ್ಬಂಧಿಸಲಾದ ಇತರ ವಸ್ತುಗಳ ಸಾಗಾಟ ತಡೆಯುವ ಸಲುವಾಗಿ ಎರಡೂ ರಾಜ್ಯಗಳಿಗೆ ಹೊಂದಿಕೊಂಡಿರುವ ಗಡಿ ಪ್ರದೇಶದಲ್ಲಿ ಸುಮಾರು 48 ಚೆಕ್‌ಪೋಸ್ಟ್‌ಗಳನ್ನು ಸ್ಥಾಪಿಸಲಾಗುತ್ತಿದೆ ಎಂದು ಗುಜರಾತ್‌ ಸರ್ಕಾರವು ತಿಳಿಸಿದೆ.

                ಮತದಾನದ ದಿವಸ ಮತ್ತು ಅದರ ಹಿಂದಿನ ದಿನ ಮದ್ಯ ಮತ್ತು ಇತರ ಅಮಲು ಬರಿಸುವ ವಸ್ತುಗಳು ಮಾರಾಟವಾಗದಂತೆ ನೋಡಿಕೊಳ್ಳಬೇಕು ಎಂದು ಗಡಿ ರಾಜ್ಯಗಳ ಜಿಲ್ಲಾಧಿಕಾರಿಗಳಿಗೆ ತಿಳಿಸಲಾಗಿದೆ ಎಂದಿದೆ.