ದಂಪತಿಗಳ ನಡುವಿನ ಸಮಸ್ಯೆಗಳು ಮಕ್ಕಳಲ್ಲಿ ಮಾನಸಿಕ ಒತ್ತಡ ಉಂಟುಮಾಡುತ್ತವೆ- ಮಹಿಳಾ ಆಯೋಗದ ಅಧ್ಯಕ್ಷೆ

ತಿರುವನಂತಪುರಂ: ದಂಪತಿಗಳ ನಡುವಿನ ಸಮಸ್ಯೆಗಳು ಅವರ ಮಕ್ಕಳಲ್ಲಿ ಮಾನಸಿಕ ಒತ್ತಡವನ್ನು ಉಂಟುಮಾಡುತ್ತವೆ ಎಂದು ಮಹಿಳಾ ಆಯೋಗದ ಅಧ್ಯಕ್ಷೆ ಪಿ.ಸತಿ ದೇವಿ ಕಳವಳ ವ್ಯಕ್ತಪಡಿಸಿದ್ದಾರೆ.  ತಿರುವನಂತಪುರಂ ಜಿಲ್ಲಾ ಮಟ್ಟದ ಅದಾಲತ್ ನಂತರ ಅಧ್ಯಕ್ಷೆ ಮಾತನಾಡುತ್ತಿದ್ದರು.

ಅನೇಕ ಮಕ್ಕಳಿಗೆ ಸಮಾಲೋಚನೆ ಅಗತ್ಯವಿದೆ. ಒಂದೇ ಮನೆಯಲ್ಲಿ ವಾಸಿಸುವ ಗಂಡ ಹೆಂಡತಿ ನಡುವೆ ಯಾವುದೇ ಸಂಬಂಧಗಳಿಲ್ಲದ ಸ್ಥಿತಿ ಇದೆ. ಅವರು ಮನೆಯಿಂದ ನ್ಯಾಯಾಲಯಕ್ಕೆ ಬರುತ್ತಾರೆ. ಆದರೆ ಮನೆಯೊಳಗೆ ಮಲಗುವುದು ಮತ್ತು ಅಡುಗೆ ಮಾಡುವುದು ಎಲ್ಲವೂ ಬೇರೆ ಬೇರೆ. ಇದು ಅವರ ಮಕ್ಕಳ ಮೇಲೆ ಬೀರುವ ಮಾನಸಿಕ ಪರಿಣಾಮ ಗಂಭೀರವಾದುದು ಎಂದು ಅಧ್ಯಕ್ಷೆ  ನೆನಪಿಸಿದರು.

ಇದು ಮಕ್ಕಳ ಕಲಿಕೆ, ಜೀವನ ಮತ್ತು ದೃಷ್ಟಿಕೋನದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ.

ದಂಪತಿಗಳ ವಿವಾಹೇತರ ಸಂಬಂಧಗಳು ಮಕ್ಕಳಿಗೆ ತಪ್ಪು ಸಂದೇಶವನ್ನು ರವಾನಿಸುತ್ತವೆ. ಅವರು ಮದುವೆಯಾಗುವುದೇ ಬೇಡ ಎಂಬ ಯೋಚನೆಯತ್ತ ಸಾಗುತ್ತಿದ್ದಾರೆ ಎಂದವರು ಕಳವಳ ವ್ಯಕ್ತಪಡಿಸಿದ್ದಾರೆ.