ಅಫ್ಗಾನ್‌ ಮಹಿಳೆಯರು ಜೋರಾಗಿ ಪ್ರಾರ್ಥನೆ ಮಾಡುವಂತಿಲ್ಲ: ತಾಲಿಬಾನ್‌ ಸಚಿವ

 ಇಸ್ಲಾಮಾಬಾದ್‌: ಅಫ್ಗಾನಿಸ್ತಾನ ಮಹಿಳೆಯರು ಜೋರಾಗಿ ಪ್ರಾರ್ಥನೆ ಮಾಡುವುದು ಮತ್ತು ಇತರ ಮಹಿಳೆಯರ ಮುಂದೆ ಕುರಾನ್‌ ಪಠಣ ಮಾಡುವುದನ್ನು ನಿರ್ಬಂಧಿಸಲಾಗಿದೆ ಎಂದು ತಾಲಿಬಾನ್‌ನ ಸಚಿವರೊಬ್ಬರು ಹೇಳಿದ್ದಾರೆ.

ಪೂರ್ವ ಲೋಗರ್‌ ಪ್ರಾಂತ್ಯದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಸಚಿವ ಖಾಲಿದ್‌ ಹನಾಫಿ ಅವರು, 'ವಯಸ್ಕ ಮಹಿಳೆಯು ಕುರಾನ್‌ ಪಠಿಸುವುದನ್ನು ನಿರ್ಬಂಧಿಸಲಾಗಿದೆ' ಎಂದು ಹೇಳಿದ್ದಾರೆ.

'ಅಲ್ಲಾಹು ಅಕ್ಬರ್‌', 'ಸುಭಾನುಲ್ಲಾಹ್‌' ಎಂದು ಹೇಳುವುದು ಕೂಡಾ ಅಪರಾಧ ಎಂದು ಸಚಿವ ಖಾಲಿದ್‌ ತಿಳಿಸಿದ್ದಾರೆ.

ಸಚಿವರ ಭಾಷಣದ ತುಣುಕುಗಳನ್ನು ಸಚಿವಾಲಯದ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಪೋಸ್ಟ್‌ ಮಾಡಲಾಗಿತ್ತು. ಬಳಿಕ ಅಳಿಸಿ ಹಾಕಲಾಗಿದೆ.