ಮಾಧ್ಯಮಗಳ ಮೂಲಕ ಅಲ್ಲ, ನೇರವಾಗಿ ಮಾತನಾಡಲು ಮುಖ್ಯಮಂತ್ರಿ ಸಿದ್ಧರಾಗಬೇಕು: ನಡೆಯುತ್ತಿರುವುದೆಲ್ಲ ಸಂವಿಧಾನ ಬಾಹಿರ - ರಾಜ್ಯಪಾಲರು

                  ತಿರುವನಂತಪುರ: ಸುಗ್ರೀವಾಜ್ಞೆಗೆ ತುರ್ತು ಮಹತ್ವವಿದ್ದರೆ ಮುಖ್ಯಮಂತ್ರಿಗಳು ಮಾಧ್ಯಮಗಳ ಮೂಲಕ ಮಾತನಾಡದೆ ರಾಜಭವನಕ್ಕೆ ಬಂದು ಪರಿಸ್ಥಿತಿಯನ್ನು ವಿವರಿಸಲಿ ಎಂದು ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ಹೇಳಿದ್ದಾರೆ.

            ರಾಜ್ಯಪಾಲರು ಮುಖ್ಯಮಂತ್ರಿಗಳನ್ನು ರಾಜಭವನಕ್ಕೆ ಆಹ್ವಾನಿಸಿದರು. ಮುಖ್ಯಮಂತ್ರಿ ನೇರವಾಗಿ ಮಾತನಾಡಲು ಸಿದ್ಧರಾಗಬೇಕು. ಮಾಧ್ಯಮಗಳ ಮೂಲಕ ಮಾತನಾಡಬಾರದು. ರಾಜಭವನಕ್ಕೆ ಆಗಮಿಸಿ ಮಸೂದೆಗಳು ಮತ್ತು ಸುಗ್ರೀವಾಜ್ಞೆಗಳ ತುರ್ತು ಪರಿಸ್ಥಿತಿಯನ್ನು  ಮನವರಿಕೆ ಮಾಡಿಕೊಡಬೇಕು ಎಂದು ರಾಜ್ಯಪಾಲರು ಹೇಳಿರುವರು. ಮುಖ್ಯಮಂತ್ರಿಯನ್ನು ರಾಜಭವನಕ್ಕೆ ಆಹ್ವಾನಿಸುತ್ತಿರುವುದಾಗಿ ರಾಜ್ಯಪಾಲರು ತಿಳಿಸಿದ್ದಾರೆ.

         ತನಗೆ ಯಾರ ಮೇಲೂ ಪೂರ್ವಾಗ್ರಹವಿಲ್ಲ. ಹೇಳಬೇಕಾದ್ದನ್ನು ನೇರವಾಗಿ ಹೇಳಲಾಗುತ್ತದೆ. ಮಾಧ್ಯಮಗಳ ಮೂಲಕ ಮಾತನಾಡುವ ಅಗತ್ಯವಿಲ್ಲ. ಶಾಸಕಾಂಗವು ಮಸೂದೆಗಳಿಗೆ ಸಹಿ ಹಾಕಬಹುದು, ಆದರೆ ಸರ್ಕಾರವು ಪರಿಸ್ಥಿತಿ ಮತ್ತು ಅಗತ್ಯವನ್ನು  ಮನವರಿಕೆ ಮಾಡಬೇಕು ಎಂದು ರಾಜ್ಯಪಾಲರು ಸ್ಪಷ್ಟಪಡಿಸಿದರು. ಸುಪ್ರೀಂ ಕೋರ್ಟ್ ತೀರ್ಪಿನ ನಂತರ ವಿಶ್ವವಿದ್ಯಾನಿಲಯಗಳಲ್ಲಿ ಖಾಯಂ ಉಪಕುಲಪತಿಗಳ ನೇಮಕಕ್ಕೆ ಕ್ರಮ ಕೈಗೊಳ್ಳಲಾಗಿದೆ. ಸರ್ಕಾರÀ ಸಲಹೆ ನೀಡುವುದಾದರೆ ಅಭ್ಯಂತರವಿಲ್ಲ. ಆದರೆ ಇನ್ನು ಮುಂದೆ ಒತ್ತಡಕ್ಕೆ ಮಣಿಯುವುದಿಲ್ಲ ಎಂದು ರಾಜ್ಯಪಾಲರು ತಿಳಿಸಿದ್ದಾರೆ.

           ಸಂವಿಧಾನವನ್ನು ಅವಮಾನಿಸಬೇಡಿ, ಪಾಕ್ ಆಕ್ರಮಿತ ಕಾಶ್ಮೀರವನ್ನು ಸ್ವತಂತ್ರ ಕಾಶ್ಮೀರ ಎಂದು ಕರೆಯುವುದನ್ನು ನಿಲ್ಲಿಸಿ ಮತ್ತು ಪ್ರತ್ಯೇಕತಾವಾದ ಮತ್ತು ಪ್ರಾದೇಶಿಕತೆಯ ಜ್ವಾಲೆಯನ್ನು ಎಬ್ಬಿಸುವುದನ್ನು ನಿಲ್ಲಿಸಿ ಎಂದು ಮುಖ್ಯಮಂತ್ರಿಗಳು ಅನುಯಾಯಿಗಳು ಮತ್ತು ಪಕ್ಷದ ಸದಸ್ಯರಿಗೆ ತಿಳಿಸಬೇಕು. ಇವೆಲ್ಲವೂ ಸಂವಿಧಾನ ಬಾಹಿರ. ಇವು ಭಾರತದ ಏಕತೆಗೆ ಭಂಗ ತರುವ ಸಂಗತಿಗಳು ಎಂದು ಆರಿಫ್ ಮೊಹಮ್ಮದ್ ಖಾನ್ ಹೇಳಿದ್ದಾರೆ.

            ಗೋಪಿನಾಥ್ ರವೀಂದ್ರನ್ ಪರವಾಗಿ ಮುಖ್ಯಮಂತ್ರಿ ಕಚೇರಿ ಮಧ್ಯಪ್ರವೇಶಿಸಿದೆ ಎಂದು ರಾಜ್ಯಪಾಲರು ಪುನರುಚ್ಚರಿಸಿದರು. ಮುಖ್ಯಮಂತ್ರಿ ಕಚೇರಿಯ ಪ್ರತಿನಿಧಿಯೊಬ್ಬರು ನೇಮಕಾತಿಗಾಗಿ ಒಂಬತ್ತು ಬಾರಿ ಬಂದಿದ್ದರು. ಎಜಿ ಅವರ ಕಾನೂನು ಸಲಹೆ ಮೇರೆಗೆ ಅವರು ಈ ನಿರ್ಧಾರ ಕೈಗೊಳ್ಳಲು ಒತ್ತಡವಿತ್ತು.  ಈಗ ನಡೆಯುತ್ತಿರುವುದೆಲ್ಲ ಸಂವಿಧಾನ ಬಾಹಿರ ಎಂದು ರಾಜ್ಯಪಾಲರು ಹೇಳಿದ್ದಾರೆ.