ಮೆಮೊರಿ ಕಾರ್ಡ್ ತೆರೆದು ಪರಿಶೀಲಿಸಿದರೂ ತಪ್ಪಿತಸ್ಥರ ವಿರುದ್ಧ ಕ್ರಮಗಳಿಲ್ಲ- ರಾಷ್ಟ್ರಪತಿಗಳಿಗೆ ಪತ್ರ ಕಳುಹಿಸಿದ ಸಂತ್ರಸ್ಥೆ

ಕೊಚ್ಚಿ: ನಟಿ ಮೇಲಿನ ಹಲ್ಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಂತ್ರಸ್ಥೆ ರಾಷ್ಟ್ರಪತಿಗೆ ಪತ್ರ ಬರೆದಿದ್ದಾರೆ. ಅಕ್ರಮವಾಗಿ ಮೆಮೊರಿ ಕಾರ್ಡ್ ತೆರೆದು ಪರಿಶೀಲಿಸಿರುವುದು ಸ್ಪಷ್ಟವಾಗಿದ್ದರೂ ಅದಕ್ಕೆ ಕಾರಣರಾದವರ ವಿರುದ್ಧ ಕ್ರಮ ಕೈಗೊಂಡಿಲ್ಲ ಎಂದು ದೂರಲ್ಲಿ ಉಲ್ಲೇಖಿಸಲಾಗಿದೆ.

ಹೈಕೋರ್ಟ್ ಮತ್ತು ಸುಪ್ರೀಂ ಕೋರ್ಟ್ ಯಾವುದೇ ಕ್ರಮ ಕೈಗೊಳ್ಳದ ಪರಿಸ್ಥಿತಿಯಲ್ಲಿ ಪತ್ರ ಬರೆಯಲಾಗುತ್ತಿದೆ ಎಂದು ಸಂತ್ರಸ್ಥೆ ಗಮನಸೆಳೆದಿದ್ದಾರೆ.

ನಟಿ ಮೇಲಿನ ಹಲ್ಲೆ ಪ್ರಕರಣದ ವಿಚಾರಣೆ ಅಂತಿಮ ಹಂತಕ್ಕೆ ಬರುತ್ತಿರುವಾಗಲೇ ಸಂತ್ರಸ್ಥೆ ಈ ಕ್ರಮಕ್ಕೆ ಮುಂದಾಗಿದ್ದಾರೆ.  ಮೆಮೊರಿ ಕಾರ್ಡ್‍ನಲ್ಲಿ ತಡೆಹಿಡಿದು ಹಲ್ಲೆ ಮಾಡಿರುವ ದೃಶ್ಯಗಳಿವೆ. ನಿಯಮಾನುಸಾರ ತೆರೆದು ಪರಿಶೀಲಿಸಿರುವುದು ಈಗಾಗಲೇ ತನಿಖೆಯಲ್ಲಿ ಸ್ಪಷ್ಟ್ಟವಾಗಿದೆ. ಮೂರು ನ್ಯಾಯಾಲಯಗಳ ಕಸ್ಟಡಿಯಲ್ಲಿದ್ದಾಗ ಮೆಮೊರಿ ಕಾರ್ಡ್ ತೆರೆದು ಪರಿಶೀಲಿಸಲಾಗಿದೆ. ಇದಕ್ಕೆ ಕಾರಣರಾದವರ ವಿರುದ್ಧ ಯಾವುದೇ ಕ್ರಮ ಕೈಗೊಂಡಿಲ್ಲ.

ಮೆಮೊರಿ ಕಾರ್ಡ್ ತೆರೆಯುವುದು ಮತ್ತು ಪರಿಶೀಲಿಸುವುದನ್ನು ವಿರೋಧಿಸಿ ಹೈಕೋರ್ಟ್ ಮತ್ತು ಸುಪ್ರೀಂ ಕೋರ್ಟ್‍ಗೆ ದೂರು ನೀಡಿದರೂ ಯಾವುದೇ ಕ್ರಮ ಕೈಗೊಂಡಿಲ್ಲ. ಈ ನಿಟ್ಟಿನಲ್ಲಿ ನ್ಯಾಯಾಂಗದ ಆಡಳಿತ ಮಟ್ಟದಲ್ಲಿ ಕ್ರಮ ಕೈಗೊಳ್ಳಬೇಕು. ಆಗದಿದ್ದಲ್ಲಿ ರಾಷ್ಟ್ರಪತಿಗಳಿಗೆ ಪತ್ರ ನೀಡಲಾಗುತ್ತದೆ ಎಂದು ಸಂತ್ರಸ್ಥೆ ತಿಳಿಸಿದರು. ಮೆಮೊರಿ ಕಾರ್ಡ್‍ನಲ್ಲಿರುವ ದೃಶ್ಯಾವಳಿಗಳು ಹೊರಬಂದರೆ, ಅದು ತನ್ನ ಜೀವನದ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರುತ್ತದೆ. ಆದ್ದರಿಂದ ರಾಷ್ಟ್ರಪತಿಗಳು ಮಧ್ಯ ಪ್ರವೇಶಿಸಿ ತನಿಖೆ ನಡೆಸಿ ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಸಂತ್ರಸ್ಥೆ ಆಗ್ರಹಿಸಿದ್ದಾರೆ.