ಮಾನಸಿಕ ಒತ್ತಡ ಅಳೆಯಲು ಬರಲಿದೆ ಅಪ್ಲಿಕೇಶನ್: ಫಲಿತಾಂಶ 30 ಸೆಕೆಂಡ್: ಉದ್ವಿಗ್ನತೆಯ ಮಟ್ಟ ತಿಳಿಯಲು ಅಪ್ಲಿಕೇಶನ್ ಶೋಧಿಸಿದ ಐಐಟಿ ಕಾನ್ಪುರ

                 ನಿಮ್ಮ ಧ್ವನಿಯ ಮೂಲಕ ನೀವು ಅನುಭವಿಸುವ ಒತ್ತಡವನ್ನು ಗುರುತಿಸಲು ಸಹಾಯ ಮಾಡುವ ಅಪ್ಲಿಕೇಶನ್ ನ್ನು ಐಐಟಿ ಕಾನ್ಪುರ ಶೋಧಿಸಿದೆ.

                  ಐಐಟಿ ಸ್ಟಾರ್ಟಪ್ ಮನೋದಯಂ ಮಾನಸಿಕ ಆರೋಗ್ಯ ಮತ್ತು ಕ್ಷೇಮಕ್ಕಾಗಿ  ಅಪ್ಲಿಕೇಶನ್ ಅನ್ನು ಅಭಿವೃದ್ಧಿಪಡಿಸಿದೆ. ಸ್ಟಾರ್ಟಪ್ ಮಾನಸಿಕ ಒತ್ತಡದ ಬಗ್ಗೆ ಜಾಗೃತಿ ಮೂಡಿಸುತ್ತಿದೆ ಮತ್ತು ಅದನ್ನು ತಪ್ಪಿಸಲು ಪರಿಹಾರಗಳನ್ನು ನೀಡುತ್ತಿದೆ.

                  ಅಪ್ಲಿಕೇಶನ್ ನಿಮಗೆ ಕೆಲವು ಪ್ರಶ್ನೆಗಳನ್ನು ಕೇಳುತ್ತದೆ ಮತ್ತು ನೀವು ನೀಡುವ ಉತ್ತರಗಳ ಮೂಲಕ ನಿಮ್ಮ ಮಾನಸಿಕ ಒತ್ತಡವನ್ನು ಅಳೆಯುತ್ತದೆ. ನಿಮ್ಮ ಧ್ವನಿ, ಪದಗಳ ನಡುವಿನ ಅಂತರ ಮತ್ತು ಮಾತಿನ ವೇಗದ ಮೂಲಕ ಇದನ್ನು ಮಾಡಲಾಗುತ್ತದೆ. ಫಲಿತಾಂಶಗಳು ಕೇವಲ 30 ಸೆಕೆಂಡುಗಳಲ್ಲಿ ಗೋಚರಿಸುತ್ತವೆ. ಅಪ್ಲಿಕೇಶನ್ ನೀಡುವ ಸ್ಕೋರ್ 1 ಮತ್ತು 5 ರ ನಡುವೆ ಇದ್ದರೆ, ನಿಮ್ಮ ಮನಸ್ಥಿತಿ ಸಾಮಾನ್ಯವಾಗಿದೆ. 6 ರಿಂದ 9 ಸೌಮ್ಯ ಮತ್ತು 1 ರಿಂದ 19 ನೀವು ಒತ್ತಡದ ಕಡೆಗೆ ಚಲಿಸುತ್ತಿರುವ ಸಂಕೇತವಾಗಿದೆ. 20 ರಿಂದ 27 ರವರೆಗೆ, ನಿಮ್ಮ ಒತ್ತಡವು ತೀವ್ರವಾಗಿರುತ್ತದೆ ಎಂಬುದು ವಿಶ್ಲೇಷಣೆ. ಒಂದು ತಿಂಗಳೊಳಗೆ ಆ್ಯಪ್ ಮಾರುಕಟ್ಟೆಗೆ ಬರಲಿದೆ ಎಂದು ಸ್ಟಾರ್ಟಪ್ ಸಿಇಒ ಸಂಜಯ್ ಧರ್ ಹೇಳಿದ್ದಾರೆ.

              ಇತ್ತೀಚಿನ ದಿನಗಳಲ್ಲಿ ಒತ್ತಡಕ್ಕೆ ಸಂಬಂಧಿಸಿದ ಹಠಾತ್ ಸಾವುಗಳು ಹೆಚ್ಚುತ್ತಿವೆ. ಈ ತಂತ್ರಜ್ಞಾನವನ್ನು ಬಳಸಿಕೊಂಡು ಇಂತಹ ಘಟನೆಗಳನ್ನು ನಿಯಂತ್ರಿಸಲು ಪ್ರಯತ್ನಿಸಲಾಗುತ್ತಿದೆ. ನಿಮ್ಮ ಮೊಬೈಲ್‍ನಲ್ಲಿ ಅಪ್ಲಿಕೇಶನ್ ಅನ್ನು ಡೌನ್‍ಲೋಡ್ ಮಾಡುವ ಮೂಲಕ ನಿಮ್ಮ ಮಾನಸಿಕ ಸ್ಥಿತಿಯನ್ನು ನೀವು ಟ್ರ್ಯಾಕ್ ಮಾಡಬಹುದು. ಈ ಆ್ಯಪ್ ಪರಿಹಾರವನ್ನೂ ಸೂಚಿಸಲಿದೆ ಎಂದು ಸಂಜಯ್ ಸ್ಪಷ್ಟಪಡಿಸಿದ್ದಾರೆ.