ಪತ್ತನಂತಿಟ್ಟ: ಮಕರ ಬೆಳಕು ಉತ್ಸವಕ್ಕೆ ಕೇವಲ ಎರಡು ದಿನಗಳು ಬಾಕಿ ಇರುವಾಗ, ಶಬರಿಮಲೆಯಲ್ಲಿ ಭಕ್ತರ ದಂಡು ಜಮಾಯಿಸಿರುವುದು ಕಂಡುಬಂದಿದೆ. ನಿನ್ನೆ ಒಂದೇ ದಿನ 72,677 ಭಕ್ತರು ದರ್ಶನ ಪಡೆದರು.
ಸ್ಪಾಟ್ ಬುಕಿಂಗ್ ಮೂಲಕ 22,466 ಜನರು ಭೇಟಿ ನೀಡಿದ್ದಾರೆ ಮತ್ತು ಕಾಲ್ನಡೆ ಹಾದಿಯ ಮೂಲಕ 1,752 ಜನರು ಭೇಟಿ ನೀಡಿದ್ದಾರೆ. ಇಂದು ಬೆಳಗ್ಗಿನಿಂದಲೇ ಭಕ್ತರ ದಂಡು ಮುಂದುವರಿದಿದೆ.
ಮಕರ ಬೆಳಕಿಗೂ ಮುನ್ನ ನಿರ್ಬಂಧಗಳು ಬಿಗಿಯಾಗುತ್ತಿವೆ. ಶಬರಿಮಲೆಯ ವಿವಿಧ ಸ್ಥಳಗಳಲ್ಲಿ 5,000 ಪೋಲೀಸ್ ಅಧಿಕಾರಿಗಳನ್ನು ನಿಯೋಜಿಸಲಾಗಿದೆ. ಮಕರ ಜ್ಯೋತಿಯನ್ನು ನೋಡಲು ಭಕ್ತರು ಹತ್ತುವ ಎತ್ತರದ ಸ್ಥಳಗಳಲ್ಲಿ ಹೆಚ್ಚಿನ ಭದ್ರತೆಯನ್ನು ಖಚಿತಪಡಿಸಿಕೊಳ್ಳಲಾಗುವುದು. ಮಕರ ಬೆಳಕು ಅಂಗವಾಗಿ ಎಲ್ಲಾ ಭದ್ರತಾ ವ್ಯವಸ್ಥೆಗಳನ್ನು ಪೂರ್ಣಗೊಳಿಸಲಾಗಿದೆ ಎಂದು ರಾಜ್ಯ ಪೋಲೀಸ್ ಮುಖ್ಯಸ್ಥ ಶೇಖ್ ದರ್ವೇಶ್ ಸಾಹಿಬ್ ತಿಳಿಸಿದ್ದಾರೆ.
ಇಂದಿನಿಂದ ವರ್ಚುವಲ್ ಕ್ಯೂ ಬುಕಿಂಗ್ ಅನ್ನು 50,000 ಕ್ಕೆ ಇಳಿಸಲಾಗಿದೆ. 14ನೇ ತಾರೀಖಿನಂದು, ಮಕರ ಬೆಳಕಿನ ದಿನದಂದು ಕೇವಲ 40,000 ಜನರು ಮಾತ್ರ ಆನ್ಲೈನ್ನಲ್ಲಿ ಬುಕ್ ಮಾಡಲು ಸಾಧ್ಯವಾಗುತ್ತದೆ. ದೇವಸ್ವಂ ಮಂಡಳಿಯ ನೇತೃತ್ವದಲ್ಲಿ ಇಂದು ಸಂಜೆ ಪಂಪಾ ಸಂಗಮ ನಡೆಯಲಿದೆ. ದೇವಸ್ವಂ ಸಚಿವ ವಿ.ಎನ್. ವಾಸವನ್ ಸಭೆಯನ್ನು ಉದ್ಘಾಟಿಸಲಿದ್ದಾರೆ. ಈ ಕಾರ್ಯಕ್ರಮದಲ್ಲಿ ನಟ ಜಯರಾಮ್ ಮುಖ್ಯ ಅತಿಥಿಯಾಗಿ ಭಾಗವಹಿಸಲಿದ್ದಾರೆ.
ಜ.14 ರಂದು ಅಯ್ಯಪ್ಪ ವಿಗ್ರಹದ ಮೇಲೆ ಪ್ರತಿμÁ್ಠಪಿಸಲಾಗುವ ತಿರುವಾಭರಣವನ್ನು ಹೊತ್ತ ಮೆರವಣಿಗೆ ಇಂದು ಪಂದಳದಿಂದ ಹೊರಟಿದೆ. ತಿರುವಾಭರಣಂ ಮೆರವಣಿಗೆಗೆ ವಲಿಯಕೋಯಿಕಲ್ ದೇವಸ್ಥಾನದಲ್ಲಿ ಸಿದ್ಧತೆಗಳು ಪೂರ್ಣಗೊಂಡಿವೆ ಎಂದು ದೇವಸ್ವಂ ಮಂಡಳಿ ಪ್ರಕಟಿಸಿದೆ.
DOCTYPE html>
