ಪಿ.ಪಿ.ದಿವ್ಯಾಗೆ ಜಾಮೀನು ಲಭಿಸುವ ನಿರೀಕ್ಷೆ ಇದ್ದಿರಲಿಲ್ಲ: ನವೀನ್ ಬಾಬು ಪತ್ನಿ ಮಂಜುಷಾ

ಕಣ್ಣೂರು: ಪಿಪಿ ದಿವ್ಯಾ ಅವರಿಗೆ ಜಾಮೀನು ಲಭಿಸುತ್ತದೆ ಎಂದು ಭಾವಿಸಿರಲಿಲ್ಲ ಎಂದು ಆತ್ಮಹತ್ಯೆ ಮಾಡಿಕೊಂಡ ಎಡಿಎಂ ನವೀನ್ ಕುಮಾರ್ ಪತ್ನಿ ಮಂಜುಷಾ ಹೇಳಿದ್ದಾರೆ. ಮಾಧ್ಯಮಗಳೊಂದಿಗೆ ಮಾತನಾಡಿದ ಮಂಜುಷಾ ಪ್ರತಿಕ್ರಿಯೆ ನೀಡಿರುವರು.

ಜಾಮೀನು ನೀಡುವ ಪ್ರಕ್ರಿಯೆಯನ್ನು ಖಂಡಿಸಿದ ಮಂಜುಷಾ, ಪ್ರತಿಕ್ರಿಯಿಸಲು ಮಿತಿಗಳಿವೆ ಎಂದು ಹೇಳಿದರು. ದಿವ್ಯಾಗೆ ನ್ಯಾಯಾಲಯ ಜಾಮೀನು ನೀಡಿದರೆ ಹೈಕೋರ್ಟ್ ಮೊರೆ ಹೋಗುವುದಾಗಿ ನವೀನ್ ಬಾಬು ಕುಟುಂಬ ಈ ಹಿಂದೆ ಹೇಳಿಕೆ ನೀಡಿತ್ತು.

ಇದೇ ವೇಳೆ, ದಿವ್ಯಾ ಅವರ ಜಾಮೀನು ಅರ್ಜಿಯನ್ನು ತಲಶ್ಶೇರಿ ಸೆಷನ್ಸ್ ನ್ಯಾಯಾಲಯವು ಅಂಗೀಕರಿಸಿತು. ಜಾಮೀನು ಕಠಿಣ ಷರತ್ತುಗಳಿಗೆ ಒಳಪಟ್ಟಿರುತ್ತದೆ. ಹನ್ನೊಂದು ದಿನಗಳ ಜೈಲು ವಾಸದ ಬಳಿಕ ದಿವ್ಯಾ ಇಂದು ಬಿಡುಗಡೆಯಾಗುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ.

ಇದೇ ವೇಳೆ ಪಿ.ಪಿ.ದಿವ್ಯಾ ವಿರುದ್ಧ ಪಕ್ಷ ಶಿಸ್ತು ಕ್ರಮ ಕೈಗೊಂಡಿತ್ತು. ದಿವ್ಯಾ ಅವರನ್ನು ಪಕ್ಷದ ಸದಸ್ಯೆಯಾಗಿ ಮಾತ್ರ ಕೆಳಗಿಳಿಸಲು ನಿರ್ಧರಿಸಲಾಗಿದೆ. ಈ ಬಗ್ಗೆ ಕ್ರಮ ಕೈಗೊಳ್ಳುವಂತೆ ಸಿಪಿಎಂ ಕಣ್ಣೂರು ಜಿಲ್ಲಾ ಸಮಿತಿಗೆ ರಾಜ್ಯ ನಾಯಕತ್ವ ಸೂಚಿಸಿದೆ.