ಮಾತುಕತೆಗೆ ಒಪ್ಪಿದರೆ ಚಿಕಿತ್ಸೆಗೆ ಡಲ್ಲೇವಾಲ್ ಸಿದ್ಧ: 'ಸುಪ್ರೀಂ'ಗೆ ಪಂಜಾಬ್‌

ನವದೆಹಲಿ: ಮಾತುಕತೆಗೆ ತಾವು ಇರಿಸಿರುವ ಪ್ರಸ್ತಾವವನ್ನು ಕೇಂದ್ರ ಸರ್ಕಾರ ಒಪ್ಪಿಕೊಂಡರೆ, ವೈದ್ಯಕೀಯ ನೆರವು ಪಡೆಯಲು ರೈತ ಮುಖಂಡ ಜಗಜೀತ್ ಸಿಂಗ್ ಡಲ್ಲೇವಾಲ್ ಒಪ್ಪಿದ್ದಾರೆ ಎಂದು ಪಂಜಾಬ್ ಸರ್ಕಾರವು ಸುಪ್ರೀಂ ಕೋರ್ಟ್‌ಗೆ ಮಂಗಳವಾರ ತಿಳಿಸಿದೆ.

ಡಲ್ಲೇವಾಲ್ ಅವರು ಒಂದು ತಿಂಗಳಿಗೂ ಹೆಚ್ಚಿನ ಅವಧಿಯಿಂದ ಉಪವಾಸ ಸತ್ಯಾಗ್ರಹ ನಡೆಸುತ್ತಿದ್ದಾರೆ.

ಪಂಜಾಬ್ ಸರ್ಕಾರ ನೀಡಿದ ಈ ಮಾಹಿತಿಯನ್ನು ದಾಖಲಿಸಿಕೊಂಡ ವಿಭಾಗೀಯ ಕೋರ್ಟ್‌, ವಿಚಾರಣೆಯನ್ನು ಜನವರಿ 2ಕ್ಕೆ ಮುಂದೂಡಿದೆ.

ಡಲ್ಲೇವಾಲ್ ಅವರನ್ನು ಆಸ್ಪತ್ರೆಗೆ ದಾಖಲಿಸದೆ ಇದ್ದುದಕ್ಕಾಗಿ ಪಂಜಾಬ್ ಸರ್ಕಾರವನ್ನು ಕೋರ್ಟ್‌ ಡಿಸೆಂಬರ್ 28ರಂದು ತರಾಟೆಗೆ ತೆಗೆದುಕೊಂಡಿತ್ತು.