ಇನ್ನು ರಾಜ್ಯದಲ್ಲಿ ಡ್ರೈವಿಂಗ್ ಲೈಸೆನ್ಸ್‍ನ ಪ್ರಿಂಟ್ ಪ್ರತಿ ಒಯ್ಯುಬೇಕೆಂದಿಲ್ಲ: ಡಿಜಿಟಲ್ ಆವೃತ್ತಿ ಸಾಕು

ತಿರುವನಂತಪುರಂ: ರಾಜ್ಯದಲ್ಲಿ ಪ್ರಯಾಣಿಸುವಾಗ ಇನ್ನು ಮುಂದೆ ನಮ್ಮ ಡ್ರೈವಿಂಗ್ ಲೈಸೆನ್ಸ್‍ನ ಪ್ರಿಂಟ್ ಪ್ರತಿಯನ್ನು ಕೊಂಡೊಯ್ಯುವ ಅಗತ್ಯವಿಲ್ಲ ಎಂದು ಸರ್ಕಾರ ಆದೇಶ ಹೊರಡಿಸಿದೆ.

ಇನ್ನು ಮುಂದೆ ಪೋಲೀಸ್ ಹಾಗೂ ಮೋಟಾರು ವಾಹನ ಇಲಾಖೆ ಅಧಿಕಾರಿಗಳು ನಡೆಸುವ ತಪಾಸಣೆ ವೇಳೆ ಮೊಬೈಲ್ ಡಿಜಿಟಲ್ ಆವೃತ್ತಿಯ ಪರವಾನಗಿಯನ್ನು ತೋರಿಸಿದರೆ ಸಾಕು. ಸಾರಿಗೆ ಆಯುಕ್ತರು ನೀಡಿದ ಪತ್ರದ ಆಧಾರದ ಮೇಲೆ ಪರವಾನಗಿಯನ್ನು ಡಿಜಿಟಲೀಕರಣಗೊಳಿಸಲಾಗಿದೆ. ಪ್ರಸ್ತುತ, ಪಿವಿಸಿ ಕಾರ್ಡ್‍ನಲ್ಲಿ ಚಾಲನಾ ಪರವಾನಗಿ ಮತ್ತು ನೋಂದಣಿ ಪ್ರಮಾಣಪತ್ರವನ್ನು ನೀಡಲಾಗುತ್ತಿದೆ.

ಅರ್ಜಿದಾರರು ಎನ್.ಐ.ಸಿ. ಸಾರಥಿಯನ್ನು ಪ್ರವೇಶಿಸಿ ಎಲ್ಲಿ ಬೇಕಿದ್ದರೂ ಡಿಜಿಟಲ್ ಡ್ರೈವಿಂಗ್ ಲೈಸೆನ್ಸ್‍ನ ಪ್ರಿಂಟ್‍ಔಟ್ ತೆಗೆದುಕೊಳ್ಳಬಹುದು. ಡಿಜಿಲಾಕರ್‍ನಲ್ಲಿ ಸಂಗ್ರಹವಾಗಿರುವ ಡಿಜಿಟಲ್ ಡ್ರೈವಿಂಗ್ ಲೈಸೆನ್ಸ್ ಪ್ರತಿ ಸಾಕು. ಆದೇಶದಲ್ಲಿ ಡಿಜಿಟಲ್ ಡ್ರೈವಿಂಗ್ ಲೈಸೆನ್ಸ್‍ಗೆ ಶುಲ್ಕ ರಚನೆಯನ್ನು ಸಹ ಹೊಂದಿದೆ. ಹೊಸ ಕಲಿಕಾ ಪರವಾನಗಿಗೆ 150 ರೂ., ಹೊಸ ಚಾಲನಾ ಪರವಾನಗಿ ನೀಡಲು 200 ರೂ., ಚಾಲನಾ ಪರೀಕ್ಷೆಗೆ 300 ರೂ. ಮತ್ತು ಕಲಿಕಾ ಪರೀಕ್ಷೆಗೆ 50 ರೂ.ನೀಡಬೇಕಾಗುತ್ತದೆ.