ಹೈಕೋರ್ಟಿನ ಹೆಸರಲ್ಲಿ ನಕಲಿ ಆದೇಶ ನೀಡಿ ಕಕ್ಷಿದಾರನಿಗೆ ವಂಚನೆ: ವಕೀಲರ ವಿರುದ್ಧ ಪ್ರಕರಣ

               ಕೊಚ್ಚಿ: ಹೈಕೋರ್ಟ್ ನ ನಕಲಿ ಆದೇಶ ನೀಡಿ ಕಕ್ಷಿದಾರನಿಗೆ ವಂಚಿಸಿದ ವಕೀಲನ ವಿರುದ್ಧ ಪ್ರಕರಣ ದಾಖಲಾಗಿದೆ. ಭೂ ವಿಂಗಡಣೆಗೆ ನಕಲಿ ಆದೇಶ ಮಾಡಿದ ಅಡ್ವ. ಪಾರ್ವತಿ ಎಸ್. ಕೃಷ್ಣ ವಿರುದ್ಧ ದೂರು ದಾಖಲಾಗಿದೆ. ಪಲಾರಿವಟ್ಟಂ ಮೂಲದ ಜುಡ್ಸನ್ ಎಂಬುವರು ದೂರು ನೀಡಿದ್ದಾರೆ. ವಂಚನೆ ಮತ್ತು ಪೋರ್ಜರಿ ಆರೋಪದಡಿ ಪ್ರಕರಣ ದಾಖಲಿಸಲಾಗಿದೆ.

              ಪಲರಿವಟ್ಟಂನಲ್ಲಿ 10 ಸೆಂಟ್ಸ್ ಜಮೀನು ವರ್ಗೀಕರಣ ಬದಲಾವಣೆ ಕುರಿತು ದೂರು ದಾಖಲಾಗಿತ್ತು. ವರ್ಗೀಕರಣ ಬದಲಾವಣೆ ಕುರಿತು ಜಡ್ಸ ನ್ ಹೈಕೋರ್ಟ್ ಗೆ ಅರ್ಜಿ ಸಲ್ಲಿಸಿದ್ದರು. ಇದರ ಭಾಗವಾಗಿ ತೀರ್ಪು ಪಡೆಯಲಾಗಿದೆ ಎಂದು ವಕೀಲರು ಜಡ್ಸ ನ್ ಅವರಿಗೆ ತಿಳಿಸಿದ್ದರು. ಈ ತೀರ್ಪಿನ ಪ್ರತಿಯೊಂದಿಗೆ ಜಡ್ಸ ನ್ ಆರ್‍ಡಿಒ ಕಚೇರಿಗೆ ಬಂದಾಗ ವಂಚನೆ ನಡೆದಿರುವುದು ಗೊತ್ತಾಗಿದೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ನೀಡಿರುವ ತೀರ್ಪು ನಕಲಿ ದಾಖಲೆಯಾಗಿದೆ ಎಂದು ದೂರುದಾರರು ಆರೋಪಿಸಿದ್ದಾರೆ. ಇದರ ಆಧಾರದ ಮೇಲೆ ಪೋರ್ಟ್ ಕೊಚ್ಚಿ ಪೋಲೀಸರು ಎಫ್‍ಐಆರ್ ದಾಖಲಿಸಿಕೊಂಡಿದ್ದಾರೆ.