ಭಾರತದಲ್ಲಿ ಆಧಾರ್‌ ಕಾರ್ಡ್‌ ಪಡೆದ ಮೊದಲ ವ್ಯಕ್ತಿ ಯಾರು ಗೊತ್ತಾ?

ಇಂದು ಭಾರತದಲ್ಲಿ ಶೇಕಡಾ 90 ಕ್ಕೂ ಹೆಚ್ಚು ಜನರು ತಮ್ಮದೇ ಆದ ಆಧಾರ್ ಕಾರ್ಡ್ ಹೊಂದಿದ್ದಾರೆ. ಆದರೆ ದೇಶದಲ್ಲಿ ಮೊದಲ ಆಧಾರ್ ಕಾರ್ಡ್ ಪಡೆದವರು ಯಾರೆಂದು ನಿಮಗೆ ತಿಳಿದಿದೆಯೇ? ಈ ಬಗ್ಗೆ ನಾವು ಈ ವರದಿಯಲ್ಲಿ ಮಾಹಿತಿ ನೀಡಲೀದ್ದೇವೆ.

ಯುಪಿಎ ಸರ್ಕಾರದ ಅವಧಿಯಲ್ಲಿ ಆಧಾರ್ ಕಾರ್ಡ್ ವ್ಯವಸ್ಥೆಯನ್ನು ಜಾರಿಗೆ ತರಲಾಯಿತು.

ಆಧಾರ್ ಯೋಜನೆಯ ನೇತೃತ್ವವನ್ನು ಇನ್ಫೋಸಿಸ್ ಸಹ-ಸಂಸ್ಥಾಪಕ ನಂದನ್ ನಿಲೇಕಣಿ ವಹಿಸಿದ್ದರು. ಆಧಾರ್ ಕಾರ್ಡ್ ಬಂದ ನಂತರ ಭಾರತದಲ್ಲಿ ಹಲವು ಪ್ರಮುಖ ಬದಲಾವಣೆಗಳಾಗಿವೆ. ಆಧಾರ್ ವ್ಯಕ್ತಿಯ ಗುರುತಿನ ಪುರಾವೆಯಾಗಿದ್ದು, ಇದರ ಆಗಮನದೊಂದಿಗೆ, ದೇಶದಲ್ಲಿ ಪಾರದರ್ಶಕತೆ ಕಂಡುಬಂದಿತು.

ಸರ್ಕಾರಿ ಯೋಜನೆಗಳು, ಬ್ಯಾಂಕಿಂಗ್ ಸಂಬಂಧಿತ ಕೆಲಸಗಳು, ಉದ್ಯೋಗಗಳು ಇತ್ಯಾದಿಗಳಿಗೆ ನಮಗೆ ವಿಶೇಷವಾಗಿ ಆಧಾರ್ ಕಾರ್ಡ್ ಅಗತ್ಯವಿದೆ. ಈ ಕಾರಣಕ್ಕಾಗಿ, ಭಾರತದಲ್ಲಿ ಜನರು ದೊಡ್ಡ ಪ್ರಮಾಣದಲ್ಲಿ ಆಧಾರ್ ಕಾರ್ಡ್‌ಗಳನ್ನು ಮಾಡಿಸಿಕೊಳ್ಳುತ್ತಿದ್ದಾರೆ. ಇನ್ನು ಭಾರತದಲ್ಲಿ ಮೊದಲ ಆಧಾರ್ ಕಾರ್ಡ್ ಪಡೆದವರು ಯಾರು ಎಂಬುದನ್ನು ಮುಂದೆ ತಿಳಿಯೋಣ.

