ವಯನಾಡ್ ದುರಂತ: ಸರ್ಕಾರಿ ನೌಕರರ ಸಂಬಳದಿಂದ ಐದು ದಿನಗಳ ಮೊತ್ತ ಪಾವತಿಗೆ ಆದೇಶ

              ತಿರುವನಂತಪುರಂ: ವಯನಾಡು ದುರಂತದ ಹಿನ್ನೆಲೆಯಲ್ಲಿ ಸರ್ಕಾರಿ ನೌಕರರ ವೇತನದ ಕನಿಷ್ಠ ಐದು ದಿನಗಳ ಮೊತ್ತವನ್ನು ಮುಖ್ಯಮಂತ್ರಿ ಪರಿಹಾರ ನಿಧಿಗೆ ನೀಡಬೇಕು ಎಂದು ಸರ್ಕಾರ ಆದೇಶ ಹೊರಡಿಸಿದೆ. ಈ ವರ್ಷದ ಆಗಸ್ಟ್ ತಿಂಗಳ ಒಟ್ಟು ವೇತನದ ಆಧಾರದಲ್ಲಿ ಐದು ದಿನಗಳ ಮೊತ್ತ ನೀಡಲು ನಿರ್ದೇಶಿಸಲಾಗಿದೆ. 

              ಒಪ್ಪಿಗೆಯನ್ನು ಡಿಡಿಒಗಳು ಸ್ವೀಕರಿಸುತ್ತಾರೆ. ಐದು ದಿನಗಳ ವೇತನ ಪಾವತಿಸುವವರಿಗೆ ಮೂರು ಕಂತುಗಳಲ್ಲಿ ಪಾವತಿಸಬಹುದು. ಐದು ದಿನಕ್ಕಿಂತ ಹೆಚ್ಚು ದಿನಗಳ ವೇತನ ನೀಡಲು ಆಸಕ್ತಿಯುಳ್ಳವರು ತಿಂಗಳಿಗೆ ಎರಡು ದಿನಗಳ ವೇತನವನ್ನು 10 ಕಂತುಗಳಲ್ಲಿ ನೀಡಬಹುದು. ಕೊಡುಗೆ ಮೊತ್ತವನ್ನು ಸೆಪ್ಟೆಂಬರ್‍ನಲ್ಲಿ ವಿತರಿಸಲಾಗುವ ಆಗಸ್ಟ್ ವೇತನದಿಂದ ಕಡಿತಗೊಳಿಸಲಾಗುತ್ತದೆ.

             ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ವಯನಾಡಿನ ಪುನರ್ವಸತಿಗಾಗಿ ಸರ್ಕಾರಿ ನೌಕರರು ದೇಣಿಗೆ ನೀಡುವಂತೆ ಈ ಹಿಂದೆ ಮನವಿ ಮಾಡಿದ್ದರು, ಇದುವರೆಗೆ 174.18 ಕೋಟಿ ರೂಪಾಯಿಗಳನ್ನು ಮುಖ್ಯಮಂತ್ರಿಗಳ ಪರಿಹಾರ ನಿಧಿಗೆ ನೀಡಲಾಗಿದೆ.