ಮಾತಾ ಅಮೃತಾನಂದಮಯಿ ದೇವಿಯ ಸಪ್ತತಿ ಆಚರಿಸಲು ಅಮೃತಪುರಿ ಸಜ್ಜು

                 ಕೊಲ್ಲಂ: ಅಮೃತಪುರಿ ಮಾತಾ ಅಮೃತಾನಂದಮಯಿ ದೇವಿಯ 70 ನೇ ಹುಟ್ಟುಹಬ್ಬದ ಅಂಗವಾಗಿ ವಿಸ್ತೃತ ಆಚರಣೆಗಳನ್ನು ಆಯೋಜಿಸಿದೆ.

          ಅಕ್ಟೋಬರ್ 3 ರಂದು ಅಮೃತ ವಿಶ್ವವಿದ್ಯಾಪೀಠದ ಆವರಣದಲ್ಲಿ ಸಿದ್ಧಪಡಿಸಿರುವ ವಿಶೇಷ ವೇದಿಕೆಯಲ್ಲಿ ಹುಟ್ಟುಹಬ್ಬ ಆಚರಣೆ ನಡೆಯಲಿದೆ. ಹಬ್ಬದ ಪೂರ್ವಭಾವಿಯಾಗಿ ನಾಳೆ ವಿಶೇಷ ಕಾರ್ಯಕ್ರಮಗಳು ನಡೆಯಲಿವೆ.

             ಅಮೃತಾನಂದಮಯಿ ಮಠದ ಉಪಾಧ್ಯಕ್ಷ ಸ್ವಾಮಿ ಅಮೃತ ಸ್ವರೂಪಾನಂದಪುರಿ ಮಾತನಾಡಿ, ಮಾತಾ ಅಮೃತಾನಂದಮಯಿ ಅವರ ಜನ್ಮದಿನಾಚರಣೆ ಅಂಗವಾಗಿ ನಡೆಯಲಿರುವ ಆಚರಣೆಗೆ ಸಿದ್ಧತೆಗಳು ಪೂರ್ಣಗೊಂಡಿವೆ. ನಾಳೆ ಸಂಜೆ ಮಾತಾ ಅಮ್ಯತಾನಂದಮಯಿ ದೇವಿ ನೇತೃತ್ವದಲ್ಲಿ ಉಪನ್ಯಾಸ, ಧ್ಯಾನ ಮತ್ತು ವಿಶ್ವಶಾಂತಿ ಪ್ರಾರ್ಥನೆ ನಡೆಯಲಿದೆ. ಹುಟ್ಟುಹಬ್ಬದ ದಿನ ಬೆಳಗ್ಗೆ ಮಹಾಗಣಪತಿ ಹೋಮ ಮತ್ತು ಸತ್ಸಂಗ ಗುರುಪಾದ ಪೂಜೆ ನಡೆಯಲಿದೆ ಎಂದಿರುವರು.

       ಸಾಂಸ್ಕøತಿಕ ಸಮ್ಮೇಳನದಲ್ಲಿ 193 ದೇಶಗಳ ಪ್ರತಿನಿಧಿಗಳು ಭಾಗವಹಿಸಲಿದ್ದಾರೆ. ಕೇರಳ, ತಮಿಳುನಾಡು ಮತ್ತು ತೆಲಂಗಾಣ ರಾಜ್ಯಗಳ ರಾಜ್ಯಪಾಲರು, ಕೇಂದ್ರ ಸಚಿವ ಮಹೇಂದ್ರನಾಥ್ ಪಾಂಡೆ, ಕೇಂದ್ರ ಸಹಾಯಕ ಸಚಿವರಾದ ಅಶ್ವಿನಿ ಕುಮಾರ್ ಚೌ ಬೇ, ವಿ ಮುರಳೀಧರನ್ ಮತ್ತಿತರರು ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ. ಉತ್ಸವದಲ್ಲಿ ವಿಶ್ವದ 70 ಪ್ರಮುಖ ವ್ಯಕ್ತಿಗಳ ಜನ್ಮದಿನದ ಶುಭಾಶಯಗಳನ್ನು ಪ್ರದರ್ಶಿಸಲಾಗುತ್ತದೆ.