ಸಂಭಾಲಾ ಹಿಂಸಾಚಾರ: ಉತ್ಖನನದ ವದಂತಿಯಿಂದ ಹಿಂಸಾಚಾರ, ಎಸ್ ಡಿಎಂ, ಸಿಒ ಇದಕ್ಕೆ ಹೊಣೆ- ಮಸೀದಿ ನಿರ್ವಹಣೆ ಸಮಿತಿ

ಸಂಭಾಲಾ: ಸಂಭಾಲ್‌ನಲ್ಲಿ ಉಂಟಾಗಿರುವ ಹಿಂಸಾಚಾರದ ಬಗ್ಗೆ ಜಾಮಾ ಮಸೀದಿಯ ಆಡಳಿತ ಸಮಿತಿ ಪ್ರತಿಕ್ರಿಯೆ ನೀಡಿದ್ದು, ಹಿಂಸಾಚಾರಕ್ಕೆ ಸ್ಥಳೀಯ ಅಧಿಕಾರಿಗಳು ಮತ್ತು ಪೊಲೀಸರೇ ಕಾರಣ ಎಂದು ದೂಷಿಸಿದೆ.

ಹಿಂಸಾಚಾರದಲ್ಲಿ ಈವರೆಗೂ ನಾಲ್ವರು ಮೃತಪಟ್ಟಿದ್ದಾರೆ. ಶಾಹಿ ಜಾಮಾ ಮಸೀದಿ ಆಡಳಿತ ಸಮಿತಿ ಅಧ್ಯಕ್ಷ ಜಾಫರ್ ಅಲಿ ಪತ್ರಿಕಾಗೋಷ್ಠಿಯಲ್ಲಿ ಈ ಆರೋಪ ಮಾಡಿದ್ದು, ಸಭೆ ಮುಗಿಯುತ್ತಿದ್ದಂತೆಯೇ ಪೊಲೀಸರು ಅವರನ್ನು ವಶಕ್ಕೆ ಪಡೆದಿದ್ದಾರೆ.

"ಮಸೀದಿಯ ಇತ್ತೀಚಿನ ಸಮೀಕ್ಷೆಯನ್ನು ನ್ಯಾಯಾಲಯದ ಆದೇಶದ ಅಡಿಯಲ್ಲಿ ನಡೆಸಲಾಗಿಲ್ಲ ಆದರೆ ಜಿಲ್ಲಾ ಮ್ಯಾಜಿಸ್ಟ್ರೇಟ್ ನಿರ್ದೇಶನದ ಮೇರೆಗೆ ನಡೆಸಲಾಗಿದೆ. ಈ ಸಮೀಕ್ಷೆಯನ್ನು ಕಾನೂನುಬಾಹಿರವಾಗಿ ನಡೆಸಲಾಗಿದೆ" ಎಂದು ಅಲಿ ಪತ್ರಿಕಾಗೋಷ್ಠಿಯಲ್ಲಿ ಆರೋಪಿಸಿದರು.

"ಈ ಘಟನೆಯಲ್ಲಿ ಸಂಭಾಲ್‌ನ ಉಪವಿಭಾಗೀಯ ಮ್ಯಾಜಿಸ್ಟ್ರೇಟ್ ವಂದನಾ ಮಿಶ್ರಾ ಮತ್ತು ಸರ್ಕಲ್ ಆಫೀಸರ್ ಅನುಜ್ ಕುಮಾರ್ ತಪ್ಪಿತಸ್ಥ ಅಧಿಕಾರಿಗಳಾಗಿದ್ದಾರೆ" ಎಂದು ಅವರು ಹೇಳಿದರು.

ಜಿಲ್ಲಾ ಮ್ಯಾಜಿಸ್ಟ್ರೇಟ್ ಮತ್ತು ಪೊಲೀಸ್ ಅಧೀಕ್ಷಕರು ಕೋಲಿನಿಂದ ಆಳವನ್ನು ಅಳೆಯಲು ಸೂಚಿಸಿದ್ದರೂ ಸಹ, ಶುಚಿಗೊಳಿಸುವ ತೊಟ್ಟಿಯಿಂದ (ವಾಜುಖಾನಾ) ನೀರನ್ನು ಹರಿಸುವಂತೆ ಎಸ್‌ಡಿಎಂ ಒತ್ತಾಯಿಸಿದರು ಎಂದು ಅಲಿ ಆರೋಪಿಸಿದರು.

"ನೀರನ್ನು ಹರಿಸುವುದರಿಂದ ಹೊರಗೆ ಜಮಾಯಿಸಿದವರಲ್ಲಿ ಗೊಂದಲ ಉಂಟಾಯಿತು, ಅವರು ಉತ್ಖನನ ನಡೆಯುತ್ತಿದೆ ಎಂದು ನಂಬಿದರು ಇದು ಗುಂಪನ್ನು ಕೆರಳಿಸಿತು" ಎಂದು ಅಲಿ ಹೇಳಿದ್ದಾರೆ.