ಕರುವನ್ನೂರ್ ಬ್ಯಾಂಕಿಗೆ ಕೇರಳ ಬ್ಯಾಂಕ್ ಪಾವತಿಸುವುದನ್ನು ನಿಷೇಧಿಸಿದ ನಬಾರ್ಡ್: ಇಕ್ಕಟ್ಟಲ್ಲಿ ಸಿಪಿಎಂ

                 ತ್ರಿಶೂರ್: ಕರುವನ್ನೂರ್ ಬ್ಯಾಂಕ್‍ನಲ್ಲಿ ಉಂಟಾಗಿರುವ ಬಿಕ್ಕಟ್ಟು ಪರಿಹರಿಸಲು ಕೇರಳ ಬ್ಯಾಂಕ್‍ನಿಂದ ಹಣ ನೀಡುವ ಸಿಪಿಎಂನ ಕ್ರಮಕ್ಕೆ ನಬಾರ್ಡ್ ತಡೆ ನೀಡಿದೆ.

                   ಈ ಕುರಿತು ನಬಾರ್ಡ್ ಕೇರಳ ಬ್ಯಾಂಕ್‍ಗೆ ಶನಿವಾರ ತುರ್ತು ಫ್ಯಾಕ್ಸ್ ಸಂದೇಶದ ಮೂಲಕ ಮಾಹಿತಿ ನೀಡಿದೆ. ಇದರೊಂದಿಗೆ ಕರುವನ್ನೂರ್ ಬ್ಯಾಂಕ್‍ನಲ್ಲಿ ಉಂಟಾಗಿರುವ ಬಿಕ್ಕಟ್ಟನ್ನು ತಡೆಯಲು ಕೇರಳ ಬ್ಯಾಂಕ್‍ನಿಂದ ತುರ್ತಾಗಿ 50 ಕೋಟಿ ತೆಗೆದುಕೊಳ್ಳುವ ಸಿಪಿಎಂನ ನಿರ್ಧಾರ ಹಳ್ಳ ಹಿಡಿಯಲಿದೆÉ.

                   ವಂಚನೆಯಿಂದ ಸಂಕಷ್ಟದಲ್ಲಿರುವ ಸಹಕಾರಿ ಸಂಸ್ಥೆಗೆ ಹಣ ನೀಡುವುದು ರಿಸರ್ವ್ ಬ್ಯಾಂಕ್ ನ ಸಾಲ ನೀಡುವ ಮಾರ್ಗಸೂಚಿಗಳಿಗೆ ವಿರುದ್ಧವಾಗಿದ್ದು, ಇದನ್ನು ಗಂಭೀರವಾಗಿ ಪರಿಗಣಿಸಬೇಕು ಎಂದು ಪತ್ರದಲ್ಲಿ ನಬಾರ್ಡ್ ಸೂಚಿಸಿದೆ. ಇದರೊಂದಿಗೆ ಕರುವನ್ನೂರ್ ಬ್ಯಾಂಕ್ ನ ಬಿಕ್ಕಟ್ಟನ್ನು ಕೇರಳ ಬ್ಯಾಂಕ್ ನ ಹಣದಿಂದ ಮೂರೇ ದಿನಗಳಲ್ಲಿ ಬಗೆಹರಿಸಬಹುದು ಎಂಬ ಸಿಪಿಎಂ ಭ್ರಮೆಗೆ ತೆರೆ ಬೀಳುತ್ತಿದೆ.

              ಪತ್ರದ ಪ್ರತಿಯೊಂದಿಗೆ ಕೇರಳ ಬ್ಯಾಂಕ್ ಅಧ್ಯಕ್ಷ ಗೋಪಿ ಕೊಟ್ಟಮುರಿಕ್ಕಲ್ ಮತ್ತು ಉಪಾಧ್ಯಕ್ಷ ಎಂ.ಕೆ. ಕಣ್ಣನ್ ಮತ್ತು ಸಿಪಿಎಂ ರಾಜ್ಯ ಕಾರ್ಯದರ್ಶಿ ಎಂ.ವಿ. ಗೋವಿಂದ ಅವರನ್ನು ಭೇಟಿ ಮಾಡಿ ಚರ್ಚಿಸಿದರು. ಕರುವನ್ನೂರ್ ಬಿಕ್ಕಟ್ಟನ್ನು ಪರಿಹರಿಸಲು ಕೇರಳ ಬ್ಯಾಂಕ್‍ಗೆ ಪಾವತಿಸಲು ಸಾಧ್ಯವಿಲ್ಲ ಎಂದು ಅವರು ಗೋವಿಂದನ್‍ಗೆ ತಿಳಿಸಿದರು.

             ಇದರೊಂದಿಗೆ ಕರುವನ್ನೂರ್ ಬ್ಯಾಂಕ್ ಸಮಸ್ಯೆ ಸಿಪಿಎಂ ಮತ್ತು ರಾಜ್ಯ ಸರ್ಕಾರವನ್ನು ಛಿದ್ರಗೊಳಿಸುತ್ತಿದೆ. ಆದಷ್ಟು ಬೇಗ ಬಿಕ್ಕಟ್ಟು ಬಗೆಹರಿಯದಿದ್ದರೆ ಸಿಪಿಎಂ ಪಕ್ಷವೇ ಕಡಿವಾಣ ಹಾಕಲಿದೆ ಎಂಬುದು ಸದ್ಯದ ಸ್ಥಿತಿ.