ಕೊಚ್ಚಿ: ಲೋಕಸಭೆ ಚುನಾವಣೆಯಲ್ಲಿ ಯಾವುದೇ ನಿರ್ದಿಷ್ಟ ಅಭ್ಯರ್ಥಿಯ ಪರವಾಗಿ ಮತ ಚಲಾಯಿಸಲು ಮತದಾರರಿಗೆ ಹಣ, ಗ್ರಾಚ್ಯುಟಿ, ಮದ್ಯ ಅಥವಾ ಇತರ ವಸ್ತುಗಳನ್ನು ವಿತರಿಸುವುದು ಭಾರತೀಯ ದಂಡ ಸಂಹಿತೆ, 1951 ರ ಪ್ರಜಾಪ್ರತಿನಿಧಿ ಕಾಯ್ದೆಯ ಸೆಕ್ಷನ್ 123 ರ ಅಡಿಯಲ್ಲಿ ಶಿಕ್ಷಾರ್ಹ ಅಪರಾಧವಾಗಿದೆ.
ಮತದಾನ ಮುಗಿಯುವವರೆಗೆ ವಾಹನಗಳಲ್ಲಿ ಸಾಗಿಸುವ ನಗದು, ಮದ್ಯ, ಶಸ್ತ್ರಾಸ್ತ್ರಗಳು, ಆಭರಣಗಳು ಮತ್ತು ಉಡುಗೊರೆಗಳಂತಹ ವಸ್ತುಗಳನ್ನು ಕಟ್ಟುನಿಟ್ಟಾಗಿ ಪರಿಶೀಲಿಸಲಾಗುತ್ತದೆ.
ಇದಕ್ಕಾಗಿ ಎಲ್ಲಾ ಜಿಲ್ಲೆಗಳಲ್ಲಿ ಫ್ಲೈಯಿಂಗ್ ಸ್ಕ್ವಾಡ್ ಹಾಗೂ ಸ್ಟ್ಯಾಟಿಕ್ ಸರ್ವೆಲೆನ್ಸ್ ತಂಡಗಳನ್ನು ನಿಯೋಜಿಸಲಾಗಿದೆ. ವಿಸ್ತರಣಾ ಮಾನಿಟರಿಂಗ್ ವಿಂಗ್ ನೋಡಲ್ ಅಧಿಕಾರಿ, ಹಣಕಾಸು ಅಧಿಕಾರಿ ಈ ಬಗ್ಗೆ ಮಾಹಿತಿನೀಡಿ, ಎಲ್ಲಾ ಪ್ರಯಾಣಿಕರು ನಗದು, ಬಟ್ಟೆ, ಆಭರಣ ಮತ್ತು ಇತರ ವಸ್ತುಗಳ ಬಗ್ಗೆ ಸಾಕಷ್ಟು ದಾಖಲೆಗಳನ್ನು ಕೈಯಲ್ಲಿರಿಸಿಕೊಂಡಿರಬೇಕು. ಮತ್ತು ಸಾರ್ವಜನಿಕರು ತಪಾಸಣೆಗೆ ಜಿಲ್ಲಾಡಳಿತದೊಂದಿಗೆ ಸಹಕರಿಸಬೇಕು ಎಂದಿರುವರು.
ಮದುವೆ-ಮುಂಜಿಗಳೆಂದು ಚೀಲಗಟ್ಟಲೆ ಖರೀದಿಸಿ ಒಯ್ಯುವಾಗ ಜಾಗರೂಕರಾಗಿರಿ. ಪರ್ಚೇಸ್ ಮಾಡಿದ ದಾಖಲೆ ಪತ್ರಗಳು(ಬಿಲ್ ಇತ್ಯಾದಿ), ವಿವಾಹವಾಗಿದ್ದರೆ ವಿವಾಹ ಕರೆಯೋಲೆ ಇತ್ಯಾದಿಗಳು ಕೈಯಯಲ್ಲಿರಲಿ.ಇಲ್ಲದಿದ್ದರೆ ಸಿಲುಕಿಕೊಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ.
DOCTYPE html>