ಜನವರಿ 2009ರಲ್ಲಿ, ಭಾರತ ಸರ್ಕಾರವು ಭಾರತದ ವಿಶಿಷ್ಟ ಗುರುತಿನ ಪ್ರಾಧಿಕಾರವನ್ನು ರಚಿಸಿತು. ಈ ಪ್ರಾಧಿಕಾರ ರಚನೆಯಾದ ನಂತರ, ಆಧಾರ್ ಕಾರ್ಡ್ ತಯಾರಿಸುವ ಕೆಲಸ ಸೆಪ್ಟೆಂಬರ್ 2010 ರಿಂದ ಪ್ರಾರಂಭವಾಯಿತು. ಅದರ ನಂತರ, ಆಧಾರ್ ಕಾರ್ಡ್‌ಗಳನ್ನು ತಯಾರಿಸುವ ಮತ್ತು ಜನರಿಗೆ ವಿತರಿಸುವ ಪ್ರಕ್ರಿಯೆಯು ಭಾರತದಲ್ಲಿ ದೊಡ್ಡ ಪ್ರಮಾಣದಲ್ಲಿ ಪ್ರಾರಂಭವಾಯಿತು.

ಭಾರತದ ಮೊದಲ ಆಧಾರ್ ಕಾರ್ಡ್ ಪಡೆದವರ ಬಗ್ಗೆ ಮಾತನಾಡಿದರೆ, ರಂಜನಾ ಸೋನಾವಾನೆ ಸೆಪ್ಟೆಂಬರ್ 29, 2010 ರಂದು ಮೊದಲ ಕಾರ್ಡ್‌ ಪಡೆದರು. ರಂಜನಾ ಮಹಾರಾಷ್ಟ್ರದ ಮಹಿಳೆ. ಆ ಸಮಯದಲ್ಲಿ ಅವರ ನಿವಾಸವು ಮಹಾರಾಷ್ಟ್ರದ ನಂದೂರ್ಬಾರ್ ಜಿಲ್ಲೆಯ ತಂಭಾಲಿಯಲ್ಲಿತ್ತು, ಇದು ಪುಣೆಯಿಂದ ಸುಮಾರು 470 ಕಿಲೋಮೀಟರ್ ದೂರದಲ್ಲಿದೆ.

ಯುಪಿಎ ಸರ್ಕಾರದ ಅವಧಿಯಲ್ಲಿ, ಮಹಾರಾಷ್ಟ್ರದ ನಂದೂರ್ಬಾರ್ ಜಿಲ್ಲೆಯ ತಂಭಾಲಿ ಗ್ರಾಮದಿಂದ ಆಧಾರ್ ಕಾರ್ಡ್ ವಿತರಿಸುವ ಕೆಲಸ ಪ್ರಾರಂಭವಾಯಿತು. ರಂಜನಾ ಸೋನಾವಾನೆ ಅವರಿಗೆ ಮೊದಲ ಆಧಾರ್ ಕಾರ್ಡ್ ಅನ್ನು ಸೋನಿಯಾ ಗಾಂಧಿ ಮತ್ತು ಅಂದಿನ ಪ್ರಧಾನಿ ಮನಮೋಹನ್ ಸಿಂಗ್ ಅವರ ಸಮ್ಮುಖದಲ್ಲಿ ನೀಡಲಾಯಿತು.

ರಂಜನಾ ಸೋನಾವಾನೆ ಭಾರತದಲ್ಲಿ ಮೊದಲ ಆಧಾರ್ ಕಾರ್ಡ್ ಪಡೆದ ಮೊದಲ ಮಹಿಳೆ. ಇಂದು ಭಾರತದಲ್ಲಿ ಹೆಚ್ಚಿನ ಸಂಖ್ಯೆಯ ಜನರು ಆಧಾರ್ ಕಾರ್ಡ್ ಹೊಂದಿದ್ದಾರೆ. ಸರ್ಕಾರದ ಅನೇಕ ಸಾರ್ವಜನಿಕ ಕಲ್ಯಾಣ ಯೋಜನೆಗಳ ಪ್ರಯೋಜನಗಳನ್ನು ಪಡೆಯಲು ಇದು ಅಗತ್ಯವಿದೆ.