ಚಳಿಗಾಲ : ಚೀನಾದಲ್ಲಿ ಕೋವಿಡ್‌ ಹೆಚ್ಚು ಹರಡುವ ಸಾಧ್ಯತೆ: ತಜ್ಞರು ಎಚ್ಚರಿಕೆ

              ಬೀಜಿಂಗ್‌: ಚೀನಾದಲ್ಲಿ ಚಳಿಗಾಲದ ಸಂದರ್ಭದಲ್ಲಿ ಕೋವಿಡ್‌-19 ಹೆಚ್ಚಾಗಿ ಹರಡಬಹುದು ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ.

'                ಚಳಿಗಾಲದಲ್ಲಿ ಕೊರೊನಾ ಸಾಂಕ್ರಾಮಿಕ ಹೆಚ್ಚಾಗಿ ಹರಡಬಹುದು. ಹೀಗಾಗಿ ವಯಸ್ಸಾದವರು ಮತ್ತು ದುರ್ಬಲರು ಆದಷ್ಟು ಶೀಘ್ರವಾಗಿ ಲಸಿಕೆ ಪಡೆಯಬೇಕು' ಎಂದು ತಜ್ಞ ವೈದ್ಯ ಝೊಂಗ್ ನನ್ಶಾನ್‌ ಸಲಹೆ ನೀಡಿದ್ದಾರೆ.

               ಅಕ್ಟೋಬರ್‌ನಲ್ಲಿ ದೇಶದಾದ್ಯಂತ 209 ಹೊಸ ಕೊರೊನಾ ಪ್ರಕರಣಗಳು ದೃಢಪಟ್ಟಿದ್ದು, 24 ಮಂದಿ ಮೃತಪಟ್ಟಿದ್ದಾರೆ ಎಂದು ಚೀನಾದ ಸಾಂಕ್ರಾಮಿಕ ರೋಗ ನಿಯಂತ್ರಣ ಮತ್ತು ತಡೆಗಟ್ಟುವಿಕೆ ಕೇಂದ್ರ ತಿಳಿಸಿರುವುದಾಗಿ ಮಾಧ್ಯಮಗಳು ಸೋಮವಾರ ವರದಿ ಮಾಡಿವೆ.

              ವೈರಸ್‌ ರೂಪಾಂತರಗಳ್ಳುತ್ತಿದೆ. ಇತ್ತ ಜನರ ದೇಹದಲ್ಲಿ ವೈರಸ್‌ ವಿರುದ್ಧ ಹೋರಾಡುವ ರೋಗನಿರೋಧಕ ಶಕ್ತಿ ದಿನಗಳು ಕಳೆದಂತೆ ಕಡಿಮೆಯಾಗುತ್ತದೆ ಎಂದು ಅವರು ಹೇಳಿದ್ದಾರೆ.