ಆಹಾರದ ಮೇಲೆ ಕೂರುವ ನೊಣ ಏನು ಮಾಡುತ್ತೆ ಗೊತ್ತಾ? ಅಧ್ಯಯನದಲ್ಲಿ ಹೊರಬಿತ್ತು ಅಚ್ಚರಿ ಸತ್ಯ..!

 ಸಾಮಾನ್ಯವಾಗಿ ನಾವು ಮನೆಯಲ್ಲಿ ನೊಣಗಳ ಬಗ್ಗೆ ಹೆಚ್ಚು ಗಮನ ಹರಿಸುವುದಿಲ್ಲ. ಅವು ಆಹಾರದ ಮೇಲೆ ಕುಳಿತಾಗ ಮಾತ್ರ ಸಿಟ್ಟಿನಿಂದ ಓಡಿಸುತ್ತೇವೆ. ಇಲ್ಲವೆ ಅವುಗಳ ಕಾಟ ಹೆಚ್ಚಾದಾಗ ಔಷಧಿ ಹೊಡೆಯುವಂತಹ ಕಾರ್ಯಕ್ಕೆ ಮುಂದಾಗುತ್ತೇವೆ. ಆದ್ರೆ ನಮಗೆ ಅನಾರೋಗ್ಯ ಉಂಟುಮಾಡುವಷ್ಟು ನೊಣಗಳು ಭಯಾನಕ ವೈರಸ್ ಹೊಂದಿವೆ ಎಂಬುದು ನಿಮಗೆ ತಿಳಿದಿದ್ಯಾ?

ಸೊಳ್ಳೆಗಳು ಎಷ್ಟು ಅಪಾಯಕಾರಿಯೋ ನೊಣಗಳು ಸಹ ಅಷ್ಟೇ ಅಪಾಯಕಾರಿಯಾಗಿವೆ. US ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಹೆಲ್ತ್ ಪ್ರಕಾರ ಟೈಫಾಯಿಡ್ ಜ್ವರ, ಭೇದಿ, ಕಾಲರಾ ಮತ್ತು ಕ್ಷಯರೋಗದಂತಹ ತೀವ್ರವಾದ ಮತ್ತು ಮಾರಣಾಂತಿಕ ಕಾಯಿಲೆಗಳಿಗೆ ಸಂಬಂಧಿಸಿರುವ ರೋಗಕಾರಕಗಳಿಗೆ ಮನೆಯಲ್ಲಿರುವ ನೊಣಗಳು ಸಹ ಕಾರಣವಂತೆ.

ಆದರೆ ನೊಣಗಳು ಕುಳಿತ ಆಹಾರ ಸೇವಿಸಲು ನಾವು ಹಿಂದು ಮುಂದು ನೋಡುವುದಿಲ್ಲ. ಆದರೆ ಈ ನಮ್ಮ ಅಭ್ಯಾಸವೇ ಹಲವು ಕಾಯಿಲೆಗಳಿಗೆ ದಾರಿಯಾಗುತ್ತದೆ. ಅದರಲ್ಲೂ ಬೀದಿ ಬದಿ ಸೇವಿಸುವ ಆಹಾರದ ಮೇಲೆ ಕೂರುವ ನೊಣಗಳು ಅತೀ ಹೆಚ್ಚು ಅನಾರೋಗ್ಯಕ್ಕೆ ನಾಂದಿಯಾಗುತ್ತದೆ ಎಂದು ಅಧ್ಯಯನ ತಿಳಿಸಿದೆ. ಹಾಗಾದರೆ ನೊಣಗಳು ನಮ್ಮ ಆಹಾರದ ಮೇಲೆ ಕುಳಿತಾಗ ಏನಾಗಲಿದೆ? ನೊಣಗಳು ಅನಾರೋಗ್ಯಕ್ಕೆ ಸಂಬಂಧಿಸಿದ ಯಾವ ವೈರಸ್ ಹೊಂದಿವೆ ಎಂಬುದನ್ನು ನೋಡಿ.

