ಮಗುವಿನ ಅಪಹರಣದ ಪ್ರಮುಖ ಮಾಹಿತಿ: ಅಪರಿಚಿತರು ಎರಡು ದಿನ ಬಾಡಿಗೆ ಮನೆ ಹುಡುಕಿಕೊಂಡಿದ್ದರು: ಆಟೋ ಚಾಲಕನಿಂದ ಮಾಹಿತಿ

                    ಕೊಲ್ಲಂ: ಓಯೂರಿನಲ್ಲಿ ನಡೆದ 6 ರ ಹರೆಯದ ಮಗುವಿನ ಅಪಹರಣ ಘಟನೆಯ ಮಹತ್ವದ ಮಾಹಿತಿ ಹೊರಬಿದ್ದಿದೆ. ಪರವೂರಿನಲ್ಲಿ ಕಾರನ್ನು ನೋಡಿದ್ದೇವೆ ಎಂದು ಆಟೋ ಚಾಲಕರೊಬ್ಬರು ಹೇಳಿದ್ದಾರೆ.

                    ಘಟನೆ ನಡೆದ ದಿನ ಸಂಜೆ 6 ಗಂಟೆ ಸುಮಾರಿಗೆ ಆಟೋ ಚಾಲಕರು ವಾಹನವನ್ನು ನೋಡಿದ್ದಾರೆ. ಘಟನೆಯ ಹಿಂದಿನ ದಿನ ಅಪರಿಚಿತರು ಬಾಡಿಗೆಗೆ ಮನೆ ಇದೆಯೇ ಎಂದು ವಿಚಾರಿಸಲು ಬಂದಿದ್ದರು  ಎಂದು ಅವರು ಹೇಳುತ್ತಾರೆ. ಅಪರಿಚಿತರು ಎರಡು ದಿನ ಬಾಡಿಗೆ ಮನೆ ಕೇಳಿದ್ದಾರೆ.

                     ಇದೇ ವೇಳೆ, ಮಗುವನ್ನು ಅಪಹರಿಸಿದ ವಾಹನದ ನಂಬರ್ ಪ್ಲೇಟ್ ಅನ್ನು ತಯಾರಿಸಿದ ಕಂಪನಿಯ ಬಗ್ಗೆ ಪೋಲೀಸರು ತನಿಖೆ ಪ್ರಾರಂಭಿಸಿರುವರು. ಕೊಲ್ಲಂ ಗ್ರಾಮಾಂತರ ಪೋಲೀಸರು ಸಾಮಾಜಿಕ ಜಾಲತಾಣಗಳ ಮೂಲಕ ನಂಬರ್ ಪ್ಲೇಟ್ ತಯಾರಕರಿಗೆ ಸೂಚನೆ ನೀಡಿದ್ದಾರೆ. ನಕಲಿ ನಂಬರ್ ಪ್ಲೇಟ್ ತಯಾರಿಸಿದ ಸಂಸ್ಥೆ ಪೋಲೀಸರನ್ನು ಸಂಪರ್ಕಿಸುವಂತೆ ಸೂಚಿಸಲಾಗಿದೆ.

                ಕೆಎಲ್ 04 ಎಎಫ್ 3239 ಎಂಬ ನಕಲಿ ನಂಬರ್ ಪ್ಲೇಟ್ ಹೊಂದಿದ್ದ ಕಾರಿನಲ್ಲಿ ಮಗುವನ್ನು ಕಳ್ಳಸಾಗಣೆ ಮಾಡಲಾಗಿತ್ತು. ಘಟನೆ ನಡೆದ ದಿನ ಈ ನಂಬರ್ ಪ್ಲೇಟ್ ಹೊಂದಿರುವ ವಾಹನ ಪಳ್ಳಿಕಲ್ ಪ್ರದೇಶದಲ್ಲಿ ಮತ್ತೊಂದು ಮಗುವನ್ನು ಅಪಹರಣಕ್ಕೆ ಗುರಿಪಡಿಸಲೆತ್ನಿಸಿತ್ತು. ಇದೇ ಕಾರು ಮಗುವಿನ ಬಳಿ ನಿಗೂಢ ಸನ್ನಿವೇಶದಲ್ಲಿ ಕಾಣಿಸಿಕೊಂಡಿರುವ ಸಿಸಿಟಿವಿ ದೃಶ್ಯಾವಳಿ ಹೊರಬಿದ್ದಿತ್ತು. 

                   ಆರೋಪಿಗಳು ಪಾರಿಪಳ್ಳಿ ತಲುಪಿದ ಆಟೋದಲ್ಲಿಯೂ ತನಿಖೆ ನಡೆಯುತ್ತಿದೆ. ಈ ಆಟೋ ಮಗುವನ್ನು ಅಪಹರಿಸಿದ ಗುಂಪಿಗೆ ಸೇರಿದೆ ಎಂದು ಪೋಲೀಸರು ಶಂಕಿಸಿದ್ದಾರೆ. ಚಾಲಕ ಶರ್ಟ್ ಮತ್ತು ಟೀ ಶರ್ಟ್ ಧರಿಸಿದ್ದ. ಆರೋಪಿಗಳು ಪಾರಿಪಳ್ಳಿಯಲ್ಲಿ ಸುಮಾರು 7 ನಿಮಿಷಗಳ ಕಾಲ ಕಳೆದರು ಎಂದು ವರದಿಯಾಗಿದೆ. 6.37ಕ್ಕೆ ಬಂದವರು 6.45ರವರೆಗೂ ಅಲ್ಲಿರುವುದು ಕೂಡ ಕಂಡು ಬಂದಿದೆ. ಆರೋಪಿಗಳು ಪಳ್ಳಿಕಲ್, ವೇಲಮನೂರು ಮಾರ್ಗವಾಗಿ ಕಲ್ಲುವಾತುಕಲ್ ಗೆ ತೆರಳಿದ್ದಾರೆ ಎಂದು ಪೋಲೀಸರು ತೀರ್ಮಾನಿಸಿದ್ದಾರೆ.