ನೊಣಗಳು ಕುಳಿತ ಆಹಾರವನ್ನು ಏಕೆ ತಿನ್ನಬಾರದು

ಮನೆಯಲ್ಲಿರುವ ನೊಣಗಳು ನಿಯಮಿತವಾಗಿ ಮಲ ಮತ್ತು ಇತರ ಕೊಳೆಯುವ ವಸ್ತುಗಳನ್ನು ತಿನ್ನುತ್ತವೆ. 'BMC ಪಬ್ಲಿಕ್ ಹೆಲ್ತ್' ಜರ್ನಲ್‌ನಲ್ಲಿ ಪ್ರಕಟವಾದ 2018 ರ ಪತ್ರಿಕೆಯ ಪ್ರಕಾರ, ಅವುಗಳ ಆಹಾರ ಪ್ರಕ್ರಿಯೆಯಲ್ಲಿ, ರೋಗಕಾರಕಗಳು ತಮ್ಮ ಬಾಯಿಯ ಭಾಗಗಳು, ರೆಕ್ಕೆಗಳು, ಕಾಲುಗಳು ಮತ್ತು ಇತರ ದೇಹದ ಮೇಲ್ಮೈಗಳಿಗೆ ಅಂಟಿಕೊಳ್ಳುತ್ತವೆ. ನೊಣವು ನಿಮ್ಮ ಆಹಾರದ ಮೇಲೆ ಅಥವಾ ನಿಮ್ಮ ಕುಡಿಯುವ ನೀರಿನಲ್ಲಿ ಬಿದ್ದಾಗ ಅದು ಈ ರೋಗ-ಉಂಟುಮಾಡುವ ರೋಗಕಾರಕಗಳನ್ನು ಹೊರಸೂಸುತ್ತವೆ. ಇದನ್ನು ನೀವು ಸೇವಿಸುವುದರಿಂದ ಅನಾರೋಗ್ಯ ಖಚಿತ.

ನೊಣಗಳು ನಿಮ್ಮಆಹಾರವನ್ನು ಹೇಗೆ ಸೇವಿಸುತ್ತವೆ

ನೊಣಗಳು ಆಹಾರದ ಮೇಲೆ ಕುಳಿತಾಗ ನೇರವಾಗಿ ತಿನ್ನಲು ಪ್ರಾರಂಭಿಸುತ್ತವೆ ಎಂದು ಬಹಳಷ್ಟು ಜನರು ಭಾವಿಸುತ್ತಾರೆ. ಆದಾಗ್ಯೂ, ನೊಣಗಳಿಗೆ ಹಲ್ಲುಗಳಿಲ್ಲ, ಆದ್ದರಿಂದ ಅವು ಆಹಾರವನ್ನು. ಆಹಾರವನ್ನು ತಿನ್ನಲು, ನೊಣವು ನಿಮ್ಮ ಆಹಾರದ ಮೇಲೆ ಕೆಲವು ಕಿಣ್ವ-ಭರಿತ ಲಾಲಾರಸವನ್ನು ಉಗುಳುತ್ತದೆ ಅಥವಾ ವಾಂತಿ ಮಾಡುತ್ತದೆ ಎಂದು ಸಿಡ್ನಿ ವಿಶ್ವವಿದ್ಯಾಲಯವು ಅವರ ವೆಬ್‌ಸೈಟ್‌ನಲ್ಲಿ ವಿವರಿಸುತ್ತದೆ.

ಈ ಲಾಲಾರಸವು ಆಹಾರವನ್ನು ಕರಗಿಸುವ ಅಥವಾ ಮೆತ್ತಗಾಗಿಸುವ ಜೀರ್ಣಕಾರಿ ಕಿಣ್ವಗಳನ್ನು ಹೊಂದಿರುತ್ತದೆ. ನೊಣವು ಆಹಾರದಲ್ಲಿ ಭಾಗಶಃ ಕರಗಿದ ಜೀರ್ಣಕಾರಿ ದ್ರವಗಳ ಮಿಶ್ರಣವನ್ನು ಹೀರಿಕೊಳ್ಳುತ್ತದೆ. ಈ ಪ್ರಕ್ರಿಯೆ ನಿಮಿಷಗಳಲ್ಲಿ ನಡೆಯುತ್ತದೆ. ಇದಿಷ್ಟೆ ಅಲ್ಲ ನೊಣ ನಿಮ್ಮ ಆಹಾರದ ಮೇಲೆ ಮಲ ವಿಸರ್ಜನೆ ಮಾಡಬಹುದು. ನೊಣಗಳು ಹಾರಾಡುವಾಗ ಮಲ ವಿಸರ್ಜನೆ ಮಾಡುವುದಿಲ್ಲ. ಹೀಗಾಗಿ ಕುಳಿತಾಗ ಅವು ಮಲ ವಿಸರ್ಜನೆ ಮತ್ತು ಮೊಟ್ಟೆಗಳ ಇಡುತ್ತವೆ.

ಆಹಾರದ ಮೇಲೆ ನೊಣಗಳು ಕೂರದಂತೆ ತಡೆಯುವುದು ಹೇಗೆ?

ನೊಣವು ನಿಮ್ಮ ಆಹಾರದ ಮೇಲೆ ಕುಳುತ ತಕ್ಷಣ ಅದನ್ನು ಓಡಿಸಿ ಆಹಾರ ಸೇವಿಸುವುದು ಉತ್ತಮವಾದರೂ ತೆರೆದಿಟ್ಟ ಆಹಾರ ಅಥವಾ ಹೆಚ್ಚು ಕಾಲ ನೊಣಗಳು ತುಂಬಿಕೊಂಡ ಆಹಾರ ಸೇವಿಸುವುದು ಸೂಕ್ತವಲ್ಲ.

1. ಹೊರಾಂಗಣದಲ್ಲಿ ಅಥವಾ ಬೀದಿ ಬದಿಯ ವ್ಯಾಪಾರಿಗಳಿಂದ ಆಹಾರವನ್ನು ಸೇವಿಸುವುದನ್ನು ತಪ್ಪಿಸಿ, ವಿಶೇಷವಾಗಿ ಸುತ್ತಮುತ್ತ ಗಲೀಜು ತುಂಬಿಕೊಂಡಿದ್ದರೆ ಅಂತಹ ಕಡೆ ಆಹಾರ ಸೇವಿಸಬೇಡಿ.
2. ಮೆಲ್ಬೋರ್ನ್‌ನಲ್ಲಿ ಕೀಟ ನಿಯಂತ್ರಣ ಸೇವೆಯಾದ ಪೆಸ್ಟ್‌ಲೈನ್ ಹಂಚಿಕೊಂಡ ಟ್ರಿಕ್ ಇಲ್ಲಿದೆ. ಅರ್ಧ ನಿಂಬೆ ಒಳಗೆ 6 ಲವಂಗವನ್ನು ಇರಿಸಿ; 3-4 ನಿಂಬೆಹಣ್ಣಿನ ಭಾಗಗಳಿಗೆ ಅದೇ ರೀತಿ ಮಾಡಿ ಮತ್ತು ಅವುಗಳನ್ನು ಅಡುಗೆ ಕೋಣೆಯಲ್ಲಿಡಿ. ಈ ಪದಾರ್ಥಗಳ ಪರಿಮಳವು ನೊಣಗಳನ್ನು ದೂರವಿರಿಸಲು ಸಹಾಯ ಮಾಡುತ್ತದೆ.
3. ಯಾವುದೇ ನೊಣಗಳನ್ನು ಆಕರ್ಷಿಸುವುದನ್ನು ತಡೆಯಲು ನಿಮ್ಮ ಅಡುಗೆಮನೆ ಮತ್ತು ಮನೆಯನ್ನು ನಿಯಮಿತವಾಗಿ ಸ್ವಚ್ಛಗೊಳಿಸುವುದನ್ನು ಖಚಿತಪಡಿಸಿಕೊಳ್ಳಿ.
4. ನೀವು ಹೊರಾಂಗಣ ಭೋಜನವನ್ನು ಯೋಜಿಸುತ್ತಿದ್ದರೆ, ನೊಣಗಳು ಮತ್ತು ಸೊಳ್ಳೆಗಳನ್ನು ಆಕರ್ಷಿಸುವುದನ್ನು ತಡೆಯಲು ದೀಪಗಳನ್ನು ಮಂದಗೊಳಿಸಿ ಅಥವಾ ಹಳದಿ ಬಲ್ಬ್‌ಗಳನ್ನು ಬಳಸಿ.
5. ನಿಮ್ಮ ಆಹಾರದ ಸುತ್ತಲೂ ಬರುವ ನೊಣಗಳನ್ನು ಓಡಿಸಲು ನೀವು ಆಲ್ಕೋಹಾಲ್ ಆಧಾರಿತ ಮೌತ್‌ವಾಶ್ ಅನ್ನು ಸಹ ಬಳಸಬಹುದು. ಈ ಸಲಹೆಯನ್ನು Pestline ಸಹ ಹಂಚಿಕೊಂಡಿದೆ. ಮೌತ್ ವಾಶ್ ಅನ್ನು ಸ್ಪ್ರೇ ಬಾಟಲಿಯಲ್ಲಿ ಹಾಕಿ ಮತ್ತು ಆಹಾರದ ಸುತ್ತ ಟೇಬಲ್